Salmus 125 - Portuguese Creole Bible, Guinea-Bissau

Kantiga pa subi pa templu.

1Kilis ku fiansa na SIÑOR i suma monti di Sion,

ku ka ta bulbuli, ma i ta sta firmi pa sempri.

2Suma ku montis sta na roda di Jerusalen,

asin ku SIÑOR sta na roda di si pobu,

disna di gosi, pa sempri.

3Omi mau ka na kontinua ten puder di renansa

riba di tera ku rapatidu ku sorti pa justus,

pa ka justu bin distindi si mon pa fasi mal.

4SIÑOR, fasi ben pa kilis ku sedu bon,

ku tene korson retu.

5Kilis ku disvia pa se kamiñus tortu,

SIÑOR na leba elis juntu ku kilis ku ta fasi maldadi.

PasKap 128.6; Gal 6.16 ta sta riba di Israel!