Ditus 2 - Portuguese Creole Bible, Guinea-Bissau

Purbitu di jiresa

1Ña fiju, si bu seta ña palabras, bu sukundi ña mandamentus dentruKap 4.20-21; 7.1; Sal 119.11 di bu korson,

2bu para oreja pa jiresa, bu mpina bu korson pa ntindimentu,

3si bu pidi pa ntindimentu, bu roga pa jiresa,

4si bu buskal suma prataKap 3.13-15; Mat 13.44; Luk 15.8 o suma rikesa sukundidu,

5bu ta ntindi2 Kron 1.10-12 rispitu pa SIÑOR, bu ta oja kuñisimentu di Deus,

6pabia SIÑOR i ta da jiresa; di si boka i ta bin kuñisimentuSai 31.3; Dan 1.17; 2.21-22; Tia 1.5 ku ntindimentu.

7El i ta guarda jiresa di bardadi pa kilis ku sedu justu; i sedu tajaderaKum 15.1 pa kilis ku ta yanda ku korson di bardadi.

8I ta guarda1 Sam 2.9; Sal 121.5-8 kilis ku ta trata utru jinti diritu; i ta difindi pa kilis ki di sil.

9Asin bu na ntindi kusas sertu, justu i diritu; bu na sibi yanda na bon kamiñus,

10pabia jiresa na yentra na bu korson; kuñisimentu ta sedu bonitu pa bo.

11Bon juisu ku jiresaKap 4.6 na guardau,

12e na librau di kamiñu mau, ku di omis ku ta papia kusas tortu,

13di kilis ku disa kamiñu retu pa yandaJo 24.15-16; Jon 3.19-20 na kamiñu sukuru,

14ku ta gosta di fasi mal, ku ta kontentiKap 10.23; Jer 11.15; Os 7.3; Rom 1.32 ku kusas tortu ku jinti mau ta fasi,

15ku ta disvia, e bai na kamiñu tortu.

16I na librau di minjerKap 5.3,20; 6.24; 7.5-27; 22.14; 23.27-28; 29.3; 1 Re 11.1 infiel pa si omi, o kualker minjer ku misti atraiu ku si palabras bonitu,

17ku disa si amigu diKap 5.18; Ez 16.8,59-60; Mal 2.14-15 nobresa, i diskisi di si kontratu ki fasi dianti di Deus.

18Si kasa ta mpina pa mortu; si kamiñu ta bai pa mundu di mortus.

19Tudu kilis ku bai pa el e ka na riba, nin e ka na yangasa kamiñu di vida.

20Asin bu dibi di sigi pasus di omisKap 12.26 bon, bu fika na kamiñu di justus.

21Kilis ku sedu retu, ku ka ten kulpa, e na fika ntidu ne tera,

22ma jinti mau na rinkadu na tera; jinti infiel na kabaduSal 104.35; 145.20 ku el.