1Oca ku Reoboan ciga na Jerusalen, i junta sentu i oitenta mil omi ku sibi geria, di jorsons di Judá ku Benjamin, pa geria kontra ki utru jorsons di Israel, pa torna renansa na mon di Reoboan.
2Ma SIÑOR bin papia ku Semaias,Kap 12.5,7,15 omi di Deus, i falal:
3“Bai papia ku Reoboan, fiju di Salomon, rei di Judá, ku tudu Israel ku mora na Judá ku Benjamin, bu fala elis
4kuma SIÑOR fala: ‘Ka bo bai geria kontra bo ermons, pabia i ami ku fasi e tarbaju. Kada kin pudi riba pa si kasa.’ ” E obi ke ku SIÑOR fala, e disa, e ka bai kontra Jeroboan.
Reoboan fortifika prasas5Reoboan mora na Jerusalen, i fortifika utru prasas di Judá pa difesa:
6Belen, Etan, Tekoa,
7Bet-Zur, Sokó, Adulan,
8Gat, Maresa, Zif,
9Adorain, Lakís, Azeka,
10Zorá, Aijalon ku Ebron. Utrus de prasas forti staba na Judá, utrus na Benjamin.
11I fortifika se kuartelis, i pui kapitons nelis, ku armazens di kumida, azeiti ku biñu.
12I pui tajaderas ku kañakus na kada un delis; i fortifika elis diritu. Asin Judá ku Benjamin fika na si puder.
Kilis ku misti yanda ku Deus e bai pa Jerusalen13Saserdotis ku levitas di tudu parti di Israel e bai pa ladu di Reoboan.
14Levitas disa se kausKap 13.9; Num 35.2-5; Jos 21 di bakia ku se terenu, e bin pa Judá ku Jerusalen, pabia Jeroboan ku si fijus tira elis na se sirvis ke ta fasiba pa SIÑOR,
15i ranja si propi saserdotis pa kaus altu sagradu, pa kultusSir 17.7; 1 Re 12.28-31; 1 Kor 10.20-21; 1 Tim 4.1 di dimonius ku di idulus di bakasiñus ki kumpu.
16Di tudu jorsons di Israel, kilis ku pui sintidu pa buska SIÑOR Deus di Israel e baiKap 15.9; 30.11,18-19; Lei 12.5-6,13-14 pa Jerusalen, pa pursenta sakrifisius pa SIÑOR Deus di se papes.
17E fortifika renu di Judá, e apoia Reoboan, fiju di Salomon, e yanda na kamiñu di Davi ku Salomon pa tris anu.
Familia di Reoboan18Reoboan kasa ku Maalat, fiju di Jerimot, fiju di Davi. Mame di Maalat seduba Abiail, fiju di Eliab,1 Sam 16.6 fiju di Jesé.
19I padi tris fiju ku el: Jeus, Semarias ku Zaan.
20Dipus i kasa ku Maaka, fiju femia di Absalon; e padi Abias, Atai, Ziza ku Selomit.
21Reoboan teneba disoitu minjer ku sesenta kumadri, i padi ku elis vinti i oitu fiju macu ku sesenta femia. Na tudu si minjeris ku kumadris i mas amaba Maaka, fiju di Absalon,
22i kuji si fiju Abias, i fasil ŝef na metadi di si ermons, pabia i mistibaKap 12.16; Lei 21.15-17 pa i bin sedu rei.
23I usa jiresa, i pajigaKap 21.3; Kum 25.6 si fijus macu, i da elis lugar na ki prasas forti na tera di Judá ku Benjamin; i da elis manga di kumida, tambi i ranja manga di minjer pa e kasa ku elis.
Who We AreWhat We EelieveWhat We Do
2025 by iamachristian.org,Inc All rights reserved.
