Salmus 72 - Portuguese Creole Bible, Guinea-Bissau

Salmu di orason pa Salomon

1O Deus, nsina rei pa i julga ku bu retidon;

dal bu propi justisa.

2Bu pobu, ku kilis ku kalkadu,

i na julga ku jius, ku reis di Arabia ku Etiopia,

e na tisi pursentis pa dal.

11Tudu reis na mpina si dianti;

tudu nasons na sirbil.

12I na juda kilis ku comal pabia e ten falta,

ku algin forontadu ku ka tene kin ku na judal.

13I na sinti pena di koitadi ku fraku;

i na salba vida di kil ku ten falta.

14I na kaplinti elis di kilis ku na kalka elis ku violensia,

pabia se vida ten balur si dianti.

15Rei pa i bibu pa sempri!

Pa i dadu uru di Arabia;

pa jinti ora pa el sempri,

pa e pidi benson pa el tudu dia.

16Pa i ten manga di trigu na tera

riba di kabesa di montis.

Plantas pa e balansa bonitu suma na Líbanu;

jinti di prasa pa e ciu suma paja di matu.

17Si nomi pa i kontinua pa sempri;

pa i pasantadu di papes pa fijus nkuantu sol na yardi.

Jinti na bensuaduKum 12.2-3; 22.18; Jer 4.2 pabia del;

tudu nasons na comal sortiadu.

18SIÑOR Deus, Deus di Israel, i mersi ngabadu;

i el son ku ta fasi kusas garandi.

19Si nomi gloriosu pa i ngabadu pa sempri;

si gloria pa i inci tudu mundu!

Amen! Amen!

20Es i kabantada di orasons di Davi, fiju di Jesé.