Kantiga di Salomon 3 - Portuguese Creole Bible, Guinea-Bissau

1Di noti, na ña kama,

N buskaIs 26.9 kil ku N ama di korson;

N buskal, ma N ka ojal.

2N na lanta, N bai da volta na prasa,

N na buska kil ku N ama di korson

na ruas ku kamiñus.

N buskal, ma N ka ojal.

3GuardasKap 5.6-7 ku na fasi ronda na prasa e ojan.

N punta elis si e oja kil ku N ama di korson.

4N afasta son un bokadu delis,

N oja kil ku N ama di korson.

N pegal, N ka misti largal,

tok N yentrandal na kasa di ña mame,

na kuartu di kil ku padin.

5N roga bos, minjeris di Jerusalen,

na nomi di gazelas di matu;

ka bo kordaKap 2.7 nin ka bo ntrumpi amor

te ora ki misti.

6Es i kinKap 8.5 ku na bin di lala,

suma fumu ku na lanta,

ku tene purfumu di mira ku nsensu,

ku utru plantas ku ta cera sabi.

7Es i karu di Salomon,

ku sesenta omi di gera ku na rodial,

ki minjoris di tropas di Israel,

8tudu yarmadu ku spadas,

ku ten jitu na gera.

Kada un tene si spada na sintura,

purparadu pa kualker ataki di inimigu di noti.

9Rei Salomon fasi ki karu pa si kabesa

di madera di Líbanu.

10I kumpu si kulunas di prata;

con di karu, i kumpul di uru.

Asentu foradu di almofada di purpura;

minjeris di Jerusalen e ranja ki parti di dentru ku amor.

11Minjeris di Sion, bo sai,

bo jubi rei Salomon,

ku si koroa ku si mame pul

na dia di si kasamenti,

ki dia di kontentamentu di si korson.