2 Kronikas 33 - Portuguese Creole Bible, Guinea-Bissau

Idulatria di Manasés(2 Re 21.1-9)

1Manasés1 Kron 3.13; Mat 1.10 teneba idadi di dozi anu oca ki yentra na renansa, i rena sinkuenta i sinku anu na Jerusalen.

2I fasi mal dianti di SIÑOR, i yanda konformi kustumus nujentiSir 18.24-30 di rasas ku SIÑOR tira na se tera pa fijus di Israel pudi yentra nel.

3I torna kumpu ki kaus altu ku si pape EzekiasKap 30.14; 31.1 danaba; i lantanda altaris pa Baal, i kumpu idulu di Aserá. I mpina dianti di tudu strelas di seu, i adora elis.

4I kumpu altaris na kasa di SIÑOR, ki kasa ku SIÑOR falaba aserka del: “Ña nomi na sta pa sempri ne kasa na Jerusalen.”

5Tambi na tudu dus ladu di kintal di kasa di SIÑOR i kumpu altaris pa tudu strelas di seu.

6I sakrifika si fijus na fuguKap 28.3 na kobon di fiju di Inon; i ta diviñaba, i seduba pauteru, i ta botaba sorti, i ta konsultaba jambakusis ku spiritu di difuntus. I fasi mal dimas na uju di SIÑOR, i lantanda si raiba.

7Tambi i labra un imaẑen, i pui na kasa di Deus, ki kasa ku Deus papiaba aserka del oca ki fala Davi ku si fiju Salomon: “E kasa, li na Jerusalen, kau ku N kuji na metadi di tera di tudu jorsons di Israel, N na pui ña nomi nel pa sempri.

8Nunka mas N ka na tira pe di Israel ne tera ku N da se papes, si elis e pui sintidu pa fasi konformi tudu ku N manda elis, konformi tudu lei, regras ku ordis ku ña servu Moisés da elis.”

9Manasés pui pobu di Judá ku moraduris di Jerusalen pa e yara, tok e fasi mas pior di ki nasons ku SIÑOR kababa ku elis oca ku pobu di Israel na yentra na tera.

10SIÑOR papia ku Manasés ku si pobu ma e nega obi.

11Pabia di kila, SIÑOR mandaLei 28.36 ŝefis di tropa di rei di Asiria kontra elis; e prindi Manasés, e pui ansol na si naris, e maral ku korenti di kobri, e lebal pa Babilonia.

12Na si foronta, i buska fabur di SIÑOR si Deus, i baŝaKap 32.26 ciu dianti di Deus di si papes.

13Oca ki ora, Deus setal, i obi si pididu, i torna tisil pa si renansa na Jerusalen. Disna di ki dia, Manasés bin sibi kuma SIÑORDan 4.25,34-35 i Deus.

14Dipus i kumpu ki mura di fora di prasa di Davi, desdi Jion, na kobon, na ladu di kaida di sol, te na entrada di porton di pis, tok i rodia Ofel ku el. I fasi tudu ki mura mas altu. I pui tambi ŝefis di tropa na tudu prasas fortifikadu di Judá.

15I tira deusis strañu ku ki idulu na kasa di SIÑOR, suma tambi tudu altaris ki kumpuba na monti di kasa di SIÑOR ku Jerusalen; i leba elis fora di prasa, i bota elis.

16I arnoba altar1 Re 18.30 di SIÑOR, i pursenta riba del ofertas di pasSir 3.1 ku di gardisimentu. I mandaKap 33.9 pobu di Judá pa e sirbi SIÑOR, Deus di Israel.

17Inda pobu kontinua na sakrifika limarias na kaus altu, ma i seduba son pa SIÑOR se Deus.

Mortu di Manasés(2 Re 21.17-18)

18Restu di kusas ku pasa ku Manasés, si orason pa si Deus, ku palabras di anunsiaduris ku papia ku el na nomi di SIÑOR, Deus di Israel, i sta skritu na libru di Storia di Reis di Israel.

19Storia di tudu si pekadu, manera ki kebra lei, lugaris nunde ki kumpu kaus altu, si idulus di Aserá ku imaẑens labradu, oca ki ka baŝa inda, si orason, ku manera ku Deus setal, i sta tudu skritu na librus di Storia di Anunsiaduris.

20Manasés bin muri, i nteradu na si kasa. Si fiju Amon kumsa rena na si konta.

Amon, rei di Judá(2 Re 21.19-26)

21Amon1 Kron 3.14; Mat 1.10 teneba idadi di vinti i dus anu oca ki yentra na renansa, i rena dus anu na Jerusalen.

22I fasi mal dianti di SIÑOR suma ku si pape Manasés fasiba. pabia i ronia tudu ki imaẑens ku si pape labraba, i sirbi elis.

23El i ka baŝa dianti di SIÑOR suma ku si pape Manasés fasiba, ma i buri mas kulpa inda.

24Si ŝefis filanta kontra el, e matal na si kasa,

25ma pobu di Judá paña ki omis ku mata rei Amon, e mata elis,Kum 9.5-6 e fasi si fiju Josias rei na konta di si pape.