Atus 3 - Portuguese Creole Bible, Guinea-Bissau

Kura di un omi manku

1Un dia, na tris ora di tardi, oca ora di orason ciga, Pedru ku Jon na baiba pa kasa di Deus.

2I tenba un omi, disna ki padidu i manku ba. Jinti kustuma ta lebalbaKap 14.8; Jon 9.8 kada dia na porta di kasa di Deus ku ta comadu Formosa, pa i pudi ba ta pidi simola na mon di jinti ku ta yentraba la.

3Oca ki oja Pedru ku Jon na yentra na kasa di Deus, i pidi elis simola.

4Pedru ku Jon finka uju nel; Pedru falal: “Jubi pa nos.”

5Omi yalsa uju pa elis; i kuda kuma e na dal kualker kusa.

6Pedru falal: “N ka tene nin prata nin uru, ma N na dau kil1 Ped 4.10 ku N tene. Na nomiKap 4.10 di Jesus Kristu di Nazaré, lanta bu yanda.”

7I pegal na mon direita, i judal lanta. Logu forsa yentra na si pe tudu ku uju di pe.

8I jukuta,Kap 14.10; Is 35.6 i firma, i bai i yentra juntu ku elis na kasa di Deus; i na jukuta, i na yanda, i na ngaba Deus.

9Tudu jintiKap 4.16,21 ojal i na yanda, i na ngaba Deus.

10E rapara kuma i el ku ta sintaba, i na pidi simolaJon 9.8 na ki porta di kasa di Deus ku tene nomi di Formosa. E fika ntrumpidu, e dimira ciu pabia di kusa ku kontisi.

Pedru papia ku jinti na kasa di Deus

11Oca ki omi pega Pedru ku Jon na mon, tudu jinti fika dimiradu, e kuri pa elis na lugar ku comadu barandaKap 5.12; Jon 10.23 di Salomon.

12Oca ku Pedru oja elis, i punta: “Omis di Israel, pa ke ku bo na dimira e kusa ku kontisi? Ke ku manda bo na jubinu suma ki no forsa o i no vida puru ku pui e omi yanda?

13Deus di Abraon,Kap 5.30 Isak ku Jakó, Deus di no papes, i glorifikaJon 12.16; 17.1; Fil 2.9 si servu Jesus, kil ku bo ntregaKap 13.28; Mat 27.1-2,20 na otridadi, ku bo nega dianti di Pilatus, oca ku kila mistiba largal.

14Bo nega kil kiKap 2.27; 4.27; Mar 1.24; Luk 1.35 santu, kiKap 7.52; 22.14 justu; bo pidi Pilatus pa i larga bos ki omiLuk 23.19 matadur.

15Bo mata Dunu1 Jon 5.11 di vida, ma Deus lantandalKap 2.24,32 di mortu. Anos no sedu tustumuñas de kusa.

16I feKap 4.10 na si nomi ku da forsa pa e omi, ku bo na oja, bo kunsi. I nomi di Jesus, ku fe ku bin pabia del, ku dal e kura kompletu ku abos tudu bo oja.

17“Agora ermons, N sibi kuma abos tudu ku bo ŝefis bo fasi e kusa pabia bo ka sibiKap 13.27; Luk 23.34; Jon 16.3; 1 Kor 2.8; 1 Tim 1.13 ke ku bo na fasi.

18Ma i asin ku Deus fasi kil ki tarda fala na boka di tudu si anunsiaduris, kuma Kristu ten kuKap 26.22-23; Luk 24.27; 1 Ped 1.10-11 sufri.

19Asin, boKap 2.38 ripindi, bo konverti, pa bo pekadu limpadu, pa Siñor da bos tempu di arnobason,

20pa manda Kristu ki tarda kuji pa bos, ku sedu Jesus.

21Ma i ten ku fika na seu te ora ku tempu ciga ku Deus na arnobaIs 1.26; Mal 3.4 tudu kusa, suma ki fala disna na boka di si santu anunsiaduris.

22Moisés falaKap 7.37; Lei 18.15,18-19 kuma Siñor bo Deus na lantanda un anunsiadur suma el. I na sedu di bo pobu. I el ku bo na obi na tudu ki na fala bos.

23Tudu kin ku ka obi e anunsiadur i na tiradu na metadi di pobu.

24Tudu anunsiadur disna di Samuel, ku tudu kilis ku bin si tras ku palabra di Deus, e konta tambi de dias ku no sta nel.

25“Abos ku sedu fijus diRom 9.8 anunsiaduris. Bo yarda kontratu ku Deus fasi ku bo papes di antigu, oca i fala Abraon: ‘Tudu rasas na munduKum 12.3; Gal 3.8 na sortiadu pabia di bu jorson.’

26Deus lantanda si servu, i mandal pa bosKap 13.24,46; Mat 10.5-6; 15.24; Luk 24.47; Rom 1.16 purmeru, pa i bensua bos, pa i pui kada un di bos rabida di si mau kamiñu.”