2 Reis 24 - Portuguese Creole Bible, Guinea-Bissau

1Na tempu di Jeoiakin, Nabukodonosor, rei di Babilonia, bin kontra Judá; Jeoiakin fika bas del pa tris anu; dipus i lanta kontra el.

2SIÑOR manda kontra el tropas di Babilonia, di sirianus, moabitas ku fijus di Amon; i manda elis kontra Judá pa kaba ku el, konformiKap 20.17; 21.12-14; 23.27; Jer 25.9-11; 32.28 palabra ku SIÑOR falaba na boka di si servus anunsiaduris.

3Na bardadi e kusas kontisi ku Judá konformi kil ku SIÑOR manda, pa i pudi tiral si dianti pabia di tudu pekadus ku Manasés fasiba,

4tambi manera ki mata jinti ku ka mersiba muri, i inci Jerusalen ku se sangi. SIÑOR ka pudiba purda ki kusas.

5Tudu utru kusas ku pasa na renansa di Jeoiakin, ku tudu ki fasi, e sta skritu na libru di Storia di Reis di Judá.

6Jeoiakin bin diskansa; si fiju Joakin rena na si lugar.

7Nunka mas rei di EjituJer 37.5-7; 46.2 ka sai na si tera, pabia rei di Babilonia toma tudu si tera, desdi riu di Ejitu te na riu Eufrates.

Joakin (Jekonias o Konias), rei di Judá(2 Kron 36.9-10)

8JoakinKap 25.27-30; 1 Kron 3.16-17; Jer 22.24-28; Mat 1.11-12 teneba disoitu anu di idadi oca ki kumsa rena; i rena tris mis na Jerusalen. Si mame seduba Neusta, fiju di Elnatan, di Jerusalen.

9I fasi mal dianti di SIÑOR konformi tudu ku si pape fasiba.

10Na ki tempu ŝefis di Nabukodonosor bin kontra Jerusalen, e tajal.

11Nabukodonosor propi, rei di Babilonia, i bin ciga, oca ku si ŝefis tajaba ja prasa.

12Joakin, rei di Judá, sai pa rei di Babilonia, el ku si mame, si ŝefis, si garandis ku si funsionarius. Na oitavu anu di si renansa, rei di Babilonia lebaJer 24.1; 29.1-2; Ez 17.12 Joakin prezu.

13I tira tambi tudu rikesasKap 20.17; 1 Re 7.48-50; 2 Kron 4.7-22; Esd 1.7-11; Jer 20.5; 27.16-22; Dan 5.2-3 di kasa di Deus ku kasa di rei, i kebra tudu vasus di uru ku Salomon, rei di Israel, fasiba pa templu di SIÑOR. Tudu bin sedu suma ku SIÑOR falaba.

14I leba tudu jinti di Jerusalen, ku tudu garandis, tudu omis di gera, tudu karpinterus ku fererus, ku sedu, na tudu, des mil prezu. Ningin ka fika, si i ka jinti mas koitadi di tera.

15Asin rei prindi Joakin i lebalEst 2.5-6; Jer 22.24-28 di Jerusalen pa Babilonia, tudu ku si mame, si minjeris, si funsionarius, ku otridadis di tera.

16Tudu omis forti trenadu pa gera, seti mil delis, ku mil karpinteru ku fereru, rei prindi elis, i leba pa Babilonia.

17Rei di Babilonia pui Matanias, tiu di Joakin, pa i sedu rei na si lugar; i muda si nomiKap 23.34 pa Zedekias.

Zedekias, rei di Judá(2 Kron 36.11-12; Jer 52.1-3)

18Zedekias1 Kron 3.15; Jer 37.1-3 teneba vinti i un anu di idadi oca ki kumsa rena; i rena onzi anu na Jerusalen. Si mame seduba Amutal,Kap 23.31 fiju di Jeremias, di Libna.

19I fasi mal dianti di SIÑOR konformi tudu ku Jeoiakin fasiba.

20SIÑOR tenba raiba ciu kontra Jerusalen ku Judá, tok i nega elis, i tira elis si dianti.

Kaida di Jerusalen(2 Kron 36.13-21; Jer 52.3-11)

Zedekias bin ravolta kontra reiJer 27.12-15; 38.17-23; Ez 17.15-20 di Babilonia.