1 Kronikas 12 - Portuguese Creole Bible, Guinea-Bissau

Kilis ku bai pa Davi na Ziklag

1Oca ku Davi staba na Ziklag,1 Sam 27.1-2,6 nunde ki baiba dipus ku Saul, fiju di Kis, serkal, utru omis bai pa el, soldadus di koraẑen ku judal na gera.

2E teneba mansasas; e ta ferca pedras o manda fleŝas ku mon direita o mon skerda. E seduba parentis di Saul, di jorson di Benjamin.

3Ali se nomis:

Aiezer, se ŝef, ku Joás, fijus di Semaa di Jibeá;

Jeziel ku Pelet, fijus di Azmavet;

Beraka ku Jeu di Anatot;

4Ismaias di Jibeon, omi di koraẑen, kapiton di ki trinta;

Jeremias, Jaaziel, Joanan ku Jozabad di Jedera;

5Eluzai, Jerimot, Bealias, Semarias ku Sefatias, arufita;

6Elkana, Isias, Azarel, Joezer ku Jasobean, di familia di Kora.

7Joela ku Zebadias, fijus di Jeroan di Jedor.

8Utru gaditas bai pa Davi na lugar forti na lala. E seduba jinti di koraẑen, omis forti, trenadu pa gera, yarmadu ku tajaderas ku kañakus. Se rostus parsiba ku rostu di lion; e ta kuriba suma gazela na monti.

9Ezer i seduba se ŝef; dipus i tenba Obadias, Eliab,

10Mismana, Jeremias,

11Atai, Eliel,

12Joanan, Elzabad,

13Jeremias ku Makbanai, ku fasi elis onzi.

14Ki omis di jorson di Gad e seduba kapitons di tropa; kilis ku mas garandi staba riba di mil, kilis ku mas nobu staba riba di sen.

15I elis ku kamba riu Jordon na purmeru mis, oca ki inci tok yagu pasaJos 3.15; 4.18 pa tudu si ladus. E pantanda tudu jinti ku moraba na kobons na tudu dus ladu di riu, e pajiga elis.

16Utru grupu di omis di Benjamin ku Judá e bin tambi pa Davi, na kau forti nunde ki staba.

17Davi sai i da elis kontrada, i fala elis: “Si bo na bin pa mi pa judan suma amigus, ña korson sta pruntu pa junta ku bos, ma si bo bin pa ntregan na mon di ña inimigus, sin i ka ojadu un mal na mi, Deus di no papes i ta ojal, i raprindi bos.”

18Spiritu yentra na Amasai, kil ku, mas tardi, bin sedu ŝef di ki trinta, i fala:

“O Davi, no sedu di bo!

O fiju di Jesé, no sta ku bo!

Pas, pas ta sta ku bo!

Pas ta sta ku kil ku na judau!

Bu Deus i bu Judadur.”

Asin Davi risibi elis, i fasi elis kapitons di tropas.

19Utru omis di Manasés bai junta ku Davi, na ki tempu ku Davi na baiba ku filisteus1 Sam 29.2-4 pa geria kontra Saul, ma na fin i ka bin juda elis na ki gera, pabia ŝefis di filisteus bin papia entri elis, e dispidi Davi, e fala: “I pudi bin kustanu no kabesa si i bai pasa pa Saul, si mestre.”

20Es i omis ku bai junta ku Davi oca ki na riba pa Ziklag: Adna, Jozabad, Jediael, Mikael, Jozabad, Eliu ku Ziletai, ŝefis di milyaris di tropa di Manasés.

21E juda Davi kontra ki tropa ku bin furtaba1 Sam 30.1-17 se kusas, pabia elis tudu e seduba omis forti di koraẑen, kapitons di tropas.

22Kada dia omis ta binba pa junta ku Davi pa judal, tok i bin tene un garandi numeru di tropas.

Kilis ku bin pa Davi na Ebron

23Es i numeru di tropas yarmadu pa gera ku bin pa Davi na Ebron pa ntregal renu2 Sam 5.1-3 di Saul, konformi palabra di SIÑOR:

24Di jorson di Judá: 6.800 omi yarmadu pa gera, ku pega tajaderas ku kañakus;

25di jorson di Simeon: 7.100 omi trenadu pa gera;

26di jorson di Levi: 4.600;

27kilis ku sigi Jeoiada, 3.700 omi di familia di Aron;

28Zadok, un joven gereru di koraẑen ku leba 22 ŝef di familia di si pape;

29di jorson di Benjamin, parentis di Saul, 3.000 (maior parti di Benjamin e fikaba inda fiel pa familia di Saul);

30di jorson di Efrain: 20.800 omi di koraẑen ku tenba fama na familias di se papes;

31di metadi di jorson di Manasés: 18.000 ku se nomi comadu pa bai fasi Davi rei;

32di jorson di Isakar: 200 ŝef, jiru pa sibi ke ku Israel dibi di fasi, ku minjor tempuEkl 8.5 pa fasil, ku tudu se ermons ku ta obdisi se ordi;

33di jorson di Zebulon: 50.000 tropa trenadu pa gera, ku tudu koldadi material di gera, ku jitu pa gera, ku korson fiel;

34di jorson di Naftali: 1.000 kapiton ku 37.000 omi ku tajaderas ku kañakus;

35di jorson di Dan: 28.600 purparadu pa gera;

36di jorson di Aser: 40.000 omi purparadu pa sai pa gera;

37di utru banda di Jordon, di jorson di Ruben ku di Gad ku metadi di jorson di Manasés: 120.000 omi ku tisi tudu koldadi material di gera.

38Tudu ki tropas, ku staba pruntu pa gera, e bin tudu pa Ebron ku un sintidu son, pa fasi Davi rei riba di tudu Israel. Tambi tudu restu di Israel staba ku ki mesmu sintidu pa pui Davi pa i sedu rei.

39Ki tropas e fika la ku Davi tris dia, e kume e bibi, pabia se parentis purparaba kumida pa elis.

40Tambi se visiñus mas pertu, ku kilis di lunju suma Isakar, Zebulon ku Naftali, e tisi mulus ku kamelus ku burus ku turus, kargadu ku pon, foriña, mundus di figu ku di uva seku, biñu, azeiti, ku manga di turu ku utru limarias pa kume, pabia kontentamentu tenba na Israel.