Malakias Introduson - Portuguese Creole Bible, Guinea-Bissau

IntrodusonMalakias signifika “kil ku N da rekadu pa i leba.” Palabra “gubernadur” na 1.8 sta ligadu ku imperiu di Persia. I parsi kuma templu tardaba ja ki kumpudu tok pobu ku saserdotis pirdiba ja se dedikason. Talves e libru skirbidu na tempu di Esdras ku Neemias, o mas tardi. I na trata di utru purblemas ku Neemias (kapitulu 13) trataba, suma kasamenti ku stranjerus ku ka kunsiba Deus (2.11) ku falta di da dizimu (3.8-11). I fala kontra kaba-kasamenti (2.13-16). I fala tambi di dia di SIÑOR; i termina ku purmesa kuma algin na bin purmeru ku na parsi ku Elias, tok Malakias comal Elias. Ki algin sedu Jon Batista (Mat 11.13-14; Luk 1.17).