1 Reis 15 - Portuguese Creole Bible, Guinea-Bissau

Abias, rei di Judá(2 Kron 13.1-22)

1Na anu 18 di renansa di Jeroboan, fiju di Nebat, Abias1 Kron 3.10; Mat 1.7 kumsa rena riba di Judá,

2i rena tris anu na Jerusalen. Nomi di si mame seduba Maaka,Kap 15.10,13; 2 Kron 11.20-22 fiju di Abisalon.

3I yanda na tudu pekadus ku si pape fasiba antis del; si korson ka seduba pirfitu dianti di SIÑOR si Deus suma korson di Davi, pape di si dona.

4Ma, suma ku SIÑOR ama Davi, i dal un lusKap 11.36; 2 Re 8.19; 2 Kron 21.7; Jer 33.14-21 na Jerusalen, manera ki dal fiju pa i rena dipus del, pa fortifika Jerusalen,

5pabia Davi yandaba retu dianti di SIÑOR; nunka i ka ciga di disvia di tudu kil ku SIÑOR mandal, si i ka son na kasu di ki eteu2 Sam 12.9-10 Urias.

6Na tudu tempu di renu di Abias, gera tenba entri el ku Jeroboan.

7Utru kusas ku pasa na tempu di Abias, ku tudu ki fasi, e sta skritu na libru di Storias di Reis di Judá.

8Abias bin diskansa; e nteral na prasa di Davi. Si fiju Asa1 Kron 3.10; Mat 1.7-8 bin rena na si lugar.

Asa, rei di Judá(2 Kron 14.1–16.14)

9Na anu 20 di renansa di Jeroboan, rei di Israel, Asa kumsa rena na Judá,

10i rena na Jerusalen pa korenta i un anu. Nomi di si dona seduba Maaka, fiju di Abisalon.

11Asa yanda retu dianti di SIÑORKap 14.8; 22.43; 2 Re 18.3 suma si papa Davi.

12I tira ki rapasis di mau vidaKap 14.24 fora di tera, i kaba ku tudu idulus ku si papes fasiba.

13I tira tambi Maaka, si dona, pa i ka sedu mas raiña, pabia i fasiba un iduluSai 32.20; Lei 9.21 nujenti di Aserá. Asa tira ki idulu, i kemal lungu di riu di Sedron.

14I ka tira ki kaus sagraduKap 14.23; 22.43; 2 Re 12.3; 14.4; 15.4,35; 18.4; 2 Kron 17.6; 32.12; 34.3 na montis, ma korson di Asa staba retu dianti di SIÑOR pa tudu si vida.

15I leba pa kasa di SIÑOR kusas ku si pape dedikaba, tudu ku prata ku uru ku utru kusas ku el propi i2 Sam 8.11 dedika.

16Gera tenba entri Asa ku Baasa, rei di Israel, na tudu tempu ku elis dus na renaba.

17Baasa, rei di Israel, bai ataka Judá, i fortifika Ramá,Jos 18.25 pa ningin ka pudi sai nin yentra na tera di Asa, rei di Judá.

18Asin Asa toma tudu prata ku uru ku fikaba na kuartus di rikesasKap 14.26; 2 Re 12.18; 16.8; 18.15-16; 2 Kron 12.9; 28.21 di kasa di SIÑOR ku di si kasa, i ntregal na mon di si ŝefis, i manda elis pa Ben-Adad,Kap 20.1-34; 2 Re 8.7-15; Jer 49.27; Am 1.4 fiju di Tabrimon, fiju di Ezion, rei di Siria, ku moraba na Damasku. I da elis e rekadu:

19“No fasi kontratu, ami ku bo, suma ki tenba entri ña pape ku bu pape. Bu oja N na mandau un pursenti di prata ku uru. Bai kebra bu kontratu ku Baasa, rei di Israel, pa i pudi tira si tropas na ña tera.”

20Ben-Adad seta ki palabra di rei Asa, i manda si ŝefis di tropas pa e bai kontra prasas di Israel. E bai toma Ijon, Dan, Abel-Bet-Maaka, ku tudu area lungu di Mar di Galileia, ku tudu tera di Naftali.

21Oca ku Baasa obi kila, i para fortifika Ramá, i riba pa Tirza.

22Rei Asa manda ordi pa tudu Judá pa tudu jinti bai Ramá pa buska pedras ku madera ku Baasa na fortifikaba prasa ku el. Ningin ka pudiba maina bai. Rei Asa usa ki material pa fortifika Jeba na tera di Benjamin, ku Mizpá.

23Tudu utru kusas ku pasa na renansa di Asa, tudu si puder ku tudu ki fasi, ku tudu prasas ki kumpu, e sta skritu na libru di Storia di Reis di Judá. Oca i beju ba ja, i paña duensa na si pes.

24Dipus i diskansa, i nteradu lungu di si papes na prasa di si pape Davi. Si fiju JeosafáKap 22.41 bin rena na si lugar.

Nadab, rei di Israel

25Nadab,Kap 14.20 fiju di Jeroboan, kumsa rena riba di Israel na sugundu anu di Asa, rei di Judá; i rena dus anu na Israel.

26I fasi mal dianti di SIÑOR; i yanda na kamiñus di si pape, i fasi ki mesmu pekaduKap 12.28-33; 13.33-34; 14.16; 15.30; 16.2,19,26; 21.22; 22.51-53 ku kila fasiba, i pui Israel fasil tambi.

27Baasa, fiju di Aías, di jorson di Isakar, i lanta kontraKap 14.14; 16.9,16; 2 Re 9.14; 12.20; 15.10,25,30; 21.23; 2 Kron 25.27 Nadab, i matal na Jibeton, prasa di filisteus, oca Nadab ku tudu tropas di Israel e na tajaba ki prasa pa tomal.

28Baasa matal na terseru anu di renansa di Asa, rei di Judá, i kumsa rena na si lugar.

29Oca ki toma konta di renu, i mata tudu jinti di familia di Jeroboan; i ka sobra nin un son ku vida, ma i kaba ku elis tudu, konformi palabra ku SIÑOR falaba na boka di si servu Aias di Siló.

30Es tudu i pabia di pekadus ku Jeroboan fasi, i pui tambi Israel pa i fasi elis; asin i lantanda raiba di SIÑOR, Deus di Israel.

31Tudu utru kusas ku pasa na renansa di Nadab, ku tudu ki fasi, e sta skritu na libru di Storia di Reis di Israel.

Baasa, rei di Israel

32Gera tenba entri Asa ku Baasa tudu tempu ku elis dus na renaba.

33I na terseru anu di Asa, rei di Judá, ku Baasa, fiju di Aías, kumsa rena riba di tudu Israel na Tirza; i rena vinti i kuatru anu.

34I fasi mal dianti di SIÑOR, i yanda na kamiñus di Jeroboan, i fasi mesmu pekaduKap 15.26 ku kila pui Israel pa i fasi.