Romanus 8 - Portuguese Creole Bible, Guinea-Bissau

Vida na Spiritu

1I ka ten kondenason pa kilis ku liga ja ku Kristu Jesus,

2pabia puder di Spiritu ku ta tisi vida juntu ku Kristu Jesus libranKap 6.18,22; 7.24; Jon 8.36; Gal 5.1 di puder di pekadu ku di mortu.

3Deus fasi kil ku lei ka pudibaKap 3.20; Eb 7.18; 10.1 fasi, di manera ku no naturesa fraksi lei: i manda si Fiju ku kurpu suma no kurpu di2 Kor 5.21; Gal 3.13 pekadu, pa i sedu sakrifisiu pa pekadu, tambi pa i kondena pekadu na no naturesa,

4pa mandamentu justu di lei pudi kumpridu na nos, ku ka na yanda na vontadi di no kurpu, ma na vontadi di Spiritu.

5Kilis ku na yanda na se naturesa, se pensamentu ta bai pa kusas di se naturesa, ma kilis ku na yanda naJon 3.6; 1 Kor 2.14; Gal 5.16 Spiritu, se pensamentu ta bai pa kusas di Spiritu.

6Si pensamentu baiKap 8.13; Gal 6.8 pa kusas di naturesa, i ta tisi mortu, ma si i bai pa kusas di Spiritu, i ta tisi vida ku diskansu.

7Pensamentu di no naturesa i inimisadiTia 4.4 kontra Deus; i ka ta obdisi lei di Deus. Na bardadi i ka pudi.

8Deus ka pudi kontenti ku kilis ku na yanda konformi se naturesa.

9Abos, bo ka na yanda ja na vontadi di bo kurpu, ma na vontadi di Spiritu, si na bardadi Spiritu di Deus1 Kor 3.16 sta na bos. Kin ku ka tene Spiritu diGal 4.6; 1 Ped 1.10-11 Kristu, si dunu i ka del.

10Si Kristu mora na bos, nin ku kurpu sta mortu pabia di pekadu, ma spiritu sta bibu, manera ku bo ojadu justu dianti di Deus.

11Si Spiritu di kil ku lantanda Jesus di mortu sta na bos, ki algin ku lantanda Kristu1 Kor 6.14; 2 Kor 4.14; Ef 2.5 di mortu tambi i na pui vida na bo kurpu mortal, pabia di si Spiritu ku sta na bos.

12Asin ermons, no ten obrigason, ma i ka ku no naturesa, pa no yanda suma ku no kurpu misti.

13Si bo yanda suma ku bo kurpuGal 6.8; Ef 4.22-24; Kol 3.5 misti, bo na muri, ma si, na puder di Spiritu, bo mata kustumus di bo kurpu, bo ta vivi.

14Tudu kilis ku Spiritu di Deus na gia, elis i fijus di Deus.

15Spiritu ku bo risibi i ka ta fasi bos katibu pa bo pudi torna1 Kor 2.12; 2 Tim 1.7; 1 Jon 4.18 ten medu, ma bo risibi Spiritu ku fasi bos fijus, ku ta pui pa no coma Deus, no falal: “Deus noMar 14.36; Gal 4.4-7 Pape.”

16E mesmu Spiritu2 Kor 1.22; 5.5; Ef 1.13; 4.30; 1 Jon 4.13; 5.10 ta junta ku no spiritu pa diklara kuma no sedu fijus di Deus.

17Suma no sedu fijus, no na yardaAt 26.18; Gal 3.29; 4.7 rikesa di Deus. No na risibil juntu ku Kristu, si kontra no naAt 14.22; Fil 1.29; 2 Tim 2.11-12 sufri ku el pa no pudi tambi ten parti na si gloria.

Gloria di futuru

18Ami N ten sertesa kuma, sufrimentu2 Kor 4.17; 1 Ped 1.6-7 de tempu, no ka pudi parsintil ku gloria ku na bin mostradu na nos.

19Tudu ku Deus kumpu ta faima pa ki dia1 Jon 3.2 ku Deus na mostra kilis ku sedu si fijus,

20pabia kusas ku Deus kumpu pirdi tudu se balur, e ka sedu nada. I ka pa se vontadi, ma i vontadi di kil ku baŝa elis,

21na speransa di kuma, un dia, e kusas ki kumpu na libradu di katiberasku di podrisa, e na risibi liberdadi gloriosu di fijus di Deus.

