Ditus 18 - Portuguese Creole Bible, Guinea-Bissau

1Dingidu ta buska si propi1 Kor 13.5 interes; kusa ku tudu jinti sibi i sertu, el i ka ta konkorda ku el.

2Tulu ka ten interes na ntindiKap 1.7,22 kusa diritu; i ta misti son tira si propi pensamentus.

3Ora ku maldadi yentra, disprezu tambi na bin. Disgrasa ku borgoña e ta bin juntu.

4Palabra di omi i suma yagu fundu. Fonti di jiresa i uju di yaguKap 10.11 ku na lagua.

5I ka bon pa toma parti di algin ku ten kulpa,Kap 24.23; Sir 19.15 bu nega fasi justisa pa kil ku ten roson.

6Boka di tulu ta lebal pa jus, tok i ta pidiKap 14.3,16; 19.19; 26.17 jinti pa e sutal.

7Boka di tulu i ta dana si propi vida; si palabras e sedu suma armadiliaKap 6.2; 10.8 pa si kurpu.

8Palabra mau pa jinti i suma un kusa sabiKap 26.22 ku no kontenti pa nguli!

9Kin ku ka ta fasi si tarbaju dirituKap 24.30-34 i ermon di danadur.

10Nomi di SIÑOR i suma tori2 Sam 22.3; Sal 61.3; 91.2; 144.2 forti; algin justu ta kuri pa el, i fika suguru.

11Rikus ta pensa kuma se rikesa i suma mura altu i fortiKap 10.15 na roda di prasa.

12Omi ku ta yalsa si kabesaKap 11.2; 15.33; 16.18; 29.23; 1 Ped 5.5 i na bin kai; kamiñu pa rispitu i pa sedu umildi.

13Algin ku ta ruspundi antisJon 7.51 di obi, i na mostra si tulesa ku si borgoña.

14SpirituKap 17.22 firmi di omi i na nguenta duensa, ma spiritu disanimadu, kin ku pudi nguental?

15Korson di ntindidu ta ngaña kuñisimentu; oreja di jiruKap 1.5 i ta buskal pa sibi.

16PursentiKap 17.8; Kum 32.20; 43.11 ku omi ta da i ta yabril kamiñu, i lebal dianti di garandis.

17Kil ku pursenta si kasu purmeru, i ta parsi kuma i ten roson, tok utru bin i fasil purguntas.

18Juga sorti pudi kaba ku jus, pa rapati dus jinti ku misti geria.

19Ermon ofindidu i mas kansadu pa ngaña di ki prasaKap 16.32 forti. Jus i suma feŝu na porton di kuartel.

20Un omi pudi fartandaKap 12.14 bariga pabia di si palabras.

21Mortu ku vida e sta na puder diKap 10.19,31-32; Mat 12.35-37 lingua. Kil ku tene si lingua diritu i ta purbita ciu.

22Kil ku oja minjerKap 12.4 i oja un bon kusa, i yangasa fabur di SIÑOR.

23Koitadi ta pidi ku fabur, ma riku ta ruspundi forti.

24Omi ku tene manga di amigu,Kap 17.17; 27.9; Jon 15.14-15 se amisadi pudi ka ta tarda, ma i ten amigu mas pertu di ki ermon.