Saida 25 - Portuguese Creole Bible, Guinea-Bissau

Deus manda tisi ofertas pa tenda(Sai 35.4-9)

1SIÑOR fala Moisés:

2“Fala fijus di Israel pa e junta oferta,Kap 36.3-6; Num 7.3-88; 1 Kron 29.1-19; Esd 1.6; 2.68; 7.15-16; 2 Kor 8.1-5; 9.7 e tisin. Bu na risibi na mon di tudu omi ku sinti na si korson pa da.

3Es i koldadi di oferta ku bu na risibi na se mon: uru, prata, kobri,

4lan di tris kor, ku sedu azul, purpura ku burmeju, liñu finu, kabelu di kabra,

5kurus di karnel macu tinjidu di burmeju, kurus di baka di yagu, madera di akasia,

6azeiti pa kanderu, kusas ku ta cera sabi pa oliu ku jinti ta unjidu ku el, tambi pa nsensu,

7ku pedras di balur suma sardonika, pa miti na efodiKap 28.4,6,15; 39.8; Sir 8.7-8 ku pitural di saserdoti.

8“E na kumpun un kau1 Kron 28.11; Eb 9.1-2 sagradu pa N pudi mora na se metadi.

9Bu na kumpul ku tudu si mobilia konformi plantaKap 25.40 ku N na mostrau.

Arka di kontratu(Sai 37.1-9)

10“E na fasi un arkaLei 10.3; Eb 9.4; Apok 11.19 di madera di akasia, di 1,1 metru di kumprimentu, ku 70 sentimetru di largura ku di altura.

11Bu na kubril ku uru puru dentru ku fora, bu na pui koroa di uru na si roda.

12Bu na tarbaja kuatru anilia di uru pa el, bu fiksa elis na kuatru pe, dus anilia na kada ladu.

13Bu na kumpu tambi varas di madera di akasia, bu na kubri elis ku uru.

14Bu na miti varas na ki anilias na ladus di arka, pa pudi karga arka ku elis.

15Ki varas1 Kron 15.15 na fika na anilias di arka, e ka na tiradu.

16Dentru di arka bu na pui taguas ku mandamentusKap 24.12; 40.20; Lei 31.26 ku N na bin dau.

Kubertura di miserikordia

17“Bu na kumpu tambi un kubertura diSir 16.2,12-15; Eb 4.16; 9.5 miserikordia, di uru puru, di 1,1 metru di kumprimentu, ku 70 sentimetru di largura.

18Kumpu dus kirubinKap 37.7-9; Kum 3.24; Num 7.89; 1 Sam 4.4; 2 Sam 6.2; 22.11; 1 Re 6.23-28; 8.6-7; 2 Re 19.15; 1 Kron 13.6; 28.18; 2 Kron 3.10; Sal 80.1; 99.1; Is 37.16; Ez 9.3; 10; Eb 9.5 di uru batidu na ponta di kada ladu,

19un kirubin na un ponta, utru na utru ponta. E na kumpudu juntu ku kubertura di miserikordia, pa forma un pesa son.

20Ki kirubins na distindi se asas pa riba, e kubri kubertura di miserikordia ku elis; e na jubi ŋutru riba del.

21Dipus ku bu pui ki taguas ku mandamentus ku N na dau, bu na pui kubertura di miserikordia riba di arka.

22La N na bin pa bo, riba di kubertura di miserikordia na metadi di dus kirubin ku sta riba di arka di tustumuñu. N na papiaKap 30.6,36; Num 7.89; 17.4 ku bo, N na dau tudu ña ordis pa fijus di Israel.

Mesa di madera di akasia(Sai 37.10-16)

23“Kumpu un mesaKap 37.10-15; 40.22; Num 4.7; 1 Re 7.48; 1 Kron 28.16; Eb 9.2 di madera di akasia, di 88 sentimetru di kumprimentu, 44 sentimetru di largura ku 66 di altura,

24bu kubril ku uru puru, bu pui koroa di uru na si roda.

25Kumpu tambi un moldu na si roda di largura di kuatru dedu; bu fasi un koroa di uru na roda di ki moldu.

26Bu na kumpu tambi kuatru anilia di uru, bu fiksa elis na kuatru ponta nunde ku si pes sta.

27Ki anilias, ku varas na mitidu nelis pa karga mesa, e ten ku sta lungu di moldu.

28Bu na kumpu varas di madera di akasia, bu kubri elis ku uru; mesa na kargadu ku elis.

29Bu na kumpu si pratusNum 4.7; 7.13; 1 Re 7.50; 2 Kron 4.22; Esd 1.7-11; Jer 52.18-19 ku si kopus, si jarus ku tiẑelas, tudu di uru puru, pa usa ku ofertas di bibida.

30Riba di mesa bu na pui ponKap 35.13; 39.36; Sir 24.5-9; 1 Sam 21.4-6; 1 Kron 9.32; 23.29; 2 Kron 13.11; Ne 10.33; Mal 1.7-12; Mat 12.3-4 sagradu ku na sta sempri ña dianti.

Kanderu(Sai 37.17-24)

31“Kumpu tambi un kanderuKap 35.14; 40.24; Num 4.9; 8.2-4; 1 Re 7.49; 2 Kron 13.11; Eb 9.2 di uru puru, batidu, kurpu tudu ku pe. Si bokas na sta suma floris ku sta ficadu, utrus ku yabri; ma tudu kanderu na formadu na un pesa son.

32Seis ramu na sai na ladus di kanderu, tris na un ladu, tris na utru.

33Na kada un de seis ramu i na ten tris boka ku parsi ku flor di amenduiña, utrus ficadu, utrus ku yabri.

34Ma na kanderu propi i na ten kuatru boka ku parsi ku flor di amenduiña, utrus ficadu, utrus ku yabri.

35I na ten un flor ficadu bas di kau nunde ku ki purmeru dus ramu sai nel. Utru flor ficadu na sta bas di sugundu kau nunde ku dus ramu sai nel; terseru flor ficadu na sta bas di kau nunde ku terseru dus ramu sai nel.

36Ki floris ficadu ku ki ramus ku tudu kanderu i na sedu un pesa son di uru puru batidu.

37“Tambi bu na kumpu seti lus pa kanderu,Kap 27.20-21; 30.8; 40.25; Sir 24.2-4; 2 Kron 13.11; Zak 4.2 bu na pui elis pa e ba ta numia pa dianti.

38Si instrumentus di limpal ku si apagaduris e na sedu di uru puru.

39Na trinta i kuatru kilu di uru puru bu na kumpu kanderu ku tudu si material.

40Jubi diritu pa bu fasi elis suma plantaKap 25.9; 26.30; Num 8.4; 1 Kron 28.11,19; Ez 43.10-12; At 7.44; Eb 8.5 ku bu mostradu na monti.