22No sibi kuma, te gosi, tudu ku Deus kumpu, i junta, i na jimi ku dur suma dur di partu.

23I ka el son, ma anos tambi ku risibi purmeru pursenti di Deus, ku sedu si Spiritu, no na jimi2 Kor 5.2-5 dentru di nos, suma ku no na pera pa Deus fasinuLuk 20.36; 21.28; Ef 1.14 si fijus, pa i libra no kurpu.

24No sta salbu pabia di speransa. Si no oja kil ku no na2 Kor 4.18; 5.7; Eb 11.1 pera, i ka speransa ja, pabia kusa ku algin na oja, kuma ki na peral?

25Ma si no na pera kil ku no ka oja, no ta peral ku pasensa.

26Di mesmu manera tambi Spiritu ta judanu na no frakesa, pabia no ka sibiJon 12.27; Tia 4.3 manera diritu di pidi, ma Spiritu propiZak 12.10; 1 Kor 14.15; Ef 6.18 i ta pidi Deus pa nos ku jimidu ku ka pudi kontadu ku palabras.

27Kil ku ta rabistaAt 1.24; 1 Tes 2.4 korson i sibi kal ki pensamentu di Spiritu. I el, Spiritu, ku ta pidi pa krentis konformi vontadi1 Jon 5.14 di Deus.

28No sibi kuma Deus ta usa tudu kusa pa benKum 50.20; 2 Kor 4.17 di kilis ku amal, kilis ki comaKap 9.24; 2 Tim 1.9; 1 Ped 2.9,21 suma ki distina.

29Kilis ki kunsi disnaJer 1.5; Gal 1.15; Ef 1.5,11; 1 Ped 1.2 di kumsada, tambi i distinaba ja elis pa e parsiJon 17.22; 2 Kor 3.18; Fil 3.21; 1 Jon 3.2 suma si Fiju, pa ki Fiju pudi sedu garandi na metadi diEb 2.11-13 manga di ermon.

30Kilis ki distinaba ja, tambi i coma elis. Kilis ki coma, tambi i fasi elis1 Kor 6.11 justu. Kilis ki fasi justu, tambi i da elis siJon 17.22 gloria.

Kantiga di vitoria: Deus i pa nos

31Dianti de kusas, ke ku no na fala gora? Si DeusNum 14.8-9; Sal 118.6 i pa nos, kin ku na sta kontra nos?

32Kil ku ka tuji nin propi si Fiju, ma i ntregal pabia di nos tudu, kuma tambi ki ka na bin patinu tudu kusas juntu ku el?

33Kin ku na akusaIs 50.8-9; 54.17; Apok 12.10-11 kilis ku Deus kuji? I Deus ku na fasi elis justu.

34Kin ku na kondena elis? Kristu Jesus, el ku muri, o minjor, el ku lantandadu na metadi di mortus, el ku sta na mon direitaMar 16.19; At 2.33; Eb 7.25; 1 Ped 3.18,22; 1 Jon 2.1 di Deus; tambi i na roga pa nos.

35Kin ku na rapatinu di amor di Kristu? Kansera? o kasabi? o pirsigison? o fomi? o falta di ropa? o pirigu? o spada?

36Suma ki sta skritu: “Pa amor di bo no sta na pirigu di mortu tudu dia; no na parsintidu suma karnelSal 44.11,22; 1 Kor 4.9; 15.30-31; 2 Kor 4.10-11 ku na bai matadu.”

37Ma na tudu e kusas, no na sedu mas di ki vensiduris1 Kor 15.57; 2 Kor 2.14; 1 Jon 4.4; 5.4; Apok 12.11 pabia di kil ku amanu,

38pabia N fia kuma, ninEf 1.20-21; 6.12; Kol 1.16; 2.15; 1 Ped 3.22 mortu, nin vida, nin anju, nin otridadi, nin puder di dimoniu, nin e tempu li, nin tempu futuru,

39nin altura, nin fundura, nin utru kriatura, ka na pudiJon 10.28; Kol 3.3 rapatinu di amor di Deus ku sta na Kristu Jesus no Siñor.