Lukas 14 - Portuguese Creole Bible, Guinea-Bissau

Jesus kura un omi ku tene duensa di incasku

1Jesus yentra na kasa di un ŝef di fariseus na dia di diskansu pa kume. Elis e fika e na jubil diritu.

2I staba la si dianti un omi ku kurpu incadu.

3Jesus punta duturis di lei ku fariseus: “Lei ta pirmiti pa kura na dia di diskansuMat 12.10 o nau?”

4E kala. Jesus toma omi, i kural, i mandal pa i bai.

5I punta elis: “Si un di bos tene un buruKap 13.15 o un turu ku kai na fonti na dia di diskansu, bu ka na bai tiral na ki ora?”

6E ka pudiba ruspundil nada.

Pruntu pa toma lugar mas bas

7Oca ku Jesus rapara kuma kumbidadus na kuji lugarisMat 23.6 di rispitu, i da elis un komparason, i fala:

8“Ora ku algin kumbidau pa kasamenti, ka bu buska lugar di mas rispitu; yar i ten utru kumbidadu di mas katigoria.

9Si kil ku kumbida bos bin i falau: ‘Da es utru ki lugar,’ bu ten ku toma lugar mas bas ku borgoña,

10ma ora ku bu kumbidadu, bai sintaDit 25.6-7 na lugar mas bas. Ora ku kil ku kumbidau bin, i ta falau: ‘Amigu, subi mas riba.’ Asin bu ta ten rispitu dianti di tudu kilis ku sta na mesa ku bo.

11Tudu kil ku yalsaKap 18.14; Jo 22.29; Dit 29.23; Mat 23.12 si kabesa, i ta baŝadu. Kil ku baŝa si kabesa, i na yalsadu.”

12I fala tambi kil ku kumbidal: “Ora ku bu fasi un jantar o un sia, ka bu kumbida bu amigus, nin bu ermons, nin parentis, nin bu visiñus riku, pa ka e bin torna kumbidau tambi. Asin bu ta risibi bu pagamentu,

13ma ora ku bu fasi festa, kumbidaNe 8.10,12; Jo 31.16-21 jinti pobri, manku, ku segu.

14Asin bu ta sortiadu, pabia elis e ka tene di pagau, ma Deus na pagau ora ki lantanda jinti justuJon 5.29; At 24.15 di mortu.”

Komparason di garandi festa(Mat 22.1-14)

15Un di kilis ku staba ku el na mesa obi e kusa, i falal: “Sortiadu i ki algin ku mati festaApok 19.9 na renu di Deus.”

16Jesus falal: “Un omi fasi garandi festa, i kumbida manga di jinti.

17Na ora di festa i manda si kriadu pa i bai fala kumbidadus: ‘Bo bin, pabia tudu sta ja pruntu.’

18Kada un kumsa na diskulpa,Kap 8.14 un son un son. Purmeru fala: ‘N kumpra un terenu, N ten ku bai jubil. N pidiu pa bu diskulpan.’

19Utru fala: ‘N kumpra sinku par di turu, N sta na kamiñu pa bai spurmenta elis. N pidiu pa bu diskulpan.’

20Utru fala: ‘N kumsa kasa nan; e ku manda N ka pudi bai.’

21“Kriadu riba, i konta si patron ke ke fala. Dunu di kasa paña raiba, i fala si kriadu: ‘Sai dipresa na ruas ku bekus di prasa, bu tisi li pobris ku mankus ku segus.’

22Dipus kriadu falal: ‘Siñor, N fasi kil ku bu fala, ma lugar ten inda.’

23Patron fala kriadu: ‘Sai fora di prasa na ruas ku kamiñusiñus, bu obriga elis pa e yentra, pa ña kasa pudi inci.

24N na konta bos kuma, nin un di ki omis ku kumbidaduMat 8.11-12; 21.43; At 13.46 ka na kume nada di ña festa.’ ”

I ta kusta pa sedu disipulu di Jesus(Mat 10.37-38)

25Un bias garandi multidon na kumpañaba Jesus. I rabida i fala elis:

26“Si algin na bin pa mi, i ka pui si papeSai 32.26-28; Lei 13.6-9; 33.8-9; Mat 10.37 aparti, ku si mame, si minjer, si fijus, si ermons macu ku femia, si kabesaApok 12.11 propi, i ka pudi sedu ña disipulu.

27Kil ku ka lambu si krusKap 9.23 pa i bin ña tras, i ka pudi sedu ña disipulu.

28“Si un di bos misti kumpu kasaDit 24.27 garandi, i ten ku sinta purmeru pa fasi konta di kil ki na gasta, pa jubi si i tene diñeru pa kabantal.

29Si i pui alisersu, i ka pudi kaba, tudu jinti ku ojal e na fasil trosa,

30e fala: ‘E omi kumsa kumpu kasa, i ka pudi kabantal!’

31“Si un rei na bai geria kontra utru rei, i ten ku sinta purmeru pa jubi si el, ku des mil, i pudi geria ku kil ku na bin kontra el ku vinti mil.

32Si i ka pudi, i ten ku manda jinti pa pidi pasKap 12.58 na mon di ki utru rei nkuantu i sta lunju.

33Asin, kualker di bos ku ka disa tudu kusa ki tene, i ka pudi sedu ña disipulu.

Sal ku bida dos(Mat 5.13; Mar 9.50)

34“Sal i bon, ma si i pirdi si gustu, ke ku ta pul mas pa i salga?

35I ka ta bali pa con, nin pa strumu; i son pa bota. Kin ku tene oreja pa obi, pa i sukuta.”