Isaias 42 - Portuguese Creole Bible, Guinea-Bissau

Servu di SIÑOR

1“Ali ña Servu

ku ta yanda nel.

El Deus, SIÑOR, i fala:

6“Ami, SIÑOR, N comau ku korson limpu;

N na pegau na mon, N guardau,

N fasiu un kontratu pa ña pobu,

ku lusKap 49.6; 51.4; Luk 2.32; At 13.47; 26.18 pa utru nasons,

7pa bu yabri ujuKap 35.5 di segus,

bu tira prezusKap 49.9; 61.1; Luk 4.18-19; 2 Tim 2.26 ku sta na kalabus,

ku kilis ku sta na ladu mas sukuruKap 9.2 di kalabus.

8“Ami i SIÑOR; es i ña nomi.

N ka na da utruKap 48.11 ña gloria,

nin N ka na disa bonekas di po

pa e ngabadu na ña konta.

9Ali ki kusas ku N konta bosKap 44.8 purmeru, e sedu ja.

Gosi N na konta bos kusas nobu.

Antis de bin ojadu,

N na pui pa bo obil.”

Kantiga pa ngaba SIÑOR

10Bo kanta un kantiga nobuSal 33.3 pa SIÑOR,

bo kanta pa ngabal, abos di tudu mundu!

Abos ku sta na bias diSal 107.23 yagu,

ku tudu ku sta na mar,

abos, jius, ku tudu kilis ku mora la,

bo kanta pa ngaba SIÑOR.

11Lala ku si prasas pa e yalsa fála,

ku tabankas nunde ku jinti di Kedar mora;

Kilis ku mora na prasa di Sela,

ku sta riba di monti,

pa e yalsa fála,

e kanta ku kontentamentu!

12Kilis ku mora na jius

pa e ngaba SIÑOR, e dal gloria!

13SIÑOR na sai pa geraKap 31.4 suma omi forti,

suma soldadu ku tene briu.

I na grita pa coma jinti pa e ataka;

i na ngaña si inimigus.

Deus na juda si pobu

14“N kala manga di tempu, N fika ketu,

N mara ña korson;

ma gosi N na grita suma minjer

ku sta na ora di partu;

N na fasi stragu.

15Montis ku montisiñus, N na bidanta elis lala,

N na pui se paja pa i seku.

N na bidanta rius jius,

N na sekusi laguas.

16N na gia segus na kamiñu ke ka kunsi nunka,

N na pui elis pa e yanda na kamiñu ku ka kunsidu.

N na bidanta sukuru lus se dianti;

N na filanta kusas tortu.

N na fasi elis e kusas,

N ka na bandona elis mas.

17Kilis ku fiansaKap 44.11 na idulus,

ku fala imaẑens fundidu:

‘Abos i no deusis,’

e na ribantadu pa tras ku garandi borgoña.

Israel segu i surdu

18“Abos surdus, bo obi;

abos segus, bo jubiEz 12.2; Jon 9.39-41 pa bo pudi rapara.

19Nta i ten algin mas segu di ki ña servu,

o surdu suma kin ku N ta manda konta ña rekadu?

Kin ku segu suma servu dedikadu pa SIÑOR?

20Bu oja manga di kusa,

ma nada bu ka puiRom 2.21 na sintidu;

bu oreja sta abertu,

ma bu ka obi nada.”

21Manera ki sedu justu,

SIÑOR pui sintidu pa fasi si lei

garandi i gloriosu.

22Ma e pobu pañadu na armadilias,

e robadu se kusas,

e sukundidu na kalabus.

E sedu suma kusas ku furtadu na gera;

i ka ten ningin pa kaplinti elis,

o pa fala: “Ribanta elis.”

23Kal algin na bo metadi ku sta pruntu

pa obi e kusa,

pa sukutal diritu di aos pa dianti?

24Jakó, ku comadu tambi Israel,

kin ku ntregal pa i sedu prezu di gera?

Nta i ka SIÑOR,

kil ke peka kontra el,

e nega yanda na si kamiñus,

nin pa para sintidu na si lei?

25E ku manda i darma forsa di si raiba riba delis,

ku sedu gera forti.

I peganda fugu2 Re 25.9 na roda delis,

ma nin ku ’sin e ka para sintidu;

i kema elis, ma kila ka findi elis korson.