1 Samuel 22 - Portuguese Creole Bible, Guinea-Bissau

Davi sukundi na kaverna di Adulan

1Davi sai na Gat, i kapli pa kaverna2 Sam 23.13; Eb 11.38 di Adulan. Si ermons ku tudu familia di si pape obil, e bai pa el la.

2Tambi tudu omi ku staba na kansera, o ku teneba dibidas, o ku staba diskontenti, e juntaŜef 11.3 ku el; el i bin sedu se ŝef. E seduba serka di kuatrusentus omi.

3Di la Davi bai pa Mizpá na tera di Moab, i fala rei di moabitas: “Disa ña pape ku ña mame fika ku bos tok N sibi ke ku Deus na fasi pa mi.”

4Asin i leba elis pa rei di moabitas; e fika la ku el tudu tempu ku Davi staba na ki kaverna.

5Anunsiadur Gad2 Sam 24.11; 1 Kron 29.29; 2 Kron 29.25 fala Davi: “Ka bu fika na ki kaverna; bai pa tera di Judá.” Asin Davi lanta i bai pa matu di Eret.

Saul mata tudu saserdotis di Nob

6Un dia Saul staba na Jibeá, sintadu bas di un arvuri, na monti, ku si kañaku na mon; tudu si ŝefis firmaba na roda del. Jinti kontal kuma e sibi ja di Davi ku omis ku staba ku el.

7Saul fala tudu si ŝefis: “Bo sukutan, abos omis di Benjamin! Nta fiju di Jesé na da bos lugaris ku ortas di uva? I na fasi bos tudu pa bo sedu ŝefis di milyaris ku ŝefis di sentenas?

8E ku manda abos tudu bo ruma pa sta kontra mi? I ka ten ningin ku na kontan kuma ña fiju fasi kontratuKap 18.3 ku fiju di Jesé. Nin un son na bo metadi ka ten dur di mi pa kontan e kusa, manera ku ña fiju lantanda ña servu kontra mi pa i montia ña vida, suma ku bo na oja aos.”

9Ki edomeuKap 21.7 Doeg, ku firmaba tambi ku ŝefis di Saul, i fala: “N oja fiju di Jesé bai pa saserdoti Aimelek, fiju diKap 14.3; 21.1 Aitub, na Nob.

10Aimelek konsulta SIÑOR pa el, i dal kumida, i dal tambi spada di ki filisteu Golias.”

11Rei manda coma saserdoti Aimelek, fiju di Aitub, ku tudu familia di si pape ku sedu saserdotis na Nob; tudu elis e bai pa rei.

12Saul fala: “Fiju di Aitub, sukutan!” I kudi i falal: “Ñu Rei, alin li.”

13Saul puntal: “Ke ku manda abo ku fiju di Jesé bo filanta pa sta kontra mi, manera ku bu dal pon, ku spada, bu konsulta Deus pa el? Gosi i lanta kontra mi, i na montia tiran vida aos.”

14Aimelek ruspundi rei i puntal: “Kin ki fiel suma Davi na metadi di tudu bu ŝefis? El i omi di bu fiju, kapiton di bu guardas, i rispitadu ciu na bu kasa.

15Es i ka purmeru bias ku N konsulta Deus pa el. Ka Ñu Rei akusan, nin kualker algin di familia di ña pape, pabia N ka sibi nada de kusa, nada, nin pikininu!”

16Rei falal: “Aimelek, bu ten ku muri, ku tudu familia di bu pape.”

17Dipus rei fala si guardas ku staba ku el: “Bo rabida bo mata saserdotis di SIÑOR, pabia elis tambi e sta na ladu di Davi; e sibiba kuma i na kuri, ma e ka kontan.” Guardas di rei ka mistibaSai 1.17 lantanda mon kontra saserdotis di SIÑOR.

18Asin Saul fala Doeg: “Abo, rabida, bu ataka e saserdotis.” Ki edomeu Doeg rabida i ataka saserdotis; na ki dia i mata oitenta i sinku omi ku ta bisti efodi di liñu.

19Tambi i toma spada i bai pa Nob, prasa di ki saserdotis, i mataKap 2.30-33,36 elis tudu, desdi omi te minjer, tudu ku mininus ku kilis ku na mama, tudu ku bakas, burus ku karnel.

20Ma Abiatar,Kap 23.6; 1 Re 2.26-27 un fiju di Aimelek, fiju di Aitub, i kapli, i kuri i bai pa Davi,

21i kontal kuma Saul mata saserdotis di SIÑOR.

22Davi fala Abiatar: “Oca ku N oja ki edomeu Doeg la na ki dia, N sibiba kuma i ten ku konta Saul. I ami ku ranja mortu pa tudu familia di bu pape.

23Bu ta fika ku mi; ka bu ten medu, pabia kil ku na buska tirau vida i na buska tira di mi tambi. Bu na fika suguru ku mi.”