Numerus 30 - Portuguese Creole Bible, Guinea-Bissau

Regras aserka di votus

1Moisés papia ku ŝefis di jorsons di fijus di Israel, i fala elis: “Esis i ordis ku SIÑOR da.

2Si un omi fasi purmesa pa SIÑOR, o i mara si kabesa bas di un juramentu, i ka pudi kebraSir 27.2; Lei 23.21-23; Jo 22.27; Sal 22.25; 66.13-14; 76.11; 116.14,18; 119.106; Ekl 5.4-5; Naun 1.15; Mat 5.33-37 si palabra. Tudu ki papia ku si boka, i ten ku fasil.

3“Si un minjer nobu, ku sta inda na kasa di si pape, i fasi purmesa pa SIÑOR, o i mara si kabesa ku juramentu,

4si si pape obi ki purmesa o ki juramentu, ma i ka falal nada, tudu ki fala o i jurmenta i na firma.

5Ma si si pape tujil na ki dia ki obil, tudu si purmesas o si juramentu ki mara kabesa ku el i ka na kontadu ku el. SIÑOR na purdal pabia si pape tujil.

6“Si un minjer fasi purmesa o i mara si kabesa ku palabras ki papia sin pensa diritu, dipus i bin kasadu,

7si si omi obil, ma i kala na ki dia, si purmesas ku si palabra ki mara si kabesa ku el i na firma.

8Ma si si omi tujil na ki dia ki obil, i negaKum 3.16; 1 Kor 11.3; Ef 5.22-24; 1 Ped 3.1 ki purmesa o ki palabra ki mara si kabesa ku el, SIÑOR na purdal.

9“Si i viuva o minjer divorsiadu ku da purmesa, tudu palabra ki mara si kabesa ku el na firma.

10“Si minjer ku mora na kasa di si omi fasi purmesa o i mara si kabesa ku juramentu,

11si si omi obil, i kala, i ka tujil, tudu si purmesas ku si juramentu ki mara si kabesa ku el na firma.

12Ma si si omi tujil na ki dia ki obil, tudu palabra ki papia ku si boka, ku juramentu ki mara si kabesa ku el, i ka na firma. SIÑOR na purdal pabia si omi tujil.

13Tudu purmesa o juramentu ku minjer fasi pa nega si kabesa, si omi pudi firmantal o negal.

14Ma si si omi ka falal nada di un dia pa utru, i na firmanta tudu si purmesas ku juramentus ku na maral. I firmantal ki purmesas pabia i ka falalba nada na ki dia ki obil.

15Si omi pera dias pasa, i kumsa bin tujil kumpri si purmesa, i na sedu kulpadu pa falia di si minjer.”

16Esis i regras ku SIÑOR da Moisés aserka di omi ku si minjer, tambi aserka di pape ku si fiju femia ku sta inda na si kasa.