Salmus 57 - Portuguese Creole Bible, Guinea-Bissau

Miktan di Davi pa ŝef di musika, oca ki kapli di Saul, i kuri pa kaverna (1 Sam 22.1; 24.3). Pa sedu kantadu ku musika di “Ka bu dana”.

1Ten pena di mi, o Deus, ten pena di mi,

pabia N fiansa na bo;

N na buska suguransa na sombra di bu asas

tok dia di mal pasa.

2N na coma Deus ku sta riba di tudu,

ki Deus ku ta kumpri tudu si planusKap 138.8 pa mi.

3Di seu i na manda si ajuda,

i na libran di kilis ku na pirsigin.

Sela

Deus na sedu fiel pa manda si bondadi.

4N sta na metadi di omis ku sta suma lions

ku sta pruntu pa kume jinti.

Se dintis i suma kañakus ku fleŝas;

se lingua i suma spadaKap 64.3; Dit 30.14 ku moladu.

5O Deus, mostraKap 108.5 bu garandesa riba di seu,

ku bu gloria riba di tudu mundu.

6E distindi ridia pa ña pe;

N fika muitu batidu;

e yabri kobaDit 5.22 na kamiñu ku N na baiba,

ma i elis propi ku bin kai nel.

Sela

7Ña korsonKap 108.1-5; 112.7 sta firmi, o Deus; ña korson sta firmi;

N na kanta salmus pa ngabau.

8Ña alma, disperta!

Salteriu ku arpa, boŜef 5.12 disperta!

Ami N na korda sol pa i lanta!

9N na ngabau, SIÑOR, na metadi di rasas;

N na kanta pa bo na metadi di nasons,

10pabia bu bondadi i garandi, i ta bai te na seu;

bu bardadi ta ciga te na nuvens.

11O Deus, mostra bu garandesa riba di seu,

ku bu gloria riba di tudu mundu.