2 Samuel 12 - Portuguese Creole Bible, Guinea-Bissau

Anunsiadur Natan raprindi Davi

1SIÑOR manda Natan pa Davi. Oca Natan yentra nunde Davi, i falal: “I tenba pabia SIÑOR amal.

Davi ngaña Rabá(1 Kron 20.1-3)

26Oca ki kusas na kontisi ku Davi, Joab na geriaba kontra Rabá, prasa di reis di fijus di Amon, i tomal.

27Dipus i manda jinti ku rekadu pa Davi pa e bai falal asin: “N geria kontra Rabá,Kap 11.1 N toma tambi Mai di Yagu di prasa.

28Asin, bu ta junta restu di tropas, bu bin taja prasa, bu tomal. Si i ka asin, i ami ku na tomal; i ña nomi ku na comadu riba del.”

29Asin Davi junta tudu tropas, i marŝa pa Rabá, i geria kontra el, i tomal,

30i tira koroa na kabesa di rei. Ki koroa ta pesaba serka di trinta i kuatru kilu di uru, i teneba nel pedras di balur. I pudu na kabesa di Davi. Na ki prasa Davi toma manga di kusa.

31I leba jinti ku staba la, i pui elis tarbaja ku seras, pikaretas ku mancadus di feru; tambi i pui elis pa e kumpu tiẑolus. Asin ki fasi na tudu prasas di fijus di Amon. Dipus Davi ku tudu tropas riba pa Jerusalen.