1SIÑOR fala: “N parsi pa kilis ku ka puntaRom 10.20-21 pa mi; kilis ku ka buskan, e ojan. N papia ku un nason ku ka ta comaba ña nomi, N fala: ‘Alin li, alin li.’
2Tudu dia N distindi ña mon pa un pobu rebeldi, ku ta yanda na kamiñu ki ka bon, ku na fasi konformi se propi pensamentus,
3un pobu ku ta fasi kusas sempri ña dianti pa pun N pañaKap 1.29; Lei 32.21 raiba. E ta fasi sakrifisius na jardins, e ta kema nsensu riba di altaris di tiẑolu.
4E ta sinta na simiterius, e pasa noti na lugaris di difuntus. E ta kume karni diSir 11.7 purku; na se pratu e tene kaldu di karni nujenti.
5E ta fala: ‘Fika la; ka bu cigaLuk 5.30; 18.11 nunde mi, pabia N sedu mas sagradu di ki bo!’ Jinti suma es e sedu na ña naris suma fumu di fugu ku ta yardi tudu dia.
6“Jubi, i sta skritu ña dianti; N ka na kala, ma N na paga; N na torna vingansa tudu
7pa bo pekadus, tudu ku pekadus di bo papes, ku kema nsensu na montañas, e koban na montis pikininu. E ku manda N na midiJer 13.25 pa paga elis konformi ki kusas ke tarda fasi.” I SIÑOR ku fala.
8SIÑOR fala mas: “Ora ki ojadu inda sumu na kacu di uvas, jinti ta fala: ‘Ka bu danal; i tene kusa bon nel inda.’ Asin ku N na fasi pa amor di ña servus, N ka na kabaJer 30.11; Mat 24.22; Rom 11.5 ku elis tudu.
9N na da fijus pa jorson di Jakó, N na lantanda algin na Judá ku na yarda ña montis; kilis ku N kuji na yarda tera; ña servus na mora la.
10SaronKap 33.9; 35.2 na sedu lugar di bakia karnel; kobon di AkorJos 7.24,26; Os 2.15 na sedu kau di diskansu pa bakas ku pertensi ña pobu ku buskan.
11“Ma abos ku lunjusi di SIÑOR, ku diskisi di ña monti sagradu, ku ta purpara mesaEz 23.40-41; 1 Kor 10.21 pa deus Fortuna, ku ta mistura biñu pa deus Distinu,
12N na distina bos pa bo muri ku spada; abos tudu bo na mpina pa matadu, pabia N coma, bo kaKap 50.2 kudi; N papia, bo ka obi, ma bo fasi mal ña dianti; bo kuji kil ku N ka ta kontenti ku el.”
13E ku manda SIÑOR Deus fala: “Jubi, ña servus na kume, ma abos bo na sufri fomi; ña servus na bibi, ma abos bo na tene sedi; ña servus na kontenti, ma abos bo na pasa borgoña.
14Ali ña servus na kanta ku kontentamentu di korson, ma abos, bo na grita ku tristesa di korson, bo na pupa, kebrantadu na spiritu.
15Bo na disa bo nomi suma maldisonZak 8.13 pa kilis ku N kuji. SIÑOR Deus na mata bos, ma i na da si servus utruKap 62.2 nomi.
16Algin na tera ku pidi benson, Deus di bardadi na bensual; kil ku jurmenta na tera, i na jurmenta na nomi di DeusJer 4.2 di bardadi, pabia malis ku pasa i diskisidu ja, i sta sukundidu di ña uju.
Nobu seu ku nobu tera17“Jubi, N na kumpu nobu seuKap 66.22; 2 Ped 3.13; Apok 21.1 ku nobu tera; kusas ku pasa ka na lembradu, nin e ka na bin na kabesa di algin.
18Bo na kontenti, bo kanta ku alegria tudu ora pabia di kil ku N kumpu, pabia Jerusalen ku N kumpu na inci ku alegria; si pobu na kontenti.
19N na sta alegri pabia di Jerusalen, N na sinti kontentamentuKap 62.5 ku ña pobu. Nunka mas i ka na obidu nel vos di curKap 35.10 nin di tristesa.
20“I ka na ten nel mininu ku na muri ku puku dias, nin beju ku ka ciga na si tempu, pabia kil ku muri ku sen anu, el i nobu inda. Algin ku ka yangasa sen anu, jinti na fala i maldisuadu.
21E na kumpu kasas, e mora nel; e na paranta ortas di uva, e na kumeAm 9.14; Jer 31.5; Ez 28.26 se fruta.
22E ka na kumpu kasas pa utrus mora la, nin e ka na paranta pa utrus kume, pabia dias di ña pobu na sedu suma dias di arvuri; kilis ku N kuji, e na goza rusultadu di tarbaju di se mon te na se bejisa.
23E ka na tarbaja amonton, nin e ka na padi fijus pa sufrimentu, pabia e na sedu un pobu ku SIÑOR bensua, elis ku se jorson di futuru.
24Antis deMat 6.8 coma, N na kudi; nkuantu e na papia inda, N na obi.
25Lubu ku fiju di karnel na kume pajaKap 11.6-9 juntu; lion na kume paja suma baka, ma pueraKum 3.14 na sedu kumida di serpenti. E ka na fasi mal nin e ka na dana nada na tudu ña monti sagradu.” Asin ku SIÑOR fala.
Who We AreWhat We EelieveWhat We Do
2025 by iamachristian.org,Inc All rights reserved.
