1 Samuel 30 - Portuguese Creole Bible, Guinea-Bissau

Amalekitas ataka Ziklag

1Na terseru dia Davi ku si omis ciga na Ziklag.Kap 27.6,8 Amalekitas yentraba ja na sul, e ataka Ziklag, e pui fugu la.

2Minjeris ku staba la, e leba elis katibu, ma e ka mata ningin, nin mininu nin garandi; e leba elis son, e bai se kamiñu.

3Oca Davi ku si omis ciga, e oja prasa kemadu ku fugu; se minjeris ku se fijus macu ku femia lebadu katibu.

4Davi ku omis ku staba ku el e yalsa fála, e cora, tok e ka tenba mas forsa di cora.

5Tambi ki dus minjer di Davi lebadu, ku sedu Ainoan di Jizreel ku Abigail, viuva di Nabal, di Karmelu.

6Davi foronta dimas, pabia jinti na papia di dalSai 17.4 ku pedras, manera ku elis tudu e fika ku kasabi di se fijus macu ku femia; ma Davi oja forsaEb 13.6 na SIÑOR si Deus.

Davi serka amalekitas, i liberta katibus

7Davi fala ki saserdotiKap 22.19-20 Abiatar, fiju di Aimelek: “Di fabur, tisin efodi pa li.” Abiatar lebal efodi.

8Davi konsulta SIÑOR, i puntal: “N na serka ki tropas? N na paña elis?” SIÑOR falal: “Serka elis pabia bu na paña elis, bu na liberta tudu ki katibus.”

9Davi ku ki seizentus omi ku staba ku el e bai tok e ciga na riu di Besor, nunde ku utrus fika,

10pabia duzentus omi kansa dimas pa kamba riu; asin e fika la. Davi ku kuatrusentus omi e kontinua tras di amalekitas.

11La na matu e oja un omi di Ejitu, e lebal pa Davi. E dal kumida, tudu ku yagu di bibi.

12E dal tambi un padas di mundu di figu seku, ku dus kacu di uva seku. I kume; si forsaKap 14.27 riba nel, pabia i tenba tris dia ku tris noti ki ka kume nada, nin i ka bibi yagu.

13Davi puntal: “Abo i katibu di kin? Nunde ku bu sai?”

Omi falal: “Ami i ejipsiu, katibu di un omi amalekita. Ña mestre bandonan ja tris dia, pabia N duensi.

14No ataka na ladu di sul di kereteus,2 Sam 8.18; 1 Re 1.38,44 ku na ladu di Judá, ku ladu di sul di Kaleb, no pui fugu na Ziklag.”

15Davi puntal: “Bu pudi lebanu pa ki tropas?” I falal: “Si bu jurmentan dianti di Deus kuma bu ka na matan, nin bu ka na ntregan na mon di ña mestre, N ta lebau pa ki tropas.”

16Asin i lebaŜef 1.24-25 Davi, tok e oja ki tropas; e staba la pajigadu na tudu ki matu, e na kume, e na bibi, e na baja, pabia di ki manga di kusas ke toma na tera di filisteus ku tera di Judá.

17Davi ataka elis, disna di fuska-fuska te di tardi di utru dia. Nin un son delis ka kapli, si i ka kuatrusentus rapas ku monta riba di kamelus, e kuri.

18Asin Davi libra tudu jinti ku amalekitas lebaba, tudu ku si dus minjer;

19ningin ka falta, nin mininu nin garandi, nin rapas nin bajuda. Tambi Davi torna toma tudu ki kusas ku lebaduba, i riba ku elis tudu.

20I toma tambi tudu karnel ku baka; e pui tudu limarias dianti, e fala: “Es i kil ku Davi toma na gera.”

21Oca Davi ciga nunde ki duzentus omi ku fikaba na riu di Besor, manera ke kansaba dimas pa bai mas dianti, e sai pa bin kontra ku Davi ku jinti ku na binba ku el. Davi ciga i fala elis manteña.

22Ma tudu malandrus ku malvadus na metadi di kilis ku baiba ku Davi e fala: “Suma ke ka bai ku nos, no ka na da elis nada di kusas ku no toma, ma kada kin na toma si minjer ku si fijus, i bai.”

23Davi fala: “Ña ermons, bo ka pudi fasi asin ku kil ku SIÑOR danu. I guardanu, i ntrega ki tropas ku bin kontra nos na no mon.

24Kin ku na seta e palabra ku bo fala? Parti di kilis ku bai gera i na sedu suma di kilis ku fikaNum 31.27; Jos 22.8 ku kargu; kusas na rapatidu na mesmu pa kada kin.”

25Asin Davi pui ki lei na Israel ku ta sigidu disna di ki tempu te aos.

26Oca Davi ciga na Ziklag, i manda utru kusas ki toma na gera pa garandis di Judá, si amigus, i fala: “Ali un pursenti pa bos di kusas ku no toma na mon di inimigus di SIÑOR.”

27I manda pa kilis di Betel, Ramot di sul, Jatir,

28Aroer, Sifmot, Estemoa,

29Rakal, ku kilis ku staba na prasas di jerameelitasKap 27.10 ku di keneus,

30ku kilis di Orma, Korasan, Atak

31ku Ebron, ku tudu kaus ku Davi yandaba ku si omis.