2 Koríntius 11 - Portuguese Creole Bible, Guinea-Bissau

Apostolus finjidu

1N misti pa bo ten pasensa ku mi, nin ku N sedu un bokaduKap 11.16; 5.13 tulu. Bo ten pasensa un bokadu.

2N ten siumiGal 4.17-18 di bos suma Deus ten propi, pabia N purpara bos pa pursenta bos suma virẑen puruSir 21.13; Apok 19.7-9 pa un maridu son, ki Kristu.

3N ten medu pa ka bo pensamentu dana, pa bo bandona ki amor puru ku bo ten pa Kristu, suma ku serpentiKum 3.4; Jon 8.44; 1 Tim 4.1; Eb 13.9; 2 Ped 3.17; Jud 4 ku si astusia ngana Eva,

4pabia si algin bin, i konta bos aserka di utru JesusGal 1.7-8 fora di kil ku no konta aserka del, o si bo risibi utru spiritu fora di kil ku bo risibi ja, o utru Bon Noba ku ka juntu ku kil ku bo seta ja, bo ta ngulil ku kontentamentu!

5N oja kuma ki bo garandi apostolus e ka mas mi na nada.

6Nin ku N ka sedu garandi papiadur, ma N tenEf 3.4 kuñisimentu. No proba es klaru pa bos manga di bias, na tudu manera.

7Nta es i seduba ña kulpa suma ku N ka kobra bosKap 12.13-14; At 18.3; 20.33-35; 1 Kor 9.12 pa konta Bon Noba di Deus, ma N baŝa ña kabesa pa N pudi lantanda bos?

8Na bardadi, oca ku N na tarbaja na bo metadi, i utru igreẑas ku pagan. I suma N na roba elis pa juda bos! Oca ku N staba la, si N ka tene, N ka ta pidiAt 20.33 ningin pa judan.

9Ermons ku bin di MasedoniaFil 4.10,14-18 e judan na ña falta. Na tudu N libra di sedu pisadu pa bos; N na kontinuaKap 12.14 libra inda.

10Es i sertu, suma ku bardadi di Kristu sta na mi, N na kontinua njata1 Kor 9.15 ne puntu pa tudu ladu di Akaia. Ningin ka ta tujin.

11Nta N fala asin pabia N ka misti bos? Deus sibi kuma N mistiKap 7.3 bos.

12N na kontinua fasi kil ku N na fasi, pa taja kamiñu di kilis ku na buska manera di njata, pa fala kuma se tarbaju i suma di nos.

13Ki koldadi jinti i apostolus finjidu, ku ta tarbaja kuRom 16.18 nganu; e na finji kuma e sedu apostolus di Kristu.

14I ka di dimira, pabia Satanas propi i ta finji kuma i sedu anju di lus.

15Asin tambi i ka garandi dimas si si servus na finji pa parsi servus di ben, ma se finFil 3.19 i ta sedu konformi kil ke fasi.

Sufrimentu di Paulu

16N na ripiti utru bias: Ka ningin oja kuma NKap 5.13; 1 Kor 4.10 tulu, ma si algin kuda asin, bo ta risibin mesmu ku N tulu, pa N pudi njata tambi un bokadu.

17Ne kusa di ngaba ña kabesa, N ka na papia suma ku Siñor misti, ma suma tulu.

18Suma ku manga di utru jinti na njata na se puder, ami tambi N ta njata.

19Suma abos bo jiru, bo ta nguenta tulus ku kontentamentu!

20Kualker algin ku na forsija bos, ku na kume bos, ku na pañaGal 2.4 bos, ku ta yalsa ombra riba di bos, ku na bofotia bos, bo ta nguental.

21N burguñu fala kuma no fraku dimas!

Na kil ku algin ten koraẑen di fala (N na fala suma tulu), ami tambi N ten koraẑen.

22E seduAt 22.3; Rom 11.1; Fil 3.4-5 ebreu? Ami tambi. E sedu israelita? Ami tambi. E sedu di jorson di Abraon? Ami tambi.

23E ta sirbi Kristu? N na fala suma ku N sta fora di mi, ma ami N ta sirbil mas. N mas tarbaja1 Kor 15.10 di ki elis; N sutadu mas di ki elis; N mas pudu prezu di ki elis; manga di bias N staba na pirigu di mortu.

24Sinku bias judeus dan trinta i noviLei 25.3 ŝikotiada;

25tris bias N sutaduAt 14.19; 16.22; 27.41 ku po; un bias N dadu ku pedra; N foga tris bias, N pasa un noti ku un dia na mar largu.

26Na manga di bias ku N fasi, N staba na piriguAt 9.23; 13.50; 14.5; 17.5; 19.23; 21.30; 23.12; 28.3 di riu, pirigu di bandidus, pirigu di kilis di ña rasa ku di utru rasa, pirigu na prasa, pirigu na matu, pirigu na mar, pirigu na metadi di ermons finjidu.

27N tarbaja kuKap 6.5; At 20.17-21,31; 1 Kor 4.11 fadiga, manga di bias sin durmi, ku fomi, ku sedi. N junjuŋa manga di bias; N sufri friu ku falta di ropa.

28Fora de kusas ku N pasa na kurpu, kudadi di tudu igreẑas i na pesa riba di mi kada dia.

29Kin ku1 Kor 9.22 fraksi ku ami tambi N ka sinti fraku? Si algin pudu pa i kai, ña korson tambi ta kinti.

30Si i pirsis njata, N ta njata na kusas ku mostra ñaKap 12.5,9-10 frakesa.

31Deus, Pape di no Siñor Jesus, ku ta ngabaduRom 9.1,5 pa sempri, i sibi kuma N ka na konta mintida.

32Ocan na Damasku, kil ku na gubernaba bas di rei Aretas i puiba guardas na portonAt 9.24-25 di prasa pa prindin.

33Ma N riantadu na janela di mura dentru di balai; asin N kapli di si mon.