Mateus 19 - Portuguese Creole Bible, Guinea-Bissau

Kaba-kasamenti(Mat 5.31; Mar 10.1-12)

1Oca Jesus kaba fala e palabra, i sai di Galileia pa bai pa ki parti di Judeia ku fika na utru banda di riu Jordon.

2Manga di jintiKap 12.15; 21.14 fika si tras. I kura elis la.

3Utru fariseus bai pa el pa spurmental, e puntal: “Konformi no lei, i justu pa un omi kaba kasamenti ku si minjer pa kualker motivu?”

4Jesus ruspundi, i punta elis: “Bo ka lei na Skritura kuma, na kumsada, Kriadur kumpu elis macuKum 1.27 ku femia?

5Deus fala elis: ‘Pabia di kila, omi ta disa si papeKum 2.24; Ef 5.31 ku si mame pa i junta ku si minjer. Elis dus e ta sedu un kurpu son.’

6De manera e ka ta sedu mas dus, ma e ta sedu un kurpu1 Kor 6.16 son. E ku manda, kil ku Deus junta, omi ka dibi di rapatil.”

7E puntal: “Nta, pabia di ke ku Moisés disanu ku e lei kuma, si algin misti dispidi si minjer, i ta pasal kartaKap 5.31; Lei 24.1; Mal 2.15-16 di dispidida?”

8Jesus fala elis: “Pabia bo tene korson duru; e ku manda Moisés seta pa bo dispidi bo minjeris, ma na kumsada i ka asin ba.

9N na konta bos kuma, kualker ku dispidiKap 5.32; 1 Kor 7.10-11 si minjer, si i ka pabia i pañal cai, i kasa ku utru minjer, i fasi adulteriu.”

10Si disipulus falal: “Si i es ki lei di kasamenti, i minjor pa ka kasa.”

11Jesus fala elis: “I ka tudu jinti ku pudi seta e palabra ku bo fala, ma son kilis ku markadu1 Kor 7.7-8 pa el.

12I ten jinti ku ka pudi kasa pabia e padidu asin. Utrus, i omis ku pui elis e ka pudi kasa; utrus nega1 Kor 7.32-38 kasamenti pabia di renu di seu. Kin ku pudi seta e kusa, i ta setal.”

Jesus ku mininus(Mar 10.13-16; Luk 18.15-17)

13Utru jinti tisi mininus pa Jesus pa i pui mon riba delis, i ora, ma si disipulus raprindi elis.

14Jesus fala elis: “Bo disa mininus; ka bo tuji elis bin pa mi, pabia renu di DeusKap 18.2-3 i pa elis.”

15Dipus ki pui mon riba delis, i sai di la.

Un riku ku na buska vida ku ka ta kaba(Mar 10.17-31; Luk 18.18-30)

16Un joven bin pa Jesus, i puntal: “Mestre, kal kusa bon ku N na fasi pa ngaña vidaLuk 10.25 ku ka ta kaba?”

17Jesus puntal: “Pabia di ke ku bu na punta di un kusa bon? Un son ki bon. Si bu misti yentra na vida, bu ten ku obdisiSai 20.3-17 mandamentus.”

18I puntal: “Kal mandamentus?” Jesus falal: “Ka bu mata ningin; ka bu dita ku algin ku bu ka kasa ku el; ka bu furta; ka bu lantanda falsu tustumuñu;

19rispita bu papeKap 15.4 ku bu mame; ama bu kumpañerSir 19.18; Rom 13.9; Gal 5.14; Tia 2.8 suma bo propi.”

20Joven falal: “Tudu e kusa N obdisil. Ke ku faltan inda?”

21Jesus falal: “Si bu misti seduKap 5.48 pirfitu, bai, bindi tudu kil ku bu tene, bu da pobris. Bu ta tene rikesaKap 6.19-21; At 2.44-45; 1 Tim 6.18-19 na seu. Dipus bu ta bin bu sigin.”

22Joven kaba obi e palabra, i bai tristi, pabia i teneba manga di rikesa.

23Jesus fala si disipulus: “Na bardadi N na konta bos kuma, i kansadu pa un rikuKap 13.22; 1 Kor 1.26; 1 Tim 6.9-10 yentra na renu di seu.

24N ta torna ripiti konta bos kuma, i mas lestu pa un kamelu pasa na koba di guja, te pa un riku seta pa Deus rena riba del.”

25Oca si disipulus obi es, e dimira ciu, e punta: “Nta kin ku na pudi salba?”

26Jesus finka elis uju, i fala elis: “Omi ka pudi fasil, ma DeusKum 18.14; Jo 42.2; Jer 32.17; Mar 14.36; Luk 1.37 pudi fasi tudu kusa.”

27Pedru rabida i falal: “Ali no disaKap 4.20; Luk 5.11; Eb 11.24-26 tudu, no bin ku bo. Ke ku no na bin risibi?”

28Jesus fala elis: “Na bardadi N na konta bos kuma, na mundu ku na bin, ora ku Fiju di omi sinta na tronu di si gloria, abos ku na sigin bo na sinta tambiKap 20.21; Luk 22.28-30; 1 Kor 6.2-3; 2 Tim 2.12; Apok 3.21; 20.4 na dozi tronu pa julga dozi jorson di Israel.

29Tudu kil ku disa kasa, ermons, irmas, pape, mame, fijus, o teras, pabia di ña nomi, i na risibi sen bias mas ciu, tambi ku vida ku ka ta kaba,

30ma manga di kilis ku sta diantiKap 20.16; 21.31-32; Luk 13.30 e na fika tras; kilis di tras e na pasa dianti.