Daniel 4 - Portuguese Creole Bible, Guinea-Bissau

Nabukodonosor suña ku arvuri garandi

1Ami, rei Nabukodonosor, N na skirbi pa tudu rasas, nasons pasa riba del.

17“‘I anjus ku na anunsia e disison; santus ku na da e ordi, pa jinti bibu e pudi sibi kuma Deus ku sta riba di tudu i ta mandaKap 2.21; 5.21 riba di renus di mundu, i ta da elis pa kin ki misti, nin ki omi mas umildi di tudu ki pui riba delis.’

18“Es i kusa ku ami, rei Nabukodonosor, N oja na ña suñu. Abo, Beltesazar, bu pudi splikanKap 5.8,15-16; Kum 41.8,15 si signifikadu. Tudu konsijaduris na ña renu e ka pudi splikan el, ma abo bu pudi, pabia spiritu di deusis santu sta na bo.”

Daniel splika suñu

19Pensamentus di Daniel kansal ciu, tok i ka pudi papia kuas un ora. Rei falal: “Beltesazar, ka bu disa ki suñu nin si splikason pa i pantandau.”

Beltesazar ruspundi i fala: “Ñu Rei, i ta bon ba si suñu staba kontra2 Sam 18.32 kilis ku sta kontra bo, pa si splikason seduba pa bu inimigus!

20Ki arvuri ku bu oja, ku kirsi, i bida forti tok si altura ciga na seu, ku jinti di tudu parti di mundu pudi oja,

21ku tene fojas bonitu ku manga di fruta ku ta da pa tudu jinti kume, ku ta da sombra pa limarias mora bas del, ku tene ramus nunde ku kacus ta pui se niñu,

22ki arvuri, Ñu Rei, iKap 2.38; Jer 27.6-7 abo. Bu kirsi, bu bida forti, bu garandesa kirsi tok i ciga na seu; bu ta manda te na kabantada di mundu.

23“Ñu Rei, bu oja un anju santu ku sai na seu, i ria, i fala: ‘Bo korta ki arvuri, bo danal, ma bo disa restu di si tronku ku si rais na con, maradu ku korentis di feru ku kobri, na metadi di paja di matu. Ki algin ten ku mojadu na serenu di seu, i ten ku vivi juntu ku limariasKap 5.21 di matu, tok seti tempu pasa riba del.’

24“Ñu Rei, es i signifikadu; e disison di Deus ku sta riba di tudu i tomadu kontra Ñu Rei.

25Bu na serkadu na metadi di jinti, bu na mora juntu ku limarias na matu, bu na kume paja suma baka; serenu di seu na kai riba di bo. Seti tempu na pasa riba di bo tok bu rikuñisi kuma Deus ku sta riba di tudu i ta manda riba di renus di mundu, i ta dal pa kin ki misti.

26Ki ordi ku dadu pa disa restu di tronku ku rais di arvuri i mostra kuma bu renu na tornadu pa bo, ora ku bu ntindi kuma kil ku sta na seu, el ku na manda.

27Asin, Ñu Rei, seta ña konsiju, bu disaIs 55.7 bu pekadu, bu fasi kil ki diritu; bu disa ki kusas mau ku bu ta fasi, bu mostra bondadi pa koitadis. Talves bu pas ta1 Re 21.29 kontinua.”

Kumprimentu di suñu

28Tudu e kusas bin riba di rei Nabukodonosor.

29Dozi mis pasa. Un dia, oca ku rei na pasiaba riba di si palasiu na Babilonia,

30i fala: “Jubi e garandi Babilonia! I ami ku kumpul suma residensia pa rei, ku ña forsaKap 5.20; Dit 16.18 ku puder, pa mostra gloria di ña garandesa.”

31Oca ki na papia inda, i sai un vos di seu ku fala: “Rei Nabukodonosor, e palabra i pa bo. Renu sai ja na bu mon.

32Bu na serkadu na metadi di jinti, bu na mora juntu ku limarias di matu, bu na kume paja suma baka. Seti tempu na pasa riba di bo, tok bu ntindi kuma, i Deus ku sta riba di tudu ku ta manda riba di renus di mundu, i ta da elis pa kin ki misti.”

33Na ki mesmuAt 12.23 ora, palabra ku faladu aserka di Nabukodonosor bin sedu. I serkadu na metadi di jinti, i pasa ta kume paja suma baka; serenu ta mojal kurpu, tok si kabelu kirsi suma penas di agia, si uñas suma di kacus.

34Oca ki tempu pasa, ami, Nabukodonosor, N yalsa uju pa seu; ña juisu torna pa mi. N fala ben di Deus ku sta riba di tudu, N ngabal, N da gloria pa kilSal 10.16; Jer 10.10; Luk 1.33 ku na vivi pa sempri.

I na domina pa sempri;

si renu na sedu di un manjuandadi pa utru, pa sempri.

35Tudu moraduris di mundu ojadu suma nadaSal 39.5; Is 40.15,17 si dianti.

I ta fasi konformi ki mistiSal 115.3 ku puderis di seu,

ku moraduris di tera.

I ka ten kin ku pudi paral si mon,

ku fadi pa puntal: “Ke ku buJo 9.12; Rom 9.19-20 na fasi?”

36Na ki ora ña juisu torna diritu. Ña rispitu ku garandesa ku gloria di ña renu tornadu pa mi. Ña konsijaduris ku garandis e buskan; ña renu firmantadu mas, tok N ten mas rispituJo 42.12; Dit 22.4 di ki kil ku N tenba.

37Gosi ja, ami, Nabukodonosor, N ngaba Rei di seu, N garandisil, N dal gloria, pabia tudu ki fasi i diritu; si kamiñusLei 32.4; Apok 15.3; 16.7 i justu. I pudi baŝa kilis ku ta yanda na orgulyu.