Apokalipsi 9 - Portuguese Creole Bible, Guinea-Bissau

Kintu korneta

1Kintu anju toka si korneta. N oja un strela ku sai na seu, i kai na tera; i dadu cabi di koba diKap 17.8; 20.1; Luk 8.31 abismu.

2I yabri ki abismu; fumu sai na koba suma fumu di un furnu garandi. Fumansa di ki koba i bidanta sol ku ar sukuru.

3GamfañotisSai 10.13-15 sai na ki fumansa, e spaja na tera. E dadu puder suma di lakaran.

4E faladu pa ka dana erva, nin un planta verdi, nin un arvuri, ma son jinti ku ka tene markaKap 7.3-4; Sai 12.23 di Deus na se testa. x

5E ka disadu mata elis, ma son pa kastiga elis sinku mis ku dur suma di murdidura di lakaran.

6Na ki tempu jinti na buskaJo 3.21; Jer 8.3 mortu, ma e ka ta ojal. E na misti muri, ma mortu na lunjusi elis.

7Ki gamfañotis parsiba ku kabaluJoe 2.4; Naun 3.17 ku purparadu pa gera. Na se kabesa e teneba kusa suma koroa di uru. Se rostu seduba suma rostu di omi.

8E teneba kabelu suma kabelu di minjer; se dintiJoe 1.6 i suma di lion.

9Se pitu tajadu ku un armadura suma feru, ku comadu kurasa. BarujuJoe 2.5-7 di se asas i suma baruju di manga di karu di kabalu ku na kuri pa gera.

10E tene rabu ku fidida suma di lakaran. Ku ki rabu e ten puder pa kastiga jinti sinku mis.

11Riba delis i tenba reiJon 12.31 ku sedu anju di abismu. Si nomi comadu na lingua di ebreus Abadon, na lingua gregu Apolion (ku sedu Danadur).

12Purmeru kastigu pasa ja, ma i na bin mas dus kastigu.

Sestu korneta

13Sestu anju toka si korneta. N obi un vos ku sai na kuatru ponta di altar di uru ku staba dianti di Deus,

14ku fala ki sestu anju ku tene korneta: “Larga ki kuatru anju ku sta prezu pertu di garandi riuKap 16.12; Kum 2.14 Eufrates.”

15Ki kuatru anju ku staba purparadu pa ki ora, ki dia, ki mis ku ki anu, e largadu pa mata tersa parti di jinti.

16N obi numeru di tropas di kabalerus; i seduba duzentus milyon.

17I asin ku N oja ki kabalus na manera ku N mostradu el. Kilis ku monta elis e teneba kurasa burmeju suma fugu, azul suma safira, amarelu suma nŝofri. Kabesa di kabalu seduba suma kabesa di lion. Fugu na saiba na se bokas, ku fumu ku nŝofri.

18E tris kastigu, ku sedu fugu, fumu ku nŝofri ku sai na se boka, e mata tersa parti di jinti.

19Puder di ki kabalus sta na se bokas ku se rabus, pabia se rabus parsi kobra. E tene kabesa ke ta murdi ku el.

20Jinti ku sobra, ku ka muri na ki kastigus, e ka ripindi pa e disa ki kusasKap 16.9; Jer 5.3; Dan 5.23 ke kumpu ku se mon; e ka disa di adora dimonius, nin idulus di uru, prata, bronzi, pedra, nin di madera, ku ka pudi oja, e ka pudi obi, e ka pudi yanda.

21Tambi e ka ripindi pa e disaKap 22.15 mata, nin pa disa se jambakusndadi, se vida susu ku se furtu.