Jeremias 29 - Portuguese Creole Bible, Guinea-Bissau

Jeremias skirbi katibus di Babilonia

1Anunsiadur Jeremias skirbi karta, i mandal di Jerusalen pa restu di garandis ku staba na katiberasku, pa saserdotis ku anunsiaduris, ku tudu pobu ku Nabukodonosor lebaba di Jerusalen pa Babilonia.

2I skirbil dipus ku JekoniasKap 22.24; 2 Re 24.8-16 ku si mame, ku funsionarius ku ŝefis di Judá ku Jerusalen, ku karpinterus ku fererus, sai na Jerusalen.

3I manda karta na mon di Elasa, fiju di Safan, ku di Jemarias, fiju di Ilkias, ku rei Zedekias di Judá mandaba pa Nabukodonosor, rei di Babilonia. Karta fala asin:

4“SIÑOR ku ten tudu puder, Deus di Israel, i fala tudu katibus ki manda di Jerusalen pa Babilonia:

5‘Bo kumpuKap 29.28 kasas, bo mora nelis; bo sumia ortas, bo kume di se frutu.

6Bo kasa, bo padi fijus macu ku femia, bo buska minjeris pa bo fijus, bo da bo fijus femia pa kasamenti, pa e pudi padi fijus macu ku femia, pa bo buri la, pa bo ka menusa.

7Bo buska pas pa prasa nunde ku N manda bos; bo ora SIÑOREsd 6.10; 1 Tim 2.1-2 pa el pabia, si kusas kuri ben ku ki prasa, abos tambi bo na sta diritu.

8Ami, SIÑOR ku ten tudu puder, Deus di Israel, N fala: Ka bo disa ki anunsiadurisKap 14.14; Mat 24.4; Ef 5.6 na bo metadi pa e ngana bos, nin bo diviñaduris; ka bo para sintidu na suñus ku bo ta suña.

9Elis e ta anunsia mintidas pa bos na ña nomi. Ami, SIÑOR, N ka manda elis.

10“‘Asin ku ami, SIÑOR, N fala: Ora ku setenta anu pasaKap 25.11; 27.22 na Babilonia, N na bai pa bos, N na kumpri ña bon purmesa pa bos, N na torna tisi bos pa e lugar.

11N sibi planus ku ami, SIÑOR, N tene pa bos, planus ku na juda bos, i ka pa fasi bos mal, pa da bos futuru ku bo na pera.

12Dipus bo naDan 9.3 coman, bo na ba ta papia ku mi; N ta obi bos.

13Bo na buskan, bo na ojan, ora ku bo buskan ku tudu boKap 24.7 korson.

14Ami, SIÑOR, N fala kuma bo na ojan; N na tisi bos di katiberasku, N na juntaIs 43.5 bos di tudu nasons ku lugaris nunde ku N manda bos, N na ribanta bos pa e kau ku N tiraba bos nel, N manda pa katiberasku. Asin ku ami, SIÑOR, N fala.’

15“Bo fala kuma SIÑOR lantanda bos anunsiaduris na Babilonia,

16ma SIÑOR papia aserka di rei ku sinta na tronu di Davi, ku tudu pobu ku mora ne prasa, ku sedu bo ermons ku ka bai ku bos pa katiberasku.

17Asin ku SIÑOR ku ten tudu puder fala: ‘N na manda spada, fomi ku duensa kontra elis. N na fasi elisKap 24.8,10 suma figus ku ka bali, ku ka pudi kumedu.

18N na serka elis ku spada, fomiKap 14.12; 15.2; 24.9; 32.24; 34.17; 2 Kron 29.8 ku duensa. Tudu renus di mundu na fika spantadu. Na kualker kau nunde ku N pajiga elis, jinti na oja elis ku spantu; e na fasi elis trosa, e na njuti elis, e na maldisua elis.

19N na fasi asin pabia e ka para sintidu na ña palabra ku N manda ña servus anunsiaduris ku el kadaKap 7.25 parmaña. Abos tambi bo ka sukutal.’ Asin ku SIÑOR fala.

20“Bo obi palabra di SIÑOR, abos tudu katibus ki manda di Jerusalen pa Babilonia.

21Asin ku SIÑOR ku ten tudu puder, Deus di Israel, fala aserka di Akab, fiju di Kolaias, ku Zedekias, fiju di Maaseias, ku na anunsia mintida pa bos na si nomi: ‘N na ntrega elis na mon di Nabukodonosor, rei di Babilonia; i na mata elis bo dianti.

22Pabia delis, tudu katibus di Judá ku sta na Babilonia na ba ta usaIs 65.15 e maldison: “SIÑOR ta fasiu suma Zedekias ku Akab, ku rei di Babilonia yasa na fugu.”

23Es i pabia e fasi kusa fiu na Israel; e dita ku minjerisMal 3.5 di se kumpañeris, e konta mintida na ña nomi, palabras ku N ka manda elis pa e fala. N sibil, N sedu tustumuña.’ Asin ku SIÑOR fala.”

Rekadu pa Semaias

24-25SIÑOR ku ten tudu puder, Deus di Israel, i fala Jeremias pa i papia ku Semaias di Neelan, ku mandaba kartas na si propi nomi pa tudu pobu ku sta na Jerusalen, tambi pa saserdotiKap 21.1; 2 Re 25.18 Sofonias, fiju di Maaseias, ku tudu saserdotis. Karta fala Sofonias asin:

26“SIÑOR pou suma saserdoti na lugar di saserdoti Jeoiada, pa bu toma konta di kasa di SIÑOR. Si i ten kualker omi duduKap 20.1-2; 2 Re 9.11; At 26.24 ku finji sedu anunsiadur, bu ta fical na kalabus, ku pe na tronku.

27Nta ke ku manda bu ka raprindi Jeremias di Anatot ku ta anunsia pa bos?

28I mandanu karta pa Babilonia pa falanu: ‘Katiberasku i na tarda. Bo kumpuKap 29.5 kasas, bo mora nelis; bo labra ortas, bo kume di se frutu.’ ”

29Saserdoti Sofonias lei ki karta pa anunsiadur Jeremias.

30SIÑOR ku ten tudu puder fala Jeremias

31pa i manda fala tudu katibus kuma SIÑOR fala aserka di Semaias di Neelan: “Suma ku Semaias anunsia pa bos sin N ka mandal, i pui bos fiaKap 28.15 na mintida,

32asin ku ami, SIÑOR, N fala: N na kastiga Semaias di Neelan ku si jorson; i ka na tene ningin na si jorson ku na sinta na metadi de pobu. I ka na oja kusas bon ku N na fasi pa ña pobu, pabia si palabra pui elisKap 28.16 disobdisin.” Asin ku SIÑOR fala.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help