Ripitison di Lei 31 - Portuguese Creole Bible, Guinea-Bissau

Josué kujidu pa toma lugar di Moisés

1Moisés kontinua papia ku tudu Israel,

2i fala elis: “Gosi N sta ku idadiSai 7.7 di sentu i vinti anu; N ka pudi ja mas gia bos. Fora di kila, SIÑOR falan ja kuma N ka pudi kambaKap 3.27; 4.21-22; 32.48-52; 34.7 Jordon.

3SIÑOR bu Deus, i el ku na kamba bu dianti; i na kaba ku ki nasons pa bu pudi toma se tera.Kap 3.28; 9.3; 34.9; Num 27.18-21 Josué na bai bo dianti, suma ku SIÑOR fala.

4SIÑOR na fasi elis suma ki fasi Sion ku Og, ki reisNum 21.23-35 di amoreus, manera ki kaba ku elis ku se tera.

5Ora ku SIÑOR ntrega elisKap 7.2 na bo mon, bo na fasi elis konformi tudu ordi ku N da bos.

6Bo sedu forti, bo ten koraẑen; ka bo ten meduKap 20.1; Num 14.9; Jos 1.5-7,9; 10.25; Eb 13.5 nin ka bo panta se dianti, pabia SIÑOR bo Deus, i el ku na bai ku bos. I ka na disa bos nin i ka na bandona bos.”

7Moisés coma Josué, i falal na pursensa di tudu Israel: “Sedu forti, bu tenKap 31.23; 1.38; 3.28; Jos 1.6; Dan 10.19 koraẑen, pabia bu na yentra ku e pobu na tera ku SIÑOR purmiti bu papes ku juramentu kuma i na da elis; i abo ku na fasi elis yardal.

8SIÑOR i kil ku na bai bu dianti, el i na sta ku bo; i ka na disau, nin i ka na bandonau. Ka bu medi nin ka bu panta.”

Leitura di lei

9Moisés skirbi e lei, i ntregal na mon diKap 17.18 tudu garandis di Israel ku saserdotis, fijus di Levi, ku ta lebaba arka di kontratu di SIÑOR.

10Moisés da elis ordi, i fala: “Na fin di kada seti anu, na anu ku markaduKap 15.1-2 pa purda dibidas, na festival di barakas,

11ora ku tudu Israel bin dianti di SIÑOR na kau ki kuji, bu na lei e leiJos 8.34-35; 2 Re 23.2; Ne 8; 9.3; At 15.21 dianti delis tudu, pa e obi.

12Junta pobu, omis, minjeris, mininus, ku stranjerus ku mora na bu prasas, pa e obi, e sibi rispita SIÑOR bu Deus, e pui sintidu pa pratika tudu palabras de lei.

13Se fijusKap 6.6-7; Kum 18.19; Dit 22.6 ku ka kunsi lei, e ta obi, e sibi rispita SIÑOR bo Deus tudu tempu ke na vivi na tera ku bo na bai kamba Jordon pa toma.”

Deus nkarga Josué pobu

14SIÑOR fala Moisés: “Gosi bu dia di mortu sta ja pertu. Coma Josué, bo bin pa mi na tenda di juntamentu, pa N dal ordi.” Asin Moisés ku Josué bai pursenta na tenda di juntamentu.

15SIÑOR bin pa tenda na kulunaSai 33.9-10; 40.38 di nuven; kuluna para riba di entrada di tenda.

16SIÑOR fala Moisés: “Bu na bai diskansa ku bu papes; e pobu e na sedu infielŜef 2.12,17,20; 10.6,13; Sal 106.39; Jer 2.13; Os 1.2 pa mi; e na lanta e bai tras di deusis di ki rasas di tera ke na bai na se metadi; e na disan, e kebra ña kontratu ku N fasi ku elis.

17Asin N na paña raibaKap 29.20; Ŝef 2.14-15,20; 2 Kron 15.2 ku elis na ki dia, N bandona elis, N sukundi ña rostuKap 32.20; Sal 27.9; 30.7; 104.29; Is 8.17; 59.2; Ez 39.23-24,29 delis; e na ngulidu. Manga di mal ku mufunesa na yangasa elis, tok e punta: ‘Nta tudu e mal ku yangasanu i ka pabia no DeusŜef 6.13 ka sta na no metadi?’

18Na ki dia N na sukundi ña rostu pabia di tudu mal ke fasi, manera ke da kosta e bai tras di utru deusis.

19“Gosi, bo skirbi e kantiga pa bos, bo nsinal pa fijus di Israel, bo pui elis pa e kantal,Sai 15.1 pa i pudi sirbin suma tustumuñu kontra elis.

20Ami N na yentranda elis na tera ku N purmiti se papes ku juramentu, ki tera riku ku ta pruduzi ciu; e na bin kume, e farta, e taka. Dipus e na negan,Kap 32.15; Ne 9.25-26,35; Os 13.6 e kebra ña kontratu, e bai tras di utru deusis pa sirbi elis.

21Ora ku ki mal ku mufunesa yangasa elis, e kantiga na testifika kontra elis, pabia se fijus ka na diskisi di kantal. Ami N sibiSal 139.1-4; Jon 2.24-25; At 2.23 ja kal ki se sintidu, mesmu antis di N yentranda elis na tera ku N purmiti elis ku juramentu.”

22Asin, Moisés skirbi ki kantiga na ki dia, i nsinal pa fijus di Israel.

23SIÑOR da ordi pa Josué, fiju di Nun, i falal: “Sedu forti, bu ten koraẑen, pabia bu na yentranda fijus di Israel na tera ku N purmiti elis ku juramentu. Ami N na sta ku bo.”

Libru di lei pudu lungu di arka

24Oca ku Moisés kaba skirbi tudu palabras de lei na un libru, disna di kumsada te na kabantada,

25i da e ordi pa levitas ku ta lebaba arka di kontratu di SIÑOR, i fala elis:

26“Bo toma e libru di lei, bo pul lungu di arka di kontratu2 Re 22.8 di SIÑOR bo Deus, pa i sta la suma tustumuñu kontra bos.

27N kunsi bo disobdiensia ku bo risu garganti. Manera ku bo ta ravolta kontra SIÑOR nkuantu N sta ku vida na bo metadi, ku fadi gora dipus di N muri!

28Bo junta ña dianti tudu garandis di bo jorsons, ku bo gubernaduris, pa N konta elis e palabra na se oreja. N na coma seu ku teraKap 4.26 pa e sedu tustumuñus kontra elis.

29N sibi kuma, dipus di ña mortu, kurupson na toma konta di bo vida. Bo na disvia di kamiñu ku N manda bos pa bo yanda nel. Ora ku bo fasi mal na uju di SIÑOR pa lantanda si raiba ku kusas ku bo na kumpu ku bo mon, ki malKap 28.15; 2 Kron 34.24 na bin yangasa bos.”

30Dipus, Moisés ripiti palabras de kantiga tok i kaba; tudu juntamentu di Israel na sukutalba.