1 Pedru 2 - Portuguese Creole Bible, Guinea-Bissau

Pedra bibu

1Bo disaKol 3.8; Eb 12.1 tudu mau maña, tudu nganu, finjimentu, nveẑa, ku tudu palabra mau.

2Bo sedu suma mininuMat 18.3; 1 Kor 3.2 ku kumsa padidu, ku ta faima pa liti. Bo faima pa liti spiritual, puru, pa bo bibil, bo kirsi na vida spiritual.

3Gosi ja bo probaSal 34.8 kuma Siñor i bon.

4Si bo bin pa el, ku sedu pedraKap 2.7 bibu ku omi nega na bardadi, ma ku Deus kuji pabia i di balur,

5abos tambi, suma pedrasEf 2.21; Eb 3.6 bibu, bo na kumpudu pa forma kasa spiritual, pa sedu saserdotisSai 19.6; Is 61.6 santu pa fasi sakrifisius ku Deus ta seta, sakrifisius spiritual pabia di Jesus Kristu.

6E ku manda i fala naIs 28.16 Skritura:

“Bo jubi, N kuji un pedra di balur

ku N na pui suma purmeru pedra di kantu na Sion.

Kin ku fia nel ka ta fika ku borgoña.”

7E pedra i ten garandi balur pa bos ku fia, ma pa kilis ku ka fia:

“Pedra ku pedrerusSal 118.22 nega

i bin sedu purmeru pedra di kantu.”

8Tambi i sta skritu kuma i

“PedraIs 8.14; Luk 2.34 ku ta pui algin da tapada,

un roca ku ta fasi algin kai.”

E ta da tapada pabia e ka obdisi palabra. Asin ki distinadu pa elis.

9Ma abos bo sedu rasaSai 19.5-6 kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.

10Purmeru ba bo ka seduOs 1.9-10 pobu, ma gosi bo sedu pobu di Deus. Purmeru ba bo ka kunsi miserikordia di Deus, ma gosi bo yangasal.

Rispitu pa otridadi

11Ña kiridus, suma ku bo sedu osprisEb 11.13 stranjeru, N pidi bos pa bo libra di mau diseẑu di kurpu, ku ta geriaGal 5.17 kontra alma.

12Bo yanda diritu2 Kor 8.21; Fil 2.15 na metadi di kilis ku ka kunsi Deus. Asin, ora ke na koba bos mal suma kin ku ta fasi mal, e pudi rapara bon tarbaju ku bo na fasi, e ta ngaba Deus na dia ki na visitanu.

13Pa amor di Siñor bo baŝaRom 13.1-4 pa tudu otridadi di omi, suma rei ku sta riba di tudu,

14o gubernaduris ku rei manda pa e kastiga kilis ku ta fasi mal, pa ngaba kilis ku ta fasi ben.

15Deus misti pa bo fasi ben, pa bo pudi kalantaTitu 2.8 ki tulus ku ka sibi nada.

16Bo yanda na1 Kor 7.22; Gal 5.1,13 liberdadi, ma ka bo usa liberdadi pa kubri mal ku el. Bo yanda suma katibus di Deus.

17Bo rispita tudu jinti, bo amaRom 12.9-10 ermons, bo ten medu di Deus, bo rispita rei.

No pudi sufri suma Kristu

18AbosEf 6.5 katibus, bo baŝa pa bo dunus ku tudu rispitu; i ka son pa bon dunus ku ta trata ben, ma pa ki maus tambi.

19I kusa sabi si algin nguenta kastigu di sufrimentu ki ka mersi, pabia i pui sintidu na Deus.

20I kal gloria si bo fasi mal, bo sutadu, bo nguenta ku pasensa? Ma si bo fasiKap 3.14; 4.14-16 ben, bo kastigadu, bo nguenta ku pasensa, i el ku ta sabi Deus.

21I es propi ku Deus coma bosAt 14.22 pa el, pabia tambi Kristu sufri pa bos, i disa bos isemplu pa bo yanda na si pe.

22I ka fasiIs 53.9; Luk 23.41; Jon 8.46 pekadu, nin na si boka nganu ka obidu.

23Oca i naIs 53.7; Mat 27.39; Mar 14.60-61 kobadu, i ka torna. Oca ki na sufri, i ka fala i na torna, ma i ntrega si kabesa na kil ku ta julga retu.

24El propi i leba no pekadu na si kurpuIs 53.4-5; Mat 8.17; Rom 6.11 na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

25Bo na yandaba pirdidu, sumaSal 119.176; Is 53.6; Ez 34.6,23; 37.24; Jon 10.11; Eb 13.20 karnel, ma gosi bo rabida ja pa Pastor, guarda di bo alma.