2 Samuel 6 - Portuguese Creole Bible, Guinea-Bissau

Davi leba arka pa Jerusalen(1 Kron 13.1-14; 15.25; 6.6,43)

1Davi torna junta trinta mil omi kujidu na Israel.

2El ku tudu ki omis e bai pa di Judá, pa bai toma arka la pa leba, ku sedu arka di Deus, ku ta comadu ki nomi riba del, nomi di SIÑOR te aos.

9Davi sinti medu di SIÑOR na ki dia, i punta: “Kuma ku arka di SIÑOR pudi bin pa mi gosi?”

10I sinti kuma i ka pudi ja leba arka di SIÑOR pa prasa di Davi, ma i vira pa utru kamiñu, i lebal pa kasa di Obed-Edon,1 Kron 15.18; 26.4,8; 2 Kron 25.24 un jiteu.Kap 4.3; 15.18-19; 18.2 .

11Arka di SIÑOR fika na kasa di ki jiteu Obed-Edon tris mis. SIÑOR bensua Obed-Edon ku tudu si familia.

12Jinti konta Davi kuma SIÑOR bensuaKum 30.27; 39.5,23 familia di Obed-Edon ku tudu ki tene pabia di arka di Deus. Asin Davi bai i bai toma arka di Deus na kasa di Obed-Edon, i lebal pa prasa di Davi ku kontentamentu.

13Oca kilis ku na lebaNum 4.15; Jos 3.3 arka di SIÑOR kaba da seis pasu, Davi sakrifika un turu ku un bakasiñu gurdu.

14Davi, bistidu di un efodi di liñu, i na jukutaba ku tudu si forsaLei 6.5 dianti di SIÑOR.

15Asin Davi, ku tudu israelitas, e na lebaba arka di SIÑOR, e na gritaEsd 3.10-11; Sal 47.1 ku kontentamentu; utrus na toka korneta.

16Oca arka di SIÑOR na yentra na prasa di Davi, Mikal, fiju di Saul, i na jubiba na janela, i oja rei Davi na baja, i na jukuta dianti di SIÑOR. I njutil na si korson.

17E leba arka di SIÑOR, e pul na si lugar na tenda2 Kron 1.4; Sal 132.8 ku Davi yarmaba pa el. Davi sakrifika ofertas kemadu ku ofertas di pas dianti di SIÑOR.

18Oca ki kaba sakrifika ofertas kemadu ku ofertasSir 1; 3; 1 Re 8.5,55,62,64 di pas, i bensua pobu na nomi di SIÑOR ku ten tudu puder.

19I rapati kumida pa tudu ki multidon2 Kron 35.12-13 di israelitas; kada omi ku kada minjer toma un pon, un bon padas di karni ku un bulu di uva seku. Asin tudu jinti bai, kada kin pa si kasa.

20Oca Davi riba pa kasa pa bensua si familia, Mikal, fiju di Saul, sai pa bai kontra ku el, i falal: “Na bardadi, rei di Israel ngaña rispitu aos, manera ki mostra si kurpu dianti di bajudas di si propi servus suma kualker rapas ku ka ten borgoña!”

21Davi fala Mikal: “I dianti di SIÑOR ku N baja ku kontentamentu, kil ku kujin na lugar di bu pape ku tudu si familia, i mandan pa N sedu ŝef riba di si pobu Israel.

22N na ranja inda mas borgoña pa ña kabesa, N na fika mas bas na ña propi uju, ma ki bajudas ku bu papia delis, e na rispitan.”

23Mikal, fiju di Saul, ka teneba fijus te na dia ki muri.