Kolosensis Introduson - Portuguese Creole Bible, Guinea-Bissau

IntrodusonKolosus staba na reẑion di Fríẑia; utru jinti di la pudiba sta na Jerusalen na dia di Pentekostis (At 2.10). Paulu pasa na Fríẑia dus bias (At 16.6; 18.23), ma i parsi kuma i ka kunsi tudu krentis di Kolosus (2.1). Epafras (1.7; 4.12-13) pudiba sedu fundadur di ki igreẑa.E karta parsi ku karta pa Efésius, ku skirbidu mas o menus na mesmu tempu, oca ku Paulu staba prezu na Roma, ma Kolosensis ta foka mas na Kristu suma Kabesa di Igreẑa, kil ku sedu parsensa di ki Deus ku ka ta ojadu, Fiju ku sta riba di tudu kriason (1.15-18). Utru jinti mistiba pui leis, e ta oja visons, e adora anjus (2.16-23), ma krenti i lantandadu pa vida juntu ku Kristu i ten ku guarda si pensamentus na kusas di seu, i ka na kusas di mundu (3.1-2). I ten ku kaba ku pekadu, i bisti naturesa nobu. Si nobu vida ten ku mostra na vida di familia, tambi na si tarbaju.Karta mandadu na mon di Tíkiku; juntu ku el i bai Onésimu, ku na ribaba pa si mestre Filemon, na Kolosus.