Markus 6 - Portuguese Creole Bible, Guinea-Bissau

Jesus negadu na Nazaré(Mat 13.54-58; Luk 4.16-30)

1Jesus sai, i bai pa si tera. Si disipulus bai juntu ku el.

2Oca ku dia di diskansu ciga, i kumsa na nsina na kasa di juntamentu. Manga delis ku obil e fika dimiradu, e punta: “Nunde ki sai ku e kusas? Es i kal jiresaJon 6.42 ki dadu? Kuma ki ta fasi e milagris?

3Nta es i ka ki karpinteru, fiju di Maria, ermonGal 1.19 di Tiagu, José, Judas ku Simon? Si ermons femia e ka sta li na no metadi tambi?” Asin e ka fika nada kontenti ku el.

4Jesus fala elis: “Anunsiadur ta rispitaduJon 4.44 pa tudu ladu; son na si propi tera, na metadi di si parentis ku na si kasa ki ka ten rispitu.”

5I ka pudiba fasi milagris la; i pui mon son riba di utru duentis, i kura elis, ma e puku ba.

6I dimiraIs 59.16 manera ke ka fia nel.

Jesus manda si disipulus(Mat 10.5-14; Luk 9.1-6)

Jesus bai di un tabankaMat 9.35; Luk 13.22 pa utru, i na nsinaba jinti.

7I coma si dozi disipulu, i kumsa na manda elis dus dus. I da elis puderMat 10.1 riba di spiritu mau,

8i fala elis: “Ka bo leba nada na bo bias, son manduku. Ka bo leba kumida, nin saku, nin diñeru na bolsu,

9nin dus kamisa. Bo kalsaAt 12.8 sandalia.”

10I fala elis tambi: “KasaLuk 10.7-10 ku bo gasija nel, bo fika la te dia ku bo sai na ki tabanka.

11Si jinti di utru tabanka ka risibi bos, e ka misti sukuta bos, ora ku bo na sai la, bo konkoñiAt 13.51; 18.6 puera ku sta na bo pe, pa sinal kontra elis.”

12Disipulus bai, e konta jinti, e fala elis pa e ripindi di se pekadu.

13E tira fora manga di spiritu mau na jinti, e untaLuk 10.34; Tia 5.14 manga di duenti ku azeiti, e kura elis.

Mortu di Jon Batista(Mat 14.1-12; Luk 3.19-20; 9.7-9)

14Rei Erodis bin obi ki kusa, pabia jinti na papia ciu di Jesus na tudu ladu. Utru jinti fala: “Es i Jon Batista ku lanta di mortu; e ku manda i ten puder pa fasi e milagris.”

15UtrusKap 8.28; Mat 16.14 fala: “I Elias.” Utrus fala: “I anunsiadur, suma kilis di tempu antigu.”

16Oca Erodis bin obi ki kusa, i fala: “Es i Jon ku N manda dogola ku lanta di mortu.”

17Na bardadi Erodis propi mandaba prindi Jon, i mitil na kalabus, pabia di Erodias, minjer di Filip, ermon di Erodis, manera ku Erodis tomalba pa i sedu si minjer.

18Jon falaba Erodis: “Bu ka ten dirituSai 20.14; Sir 18.16 di sta ku minjer di bu ermon.”

19Erodias fikaba kontra Jon, i misti matal, ma i ka pudi,

20pabia Erodis sintiba medu del; i sibi kuma Jon i bon omi di Deus, i guardal diritu. Sempri ki papia ku el, i ta fika tarpajadu na si sintidu, ma i gostaba di sukutal na mesmu.

21Na fin, Erodias bin oja manera. Oca Erodis fasi anu, i fasi festaKum 40.20 pa si garandis, ku ŝefis di tropa, ku regulus di Galileia.

22Fiju femia di Erodias yentra, i baja. Erodis ku kilis ku staba ku el na mesa e kontenti ku bajuda. Rei falal: “Pidin1 Re 3.5; Est 5.3,6; 7.2 ke ku bu misti, N na dau el.”

23I jurmenta, i fala: “Tudu kusa ku bu pidin, N na dau, te metadi di ña renu.”

24I sai, i bai punta si mame: “Ke ku N na pidi?” I falal: “Kabesa di Jon Batista.”

25Bajuda yentra dipresa, i kuri pa rei, i falal: “N misti pa bu dan kabesa di Jon Batista gosi gosi na un pratu.”

