1Dipus di un anu, na tempu ku reis kustuma2 Sam 11.1 ta bai gera, Joab sai ku tropas, i dana tera di amonitas; i bai pa Rabá,Lei 3.11 i tajal. Ma Davi fika na Jerusalen. Joab ataka Rabá, i danal.
2Davi tira koroa na kabesa di rei; ki koroa di uru, ku pesaba serka di trinta i kuatru kilu, i teneba pedras di balur nel. I pudu riba di kabesa di Davi, ku toma manga di kusa di ki prasa, i leba elis.
3I leba tambi jinti ku staba la, i pui elis tarbaja ku seras, ku mancadus ku pikaretasSai 1.14; Jos 9.23; 1 Re 9.21 di feru. Asin ki fasi ku tudu prasas di amonitas. Dipus Davi ku tudu tropas e riba pa Jerusalen.
Geras kontra filisteus(2 Sam 21.15-22)4Mas tardi, gera bin lanta kontra filisteus na Jezer. Na ki tempu Sibekai di Usa i mata Sipai, di jorson di jiganti. Filisteus bin baŝa kabesa.
5I torna ten mas gera kontra filisteus. El-Anan, fiju di Jair, i mata Lami, ermon di ki jiteu1 Sam 17.4 Golias, ku po di si kañaku seduba suma ransi di fisial.
6I fasidu mas utru gera na Gat, nunde ki tenba un omi kumpridu dimas ku teneba vinti i kuatru dedu, seis na kada mon ku seis na kada pe. El tambi i seduba di jorson di jiganti.
7I fika i na koba Israel, i na disafia elis, ma Jonatas, fiju di Simeia, ermon di Davi, i matal.
8Ki omis ku Davi ku si omis mata e padidu na jorson di jigantis di Gat.
Who We AreWhat We EelieveWhat We Do
2025 by iamachristian.org,Inc All rights reserved.
