1Filisteus bin geria kontra Israel; israelitas kuri se dianti; manga delis kai mortu na montañas di Jilboa.
2Filisteus pega tras di Saul ku si fijus, e mata Jonatas, Abinadab ku Malkisua, fijus di Saul.
3Gera bin bida forti kontra Saul; e yangasal ku fleŝas, e molostal risu.
4Saul rabida i fala rapas ku ta lebal si tajadera: “Toma bu spada, bu matan, pa ka e jintius bin fasi trosa di mi.” Ma si rapas ka seta, pabia i tenba medu garandi. Saul toma si spada propi, i kai riba del.
5Oca ku rapas di tajadera oja kuma Saul muri, el tambi i toma si spada, i kai riba del, i muri.
6Asin ku Saul muri, ku si tris fiju; si renansa kaba.
7Oca ku israelitas ku moraba na kobon oja kuma se tropas kuri, Saul ku si tris fiju muri, elis tambi e lanta, e fika se prasas, e kuri. Filisteus bin mora la.
8Sol mansi; filisteus sai pa bai tira kusas na kurpus di tropas ku muri, e bai oja kurpu di Saul ku si tris fiju kaidu na montaña di Jilboa.
9E dispil, e toma si kabesa, ku si material di gera, e manda na mon di jinti pa e leba noba pa tudu tera di filisteus, pa e konta pobu ku se idulus.
10E pui material di gera di Saul na baloba di se deus, e pindra si kabesa na baloba di se deus ku comadu Dagon.
11Oca ku jinti di Jabes-Jilead1 Sam 11.1-11 obi tudu ku filisteus fasi ku Saul,
12tudu se omis forti e bai toma kurpus di Saul ku si fijus, e tisi elis pa Jabes, e ntera se os la bas di un karvaju, e junjuŋa seti dia.
13Asin Saul muri pabia i ka seduba fiel pa SIÑOR; i kebra lei1 Sam 13.13; 28.7 di SIÑOR, i ka guarda si palabra. I bai buska konsiju na mon di minjer ku ta papia ku spiritus di jinti ku muri,
14i ka bai obi konsiju na boka di SIÑOR. Asin SIÑOR matal, i pasanta renu pa Davi, fiju di Jesé.
Who We AreWhat We EelieveWhat We Do
2025 by iamachristian.org,Inc All rights reserved.
