1Raiba di SIÑOR torna sindi kontra Israel. Satanas cuci Davi pa i fasi konta di Israel ku Judá; asin i tisi mal kontra elis.
2Rei fala Joab, ŝef di tropas: “Pasa na tera di tudu jorson di Israel desdi Dan te na Berseba, bu fasi konta di omis di gera, pa N pudi sibi elis i kantu.”
3Joab fala rei: “I ta bon ba pa SIÑOR bu Deus buri tropas te sen bias mas di ki es ke sedu gosi, pa i da Ñu Rei vida tok i ojal ku uju! Pabia di ke ku Ñu Rei misti fasi e kusa?”
4Ma palabra di rei tenba mas forsa di ki palabra di Joab ku utru ŝefis di tropa. Asin Joab ku ŝefis sai nunde rei, e bai fasi konta di omis di gera di Israel.
5E kamba Jordon, e pui se kampamentu na Aroer,
17Oca ku Davi oja anju ku na mata jinti, i fala SIÑOR: “I ami ku fasi pekadu; kulpa i di mi. E koitadis, ke ke fasi? Bu mon dibi di sta kontra mi ku ña familia.”
18Na ki mesmu dia Gad bai pa Davi, i falal: “Subi pa kau di masa arus di ki jebuseu Arauna, bu kumpu altar pa SIÑOR la.”
19Davi obdisi ordi di SIÑOR, i bai fasi kil ku Gad falal.
20Arauna jubi, i oja Davi ku si omis na bin pa el; i sai, i mpina ku rostu na con dianti di rei,
21i punta: “Pabia di ke ku Ñu Rei bin visita si servu?” Davi falal: “N bin pa kumpra bu kau di masa, pa kumpu altar pa SIÑOR, pa e kastigu ku sta riba di pobu pudi para.”
22Arauna fala Davi: “Ñu Rei pudi toma tudu ki misti pa sakrifika. Ali turus pa oferta kemadu, ku se kangas1 Sam 6.14; 1 Re 19.21 ku pos di masa pa fasi leña.”
23Arauna mistiba da rei tudu ki kusas, i falal: “SIÑOR bu Deus ta setau.”
24Rei fala Arauna: “Nau. Bu ta pui pres; N na kumpral, pabia N ka na sakrifika oferta kemadu pa SIÑOR ña Deus ku ka kustan nada.”
Asin Davi kumpra kau di masa arus tudu ku ki turus pa sinkuenta mueda di prata;
25i kumpu altar pa SIÑOR la, i sakrifika ofertas kemadu ku ofertas di pas. Asin SIÑOR ruspundi orason pa tera; ki duensaKap 24.15; 21.14 ku na kastigaba Israel i para.
Who We AreWhat We EelieveWhat We Do
2025 by iamachristian.org,Inc All rights reserved.