26Rei fika tristiDan 6.14; 2 Kor 7.10 dimas, ma i ka misti purfial, pabia di juramentu ki fasiba dianti di jinti ku staba ku el na mesa.

27Na ki ora rei manda guarda pa i bai tisil kabesa di Jon. Guarda bai pa kalabus, i sapa kabesa di Jon,

28i tisil na un pratu, i da bajuda. Bajuda da si mame.

29Oca disipulus di Jon obi noba, e bai, e toma si kurpu, e bai nteral.

Jesus da kumida pa 5.000 omi(Mat 14.13-21; Luk 9.10-17; Jon 6.1-14)

30Apostolus riba pa Jesus, e kontal tudu ke fasi, ku kusas ke nsinaba jinti.

31Manga di jinti na bai, e na bin, tok Jesus ku si disipulus ka tenba tempuKap 3.20 pa kume. Asin Jesus fala elis: “Bo bin no bai na utru kau ku jinti ka sta nel pa bo diskansa un bokadu.”

32E kamba na un barku, elis son, e bai pa un kau dingidu.

33Manga di jinti oja elis e na bai, e rapara elis; e sai na tudu tabankas, e kuri, e jumna elis na kau ke na baiba.

34Oca ki disimbarka, Jesus oja ki garandi multidon, i sinti pena delis, pabia e staba suma karnel ku ka tene bakiadur. I kumsa na nsina elis manga di kusa.

35Manera ki staba ja tardi, si disipulus bin pa el, e falal: “E kau li i dingi; sol na bin kai gosi.

36Dispidi jinti pa e bai pa kasas o pa tabankas mas pertu pa e kumpra pon pa kume.”

37Jesus ruspundi, i fala elis: “Abos propi bo da elis di kume.” E puntal: “Pa no bai, no gasta duzentus mueda di prata pa kumpra ponNum 11.13,22; 2 Re 4.43 pa da elis di kume?”

38I punta elis: “KantuKap 8.5 pon ku bo tene? Bo bai jubi.” Dipus ke jubi e falal: “Sinku pon ku dus pis.”

39Jesus fala disipulus pa e pui tudu jinti pa e sinta, grupu grupu, na paja verdi.

40E sinta na grupus, utru grupus ku sen, utru grupus ku sinkuenta.

41Jesus toma ki sinku pon ku dus pis, i yalsa uju pa seu, i fala Deus obrigadu, i kebra pon, i da si disipulus pa e rapati pa jinti. Dipus i rapati ki dus pis entri elis tudu.

42Tudu jinti kume, e farta.

43Disipulus junta padas di pon ku pis ku sobra, e inci dozi kufu.

44Omis ku kume ki pon seduba kuas sinku mil.

Jesus yanda riba di mar(Mat 14.22-33; Jon 6.16-21)

45Na ki ora Jesus pui si disipulus pa e mbarka, e bai dianti pa Betsaida, na utru banda di mar; el i fika pa dispidi jinti.

46Oca i kaba dispidi elis, i bai pa montaña pa ora.

47Oca sol noti, barku staba na metadi di mar. Jesus fikaba el son na tera.

48I oja manera ke na kansa na rema, pabia bentu staba kontra elis. Kuas na ora di purmeru galu i yanda riba di mar tok i ciga pertu delis, i mistiba pasa dianti.

49E ojal manera ki na yanda riba di yagu, e kuda kuma i seduba un kasisa, e grita risu.

50Elis tudu e ojal, e panta. Na ki ora Jesus papia ku elis, i fala: “Bo ten koraẑen. I ami; ka bo medi.”

51I mbarka tambi ku elis. Bentu para. Disipulus kuda ciu, e fika dimiradu,

52pabia e ka ntindibaKap 8.17 ki milagri di pon. Se kabesa staba ficadu.

Jesus kura duentis na tera di Jenesaré(Mat 14.34-36)

53Oca e kamba, e bai pa purtu di Jenesaré, e ntranka la.

54Oca e disimbarka, jinti rapara Jesus.

55E kuri pa tudu ki ladu, e kumsa tisi duentis na kanapes, pa tudu kau ke obi kuma Jesus staba nel.

56Tudu kau ki yentraba nel, nin ki na prasa, o na tabanka, o na pontas, e ta tisilba duentis, e ditanda elis na metadi di prasa; e ta pidil pa i disa elis son pa e tokaMat 9.20; At 19.12 na roda di si kamisa. Tudu kil ku pangaba nel i ta fika kuradu.