Salmus 145 - Portuguese Creole Bible, Guinea-Bissau

Kantiga di Davi.

1O Deus ña Rei, N na garandisiu;

N na fala ben di bu nomi pa tudu sempri.

2Kada dia N na ngabau,

N na fala ben di bu nomi pa tudu sempri.

3SIÑOR i garandi, i mersi ngabadu ciu;

si garandesa ka pudiJo 5.9; 9.10; Rom 11.33-34 kunsidu.

4Papes na konta se fijus kusas garandi ku bu fasi;

e na ngaba bu tarbaju.

5Ami N na fala di garandesa gloriosu di bu puder,

ku kusas maravilyosu ku bu fasi.

6Jinti na fala aserka di forsa di kusas meduñu ku bu fasi;

ami N na konta di bu garandesa.

7E na da pasada di bu garandi bondadi,

e na kanta ku kontentamentu di bu retidon.

8SIÑOR i bon, i ta sintiSai 34.6 pena;

i ta tarda pa paña raiba;

i ten garandi miserikordia.

9SIÑOR i bon pa tudu jinti;

si amor sta riba di tudu ki kumpu.

10O SIÑOR, tudu ku bu kumpuKap 19.1 na ngabau;

bu pobu na fala ben di bo.

11E na papia di gloria di bu renu,

e na konta di bu puder,

12pa tudu jinti pudi sibi di kusas garandi ku bu fasi,

ku gloria di garandesa di bu renu.

13Bu renuKap 146.10; Sai 15.18; Is 9.7; Dan 2.44; 4.3,34; 7.14; Mik 4.7; 1 Tim 1.17; Apok 11.15 i un renu ku ka ta kaba;

bu puder di manda i pa tudu manjuandadi.

SIÑOR i fiel na tudu si purmesas,

i bon na tudu ki fasi.

14SIÑOR ta sugura tudu kilis ku kai,

i ta lantanda kilis ku batidu.

15Uju di tudu sta na bo;

bu ta da elis se kumidaKap 104.27 na tempu sertu.

16Bu ta yabri bu mon,

bu fartanda diseẑu di tudu ku tene vida.

17SIÑOR i justu na tudu si kamiñu,

i bon na tudu si tarbaju.

18SIÑOR sta pertuTia 4.8 di tudu jinti ku ta comal,

di tudu kilis ku ta comal ku bardadi.

19Kilis ku rispital, i ta da elis kusa keJon 15.7 misti,

i ta obi elis ora ke na comal, i ta salba elis.

20SIÑOR ta guarda1 Ped 1.5 tudu jinti ku amal,

ma tudu jinti mau na kabadu ku el.

21Ña boka na ngaba SIÑOR;

tudu kriatura na ngaba si nomi sagradu pa tudu sempri.