1 Timótiu Introduson - Portuguese Creole Bible, Guinea-Bissau

IntrodusonTimótiu fikaduba na Éfesu pa sedu pastor di ki igreẑa. I sedu “fiju” spiritual di Paulu, krenti di igreẑa di Listra (At 16.1-2), rapas ku ta medi un bokadu, ku teneba purblemas di saudi, ma ku ta puiba sintidu na kusas di Deus (Fil 2.19-22). I yanda ciu ku Paulu na bias, i judal skirbi utru kartas pa igreẑas.E karta i purmeru di tris “karta pa pastoris” ku Paulu skirbi pa Timótiu ku Titu. Igreẑas ta juntaba na kasas di krentis, manga delis na un prasa garandi, kada un ku si “bispu” ou “presbiteru” pa diriẑi tarbaju. Timótiu tenba ku juda ki presbiterus, i konsija elis. Paulu konsijal aserka di manga di asuntu, suma nsinamentu falsu, koldadi jinti ku pudi sedu diriẑenti, tratamentu di bejus ku viuvas na igreẑa, amor pa diñeru, ku konsiju pa propi vida di Timótiu.