Jo 1 - Portuguese Creole Bible, Guinea-Bissau

Rikesa di Jo

1Na tera di UzKum 10.23; 36.28; Jer 25.20; Mis 4.21 i tenba un omi comaduEz 14.14,20; Tia 5.11 Jo, un omi di bardadi ku rispita Deus, i yandaKap 1.8; 2.3; Kum 6.9; 2 Re 20.3; 1 Ped 3.11 diritu, i libra di fasi mal.

2I padi seti fijuKap 42.13 macu ku tris femia.

3I teneba seti mil karnel, tris mil kamelu, mil turu ku kiñentus buru. I seduba omi mas riku na ladu di saida di sol, i teneba manga di tarbajadur.

4Kada un di si fijus ta tene si dia di fasi festa pa elis tudu; e ta manda kumbida se irmas; e ta kume e bibi juntu.

5Dipus di un tempu di festa, Jo ta coma si fijus, i purifikaSai 19.10 elis, i ta mandurga pa pursenta ofertas kemadu, konformi numeru delis tudu, pabia i ta fala: “Talves ña fijus fasi pekadu, e papiaKap 1.11,22; Kap 2.9-10; Mar 7.21-23 mal di Deus na se korson.” Asin ku Jo ta fasiba sempri.

Purmeru proba di Jo

6Un dia, anjus di Deus bai pursenta dianti diKap 2.1; 38.7; 1 Re 22.19 SIÑOR; Satanas1 Kron 21.1; Zak 3.1; Apok 12.9-10 bai juntu ku elis.

7SIÑOR punta Satanas: “Nunde ku bu sai nel?”

Satanas ruspundi SIÑOR i falal: “N na daba volta1 Ped 5.8 di mundu, N na pasiaba nel.”

8SIÑOR torna punta Satanas: “Bu nota pa ña servu Jo? I ka ten ningin na mundu ku parsi ku el. I omi di bardadi ku ta rispitan, i ta yanda diritu, i libra di fasi mal.”

9Satanas ruspundi SIÑOR i puntal: “Nta Jo ta rispitau pa nada?

10Bu ka pui tapada1 Sam 25.16; Sal 34.7; Is 5.2; Zak 2.5 na roda del ku si familia ku tudu ki tene? Bu bensuaDit 10.22 si tarbaju, tok si limarias na buri ciu.

11Distindi bu mon, bu tokaKap 2.5; 19.21; Sal 105.15 na tudu ki tene; bu jubi si i ka na kobau!”

12SIÑOR fala Satanas: “Jubi, tudu ki tene i sta na bu mon, ma Jo propi, ka bu pui mon riba del.” Satanas sai dianti di SIÑOR.

13Un dia, fijus di Jo, macu ku femia, e na kume e na bibi biñu na kasa di se ermon garandi.

14Algin bin pa Jo ku rekadu, i falal: “Turus na labraba, burus na kume lungu delis.

15Di repenti sabeus bin riba delis, e leba, e mata tarbajaduris ku spada. Ami son ku kapli pa bin kontau.”

16Oca ki na papiaba inda, utru bin i fala: “Fugu di Deus kai na seu, i kema karnel ku tarbajaduris, i kaba ku elis. Ami son ku kapli pa bin kontau.”

17Oca kila na papia inda, utru bin i fala: “Kaldeus2 Kron 36.17 bin na tris grupu, e toma kamelus, e leba; e mata tarbajaduris ku spada. Ami son ku kapli pa bin kontau.”

18Oca ki na papiaba inda, utru bin i fala: “Bu fijus macu ku femia e na kumeba e na bibi na kasa di se ermon garandi.

19Un garandi turbada di bentu bin di ladu di lala, i suta kuatru kantu di kasa; kasa kai riba delis, e muri.Kap 8.4; 27.14; 42.13 Ami son ku kapli pa bin kontau.”

20Jo lanta, i rumpi si manta, i rapa si kabelu, i mborka na con, i ngaba Deus,

21i fala:

“Nun ku N sai na barigaEkl 5.15; 1 Tim 6.7 di ña mame;

nun ku N na disa e mundu.

I SIÑOR kuKap 2.10; Ekl 5.19; Tia 1.17 dan; i el ku toma.

Pa nomi di SIÑORSal 34.1; Ef 5.20; 1 Tes 5.18 ngabadu!”

22Na tudu es, Jo ka peka, nin i ka da Deus kulpa.