1E ciga na utru banda di mar, na tera di gadarenus.
2Oca ki ria na barku, un omi ku teneba spiritu mau sai na simiteriu, i bai kontra ku el.
3I ta moraba na simiteriu. Jinti ka pudiba prindil, nin ku korenti,
4pabia manga di bias i maradu ku korenti di feru na mon ku pe, ma i ta sapa-sapal na padas. I ka tenba ningin ku pudi ku el.
5Di dia ku di noti i ta yanda na monti o na simiteriu, i na grita, i na laña si kurpu ku pedra.
6Oca ki oja Jesus di lunju, i kuri pa el, i finka juju si dianti,
7i grita risu, i punta: “Ke ku N ten ku bo, Jesus, Fiju di Deus ku sta riba di tudu? N pidiu dianti di Deus, ka bu kastigan.”
8I fala asin pabia Jesus na falalba: “Spiritu mau, sai ne omi.”
9Dipus, Jesus puntal: “Kuma ku bu nomi?” I ruspundi, i falal: “Ña nomi i Multidon, pabia no ciu.”
10I roga Jesus, i pidil pa i ka serka elis fora di ki tera.
11I staba la na monti manga di purku ku na ferferi na paja.
12Ki spiritus mau pidil, e fala: “Mandanu pa ki purkus pa no yentra nelis.”
13Jesus seta. Ki spiritus mau sai na omi, e yentra na purkus ku seduba kuas dus mil. Elis tudu e kuri, e ciga na un riada, e kai na mar, e foga.
14Bakiaduris di purku kuri, e bai konta na prasa ku tabankas ke ku pasa. Manga di jinti sai pa jubi ke ku kontisi.
15E bai nunde Jesus, e oja ki omi ku teneba multidon di spiritu mau i sinta la bistidu, ku bon juisu. E sinti medu.
16Jinti ku matiba konta elis kusa ku pasa ku ki omi, ku kusa ku pasa ku purku.
17E pidi Jesus pa i sai na se tera.
18Oca ku Jesus na mbarka, omi ku teneba dimonius pidil pa i disal pa i bai ku el,
19ma Jesus ka seta. I falal: “Riba pa bu kasa, nunde bu familia, bu konta elis kusa garandi ku Siñor fasi pa bo, manera ki ten pena di bo.”
20I bai, i kumsa na konta jinti na reẑion di Des Prasa ki kusas garandi ku Jesus fasi pa el. Tudu jinti fika dimiradu.
Fiju di Jairu ku minjer ku toka na ropa di Jesus(Mat 9.18-26; Luk 8.40-56)21Jesus kamba mas pa utru banda di mar. Manga di jinti junta na roda del. Oca i staba na purtu,
22utru omi bin pa el, ku comadu Jairu. I seduba un di ŝefis di kasa di juntamentu. I oja Jesus, i lastra si dianti,
23i rogal, i fala: “Ña fiju femia sta kuas pa muri. N na pidiu garandi fabur pa bu bai, bu pui mon riba del, bu kural, pa i pudi san.”
24Jesus bai ku el. Manga di jinti bai juntu ku el, tok e perta.
25I tenba utru minjer ku duensi dozi anu,Sir 15.25 i ta pirdi sangi.
26I sufriba ciu na mon di manga di mediku, ma i ka fikaba minjor. I gasta tudu ki teneba, ma i na piora son.
27I obi kil ku jinti na fala di Jesus, i bai si tras, na metadi di jinti, i toka na si ropa,
28pabia i papia na si sintidu, i fala: “Nin si N toka na si ropa son, N na san.”
29Oca i panga nel, sangi para; i sinti si kurpu san janan.
30Na ki ora Jesus sinti puder saiLuk 6.19 nel, i rabida pa jinti, i punta elis: “Kin ku toka na ña ropa?”
31Si disipulus falal: “Bu oja kuma ku jinti na pinca-pinca pa ciga nunde bo; bu na punta gora kin ku toka na bo?”
32Jesus fika i na jubi-jubi pa sibi kin ku fasil.
33Minjer gora i sibiba ke ku kontisi; i na tirmi ku medu, i ciga pertu del, i finka juju si dianti, i kontal tudu bardadi.
34Jesus falal: “Ña fiju, bu feKap 10.52 kurau. Bai ku pas. Bu sta libri di ki duensa.”
35Antis di i kaba papia, utru jinti ciga di kasa di ŝef di kasa di juntamentu, e falal: “Bu fiju muri ja. Ka bu kansa Mestre mas.”
36Jesus obi ki palabra, i fala ŝef: “Ka bu panta; fia son.”
37I ka seta pa utru bai si tras, si i ka Pedru, Tiagu ku Jon, ermon di Tiagu.
38Oca e ciga na kasa di ŝef di kasa di juntamentu, i oja jinti na turmenta, e na cora, e na grita.
39I yentra, i punta elis: “Ke ku manda bo na turmenta, bo na cora? Bajuda ka muri, i na durmiJon 11.11-13 nan.”
40Jinti ril. I tira elisAt 9.40 tudu pa fora, i leba pape ku mame di bajuda, ku ki tris ku bin ku el, i yentra nunde ku bajuda dita.
41I toma mon di bajuda, i falal: “Talita kumi,” ku signifika: “Bajuda, N na falaLuk 7.14-15 ku bo; lanta!”
42Bajuda lanta janan, i yanda. I teneba dozi anu. Jinti dimira ciu.
43I fala elis kuma i ka misti pa ninginKap 7.36; Mat 8.4 obi e kusa. I fala elis tambi pa e da bajuda kusa di kume.
Who We AreWhat We EelieveWhat We Do
2025 by iamachristian.org,Inc All rights reserved.
