Saida 40 - Portuguese Creole Bible, Guinea-Bissau

Deus da ordi pa tenda lantandadu

1SIÑOR papia ku Moisés, i falal:

2“Lantanda tabernakulu, tenda di juntamentu, na purmeru dia di purmeru mis.Kap 12.2

3Pui arka di kontratu nel, bu kubril ku kurtina.

4Miti mesa dentru del, bu pui na ordi kusas ku ta bai riba del. Pui tambi kanderu nel, bu pegandal.

5Pui altar di uru pa nsensu dianti di arka di kontratu, bu pindra kurtina na entrada di tenda.

6“Pui altar pa oferta kemadu dianti di porta di tenda di juntamentu.

7Pui basia na metadi di tenda di juntamentu ku altar, bu inci yagu nel.

8Dipus bu ta pui tapada na roda, bu pindra kurtina na entrada di kintal.

9“Toma azeiti di unson, bu unji tenda ku tudu ku sta nel, bu dedikal ku tudu si material; asin i ta sedu sagradu.

10Unji tambi altar di oferta kemadu ku tudu si material, bu dedikal; asin altar na sedu kusa sagradu dimas.

11Unji tambi basia ku si pe, bu dedikal.

12“Pui Aron ku si fijus pa e ciga na porta di tenda di juntamentu, bu laba elis ku yagu,

13bu bisti Aron ropa sagradu, bu unjil, bu dedikal, pa i pudi fasin tarbaju di saserdoti.

14Ciganta tambi si fijus, bu bisti elis se kamisotis,

15bu unji elis suma ku bu unji se pape, pa e pudi fasin tarbaju di saserdoti. Se unson na fasi elis saserdotis, elis ku se jorson pa sempri.”

16Moisés fasi tudu kusa konformi SIÑOR mandal.

Tenda lantandadu

17Asin, na purmeru dia di purmeru mis di sugundu anu, tenda lantandadu.

18Moisés lantandal, i pui si pes, i yarma si firkijas, i pui se travesas nelis.

19I distindi kubertura riba di tenda, i pui utru kubertura riba del, konformi SIÑOR dal ordi.

20I toma ki dus tagua di mandamentu, i pui elis na arka, i miti varas na anilias di arka, i pui kubertura di miserikordia riba del.

21I leba arka pa tenda, i pindra kurtina pa kubri arka, suma ku SIÑOR da ordi.

22I pui mesa na tenda di juntamentu, na ladu di norti, fora di kurtina.

23Riba del i ruma pon dianti di SIÑOR konformi SIÑOR dal ordi.

24I pui kanderu na tenda di juntamentu, na ladu di sul, dianti di mesa,

25i peganda lus dianti di SIÑOR, konformi SIÑOR dal ordi.

26I pui altar di uru na tenda di juntamentu, dianti di kurtina.

27I kema nsensu ku ta cera sabi riba del, konformi SIÑOR dal ordi.

28Dipus i pindra kurtina na porta di tenda.

29I pui altar di oferta kemadu na porta di tenda di juntamentu, i kema limarias riba del, ku ofertas di kumida, konformi SIÑOR dal ordi.

30I pui basia na metadi di tenda di juntamentu ku altar, i pui yagu nel, pa laba.

31Moisés ku Aron ku si fijus e laba mon ku pe nel.

32Ora ke na yentraba na tenda di juntamentu, o si e na bai pa altar, e ta lababa, konformi ordiKap 30.17-21 ku SIÑOR da Moisés.

33Moisés lantanda tapada na roda di tenda ku altar, i pindra kurtina na entrada di kintal. Asin Moisés kabaZak 4.9; Jon 17.4; 2 Tim 4.7 tudu tarbaju.

Nuven kubri tenda(Num 9.15-23)

34Nuven1 Re 8.10-11; 2 Kron 5.13-14; 7.1-3; Is 6.4; Ez 10.4; 43.4-7; 44.4; Aẑeu 2.7,9; Apok 15.8 bin kubri tenda di juntamentu; gloria di SIÑOR inci tabernakulu,

35tok Moisés ka pudiba yentra na tenda di juntamentu, manera ku nuven sinta riba del; tabernakulu inciba ku gloria di SIÑOR.

36Na tudu bias di fijus di Israel, ora ku nuven lantaKap 13.21-22 riba di tenda, e ta pegaba kamiñu.

37Si nuven ka lanta, e ka ta kontinua se bias te na dia ki lanta.

38Asin, ki nuven di SIÑOR staba riba di tenda di dia; fugu staba riba del di noti, dianti di uju di tudu pobu di Israel, na tudu se bias.