Salmus 12 - Portuguese Creole Bible, Guinea-Bissau

Salmu di Davi pa ŝef di musika, konformi Seminit.

1Judanu, SIÑOR, pabia jinti bon ka ten ja;

kilis ki fiel e pirdi na metadi di jinti.

2Kada kin na fala mintidaKap 55.21; Jer 9.8; Rom 16.18 pa si kumpañer;

e na papia palabras bonitu ku korson finjidu.

3I ta bonba pa SIÑOR korta tudu boka

ku ta papia palabras bonitu ku finjimentu,

ku lingua ku ta njata,

4i fala: “No na ngana ku no lingua;

boka i di nos;

kin ku ta manda riba di nos?”

5SIÑOR fala: “N na lanta gosi,

pabia frakusSai 3.7-8 na kalkadu, koitadis na jimi.

N na da elis ki suguransa ke dija.”

6Palabras di SIÑORKap 19.8; 2 Sam 22.31; Dit 30.5 i puru,

suma prata ku rifinadu na furnu di lama,

i purifikadu seti bias.

7SIÑOR, bu na guardanu,

bu na libranu de jinti pa sempri.

8Jinti mau ta yanda ku orgulyu pa tudu ladu;

kusas mau ta dadu balur na metadi di jinti.