Jeremias 38 - Portuguese Creole Bible, Guinea-Bissau

Jeremias na fonti seku

1Sefatias, fiju di Matan, Jedalias, fiju di Pasur, Jeukal,Kap 37.3 fiju di Selemias, ku Pasur,Kap 21.1 fiju di Malkias, e obi palabras ku Jeremias na papiaba ku tudu pobu, i fala:

2“Asin ku SIÑOR fala: ‘Kil ku fika ne prasa i na muriKap 21.9-10 di spada, fomi o duensa, ma kil ku sai pa jinti di Babilonia i na bibu, i na kapli ku si vida, i ka na muri.’

3Asin ku SIÑOR fala: ‘E prasa, i ka na maina, i na ntregadu na mon di tropas di rei di Babilonia; el i na tomal.’ ”

4Ŝefis fala rei: “Ki omi dibi diKap 26.11 muri, pabia i na disanima omis di gera ku sobra ne prasa, ku tudu pobu, manera ki na fala elis ki palabras. Ki omi ka na buska ben de pobu, ma son mal.”

5Rei Zedekias fala: “I sta na bo mon. Ami N ka pudi fasi nada1 Sam 15.24; 29.9; 2 Sam 3.39; Jon 19.12-16 kontra bos.”

6Asin e toma Jeremias, e botal na fonti di Malkias, fiju di rei, ku staba na kintal di guarda. E rianta Jeremias ku kordas. I ka tenba yagu na fonti, son lama; Jeremias ntola na lama.

7Ebed-MelekKap 39.16-18 di Etiopia, un funsionariu di kasa di rei, i bin obi kuma e miti Jeremias na ki fonti. Rei staba sintadu na porton di Benjamin.

8Ebed-Melek sai na palasiu, i bai pa rei, i falal:

9“Ñu Rei, ki omis e fasi mal na tudu ke fasi ku anunsiadur Jeremias. E botal na fonti. I na muri la di fomi, pabia pon ka ten mas na prasa.”

10Rei da ordi pa Ebed-Melek di Etiopia, i falal: “Leba trinta omi pa e tira anunsiadur Jeremias na fonti antis di i muri.”

11Asin Ebed-Melek toma ki omis, i bai pa kasa di rei, pa un kuartu bas di armazen di rikesa, i toma di la ratajus ku utru ropa beju, i rianta elis ku kordas pa Jeremias,

12i falal: “Pui e ratajus ku ropa beju bas di sabaku, pa ka korda molostau.” Jeremias fasi asin.

13E junda Jeremias ku kordas, e tiral na fonti. Jeremias fika na kintalKap 37.21 di guarda.

Zedekias pidi konsiju di Jeremias

14Rei Zedekias manda tisi anunsiadur Jeremias na si dianti, na terseru entrada di kasa di SIÑOR, i falal: “N misti puntau un kusa; ka bu sukundin nada.”

15Jeremias ruspundi Zedekias: “Si N bin kontau tudu, bu ka na matan? Si N dau konsiju, bu na obin?”

16Rei Zedekias jurmenta pa Jeremias na sigridu, i falal: “N jurmenta pa vida di SIÑOR ku danu vida kuma N ka na matau, nin N ka na ntregau na mon di ki omis ku misti matau.”

17Jeremias fala Zedekias: “Asin ku SIÑOR Deus ku ten tudu puder, Deus di Israel, fala: ‘Si bu sai, bu ntrega bu kabesaKap 38.2 pa ŝefis di reiKap 39.3 di Babilonia, bu ta bibu; e prasa i ka na kemadu ku fugu; abo ku bu familia bo ta bibu,

18ma si bu ka ntrega bu kabesa pa ŝefis di rei di Babilonia, e prasa na ntregadu na mon di tropas di Babilonia; e na kemal ku fugu. Bu ka na kapliKap 38.23; 32.4; 39.5-7 na se mon.’ ”

19Rei Zedekias fala Jeremias: “N ten meduDit 29.25 di judeus ku bai ja pa jinti di Babilonia, pabia kilas pudi ntregan na mon di ki judeus; e ta fasin mal.”

20Jeremias falal: “E ka na ntregau. Ten pasensa, obi palabra di SIÑOR, bu fasi ke ku N falau. Asin, kusas na kuriu diritu; bu na salba bu vida.

21Si bu nega ntrega bu kabesa, es i palabra ku SIÑOR mostran:

22Tudu minjeris ku fika na kasa di rei di Judá e na lebadu pa ŝefis di rei di Babilonia. E na falau:

“‘Kil bu amigus ku bu fiansaba nelis

e nganau, e ngañau.

Gosi bu pe ntola na lama;

bu amigus bandonau.’

23“Asin tudu bu minjeris ku bu fijus na lebadu pa jinti di Babilonia.Kap 38.18; 41.10 Abo bu ka na kapli na se mon, ma bu na sta prezu na mon di rei di Babilonia ku na kema e prasa ku fugu.”

24Zedekias fala Jeremias: “Ka bu disa ningin sibi de kombersa; asin bu ka ta muri.

25Ora ku ŝefis obi kuma N papia ku bo, e na bin pa bo, e na falau: ‘Kontanu ke ku bu fala rei, ku ke ku rei falau. Ka bu sukundinu nada pa ka no matau.’

26Bu ta fala elis: ‘N fasi ña pididu dianti di rei pa ka i tornan na kasa diKap 37.15,20-21 Jonatas, pa ka N bai muri la.’ ”

27Dipus, tudu ŝefis bin pa Jeremias, e puntal. Jeremias ruspundi elis konformi tudu palabras ku rei dal ordi pa i fala. E disal, pabia ningin ka obiba si kombersa ku rei.

28Jeremias fika na kintal di guarda te na dia ku Jerusalen tomadu.