Ezekiel 23 - Portuguese Creole Bible, Guinea-Bissau

Aolá ku Aolibá

1SIÑOR papia mas ku mi, i falan:

2“Fiju di omi, i tenba dus minjerKap 16.46; Jer 3.7 ku junta mame.

3E kumsa bindi se kurpu na Ejitu, oca elis inda bajuda nobu; e kontinua fasil. La omis ta perta se pitu, e palpa elis na mama oca ke na forma.

4Mas garandi, ku sedu Samaria, i comadu Aolá; mas pikininu, ku sedu Jerusalen, i comadu Aolibá. E seduba di mi, e padi fijus macu ku femia.

5“Oca ku Aolá seduba di mi, i bindi si kurpu, i bai tras di si amantis, ku sedu si visiñus di2 Re 15.19; 16.7; 17.3; Os 8.9 Asiria,

6tropas bistidu di azul, gubernaduris ku ŝefis; elis tudu e seduba jovens bonitu ku ta montaba na kabalu.

7I ntrega si kurpu pa ki omis mas bonitu di Asiria; i kontamina ku tudu idulus di tudu ki omis ki bai se tras.

8I ka disa ki mau vida ki kumsa na Ejitu, nunde ku omis ta ditaba ku el ocal nobu, e palpa si mama ku na forma, e tratal ku puku borgoña.

9“Pabia di kila N ntregal na mon di si amantis, ku sedu omis di Asiria, ki bai se tras.

10E dispilKap 16.37 ropa, e leba si fijus macu ku femia, e matal ku spada. Minjeris ta papia mal del; i julgadu ku kastigu.

11“Si irma Aolibá i oja ki kusa, ma i ntrega si kurpu pa vida susu mas di ki si irma, na puku borgoña.

12El tambi i bai tras di omis di Asiria, si visiñu, ki gubernaduris ku ŝefis, bistidu di farda mas bonitu, ku ta yandaba montadu na kabalu; elis tudu e seduba jovens bonitu.

13N oja kuma i staba kontaminadu; i pega mesmu kamiñu di si irma.

14“I buri pekadus nujenti, pabia i oja omis pintadu na paredi, imaẑens di omis di Babilonia, pintadu burmeju,

15kada un ku si sintu, ku bandas garandi, tinjidu, na kabesa, ku parsi kapitons di Babilonia, ku padidu na area di Kaldeia.

16I oja elis son, i misti elis, i manda jinti pa Kaldeia ku rekadu.

17Jinti di Babilonia bin pa el pa kama di amor, e kontaminal ku se kusas nujenti. El i kontamina ku elis tok i bin ka misti elis mas.

18Asin i kontinua si vida mau dianti di jinti, i ta fasi kusa di puku borgoña. N bin nuju el suma ku N nujuba si irma.

19I bin buri si mau vida kada bias mas. I lembra di si tempu na Ejitu ocal nobu, manera ki ta bindiba si kurpu la.

20I ta sinti garandi diseẑu pa si amantis ku teneba kurpu suma buru, ku se simenti ciu ba suma di kabalu.

21Asin Aolibá ta lembra di kusa di puku borgoña ocal nobu, oca ki ta disa omis di Ejitu pa e palpa si mama oca ki na forma.

22“Asin ku SIÑOR Deus falau, abo, Aolibá: N na lantanda bu amantisKap 23.28; 16.37 kontra bo, kilis ku bu ka mistiba ja. N na tisi elis kontra bo di tudu ladu —

23omis di Babilonia ku Kaldeia, omis di Pekod, di Soá, di Koa, ku tudu omis di Asiria, jovens bonitu, gubernaduris ku ŝefis, kapitons ku omis di fama, montadu na kabalu.

24E na bin kontra bo ku karusJer 47.3; Naun 3.2 ku karetas, ku manga di jinti. E na rodiau, ku tajaderas ku kapasitis. N na ntregau na se mon; e na julgau konformi se leis.

25Ña siumi na yardi kontra bo; elis e na tratau ku raiba. E na kortau naris ku oreja; kil ku sobra na matadu ku spada. E na toma bu fijus macu ku femia; kilis di bo ku sobra e na kabadu ku el na fugu.

26Ki omis na dispiu bu bistidus, e na tomaKap 16.39 bu joias bonitu.

27Asin N na kaba ku bu kusas di puku borgoña ku ki mau vida ku bu kumsa na tera di Ejitu. Bu ka na torna pui sintidu nelis, nin bu ka na lembra mas di Ejitu.

28“Asin ku SIÑOR Deus fala: N na ntregau na mon di kilis ku bu aburisiba, ku kilis ku bu ka mistiba mas.

29E na tratau ku odiu, e na leba tudu ku bu tarbaja pa el, e na disau nun, sin nada. Borgoña di bu mau vida na mostradu dianti di jinti. Bu kurupson ku bu susidadi

30tisi e kusas riba di bo, pabia bu bindi jintius bu kurpu, bu kontamina ku se idulus.

31Bu yanda na mesmu kamiñu di bu irma; e ku manda N na ntrega ki mesmu kopuIs 51.17 na bu mon.”

32Asin ku SIÑOR Deus fala:

“Bu na bibi na kopu di bu irma,

un kopu fundu i largu.

Jinti na fasiuKap 22.4-5 trosa, e na ri,

pabia manga di kusa kibi na ki kopu.

33I ta pou bu cami ku tristesa;

kopu di bu irma Samaria

i kopu di medu ku danu.

34Bu na bibi nel tok i kaba tudu;

bu na kebral;

ku si padas bu na laña pitu.

I ami, SIÑOR Deus, ku diklara e kusa.

35“E ku manda ami, SIÑOR Deus, N fala: Suma ku bu diskisi di mi, bu botan tras1 Re 14.9; Jer 2.32 di bu kosta, bu na karga bu kurupson ku susidadi.”

36SIÑOR puntan: “Fiju di omi, bu sta pruntu pa julga Aolá ku Aolibá? Bu ta mostra elisKap 16.2; Is 58.1 se kustumus mau,

37pabia e seduba infiel pa mi; sangi ojadu na se mon. E bai tras di idulus tok e toma se fijusKap 20.26; Sir 18.21 ke padi ku mi, e sakrifika elis pa ki idulus kaba ku elis.

38I ka es son ke fasi, ma na ki mesmu tempu, e kontamina ña kau sagradu, e ka rispita ña diasKap 20.12 di diskansu.

39Na ki dia ke sakrifika se fijus pa se idulus, e bin pa ña kau sagradu, e kontaminal. Asin ke fasi na ña kasa.

40“E ta mandaba buskaIs 57.9; Jer 4.30 omis di lunju; e ta bin kudi. Abos, Aolá ku Aolibá, pa amor delis bo ta laba kurpu, bo pinta uju, bo faja ku kusas.

41Bo ta sinta riba di kama bonitu, ku mesa pertu del, purparadu; bo pui riba del ña nsensu kuKap 16.18-19 azeiti.

42“I obidu baruju di manga di jinti ku na brinka. E tisi omis barujenti di rua, ku omis di lala, ku pui pulseras na mon di minjeris, ku koroas bonitu na se kabesa.

43N fala aserka di ki minjer ku tardaba na vida susu: ‘E pudi tenel suma minjer di mau vida!’

44Asin e dita ku el. Suma ku algin ta dita ku minjer di mau vida, asin ke dita ku ki dus minjer di mau fama, ku sedu Aolá ku Aolibá.

45Omis justu na julga elis, e na akusa elis di kai cai ku darma sangi, pabia e sedu minjeris infiel; sangi sta na se mon.

46“Asin ku SIÑOR Deus fala: N na junta manga di jinti pa e bin kontra elis pa pantanda elis, pa furta se kusas.

47Ki juntamentu na suta elisKap 16.40-41 ku pedra, e na mata elis ku spada, e na mata se fijus macu ku femia, e na kema2 Kron 36.19 se kasas ku fugu.

48N na kaba ku vida susu na tera, pa tudu minjeris toma avisu, pa ka fasi pekadu seksual suma elis.

49Asin, abos dus irma, bo na kastigadu pa bo mau vida, tambi pa pekadu di adora idulus. Bo na sibi kuma ami i SIÑOR Deus.”