Ezekiel 33 - Portuguese Creole Bible, Guinea-Bissau

Sintinela di Israel(Ez 3.16-21)

1SIÑOR bin papia ku mi, i falan:

2“Fiju di omi, papia ku fijus di bu pobu, bu fala elis: ‘Ora ku N pui spada pa i bin kontra un tera, si jinti di ki tera kuji un di se omis e pul suma2 Sam 18.24; 2 Re 9.17; Is 21.8; Ab 2.1 sintinela,

3si kila oja kuma inimigu na bin pa ki tera, i ta toka korneta pa avisa jinti.

4Si algin obi toku di korneta, i ka da atenson, si inimigu bin matal, kulpaKap 18.13 na sedu di sil.

5I obi toku di korneta ma i ka para sintidu; asin, kulpa ta sedu di sil. Si i paraba sintidu, i na salbaba si vida.

6Ma si sintinela oja inimigu na bin, i ka toka kornetaIs 56.10 pa avisa jinti, si inimigu bin i mata un delis, ki algin na muri na si pekadu, ma N na pidi sintinela konta di si mortu.’

7“Abo, fiju di omi, N pou suma sintinela pa pobu di Israel. Bu na obi palabra di ña boka, bu na konta elis ke ku N fala.

8Si N fala un omi mau kuma i na muri, abo bu ka avisal pa i muda di si mau kamiñu, ki omi mau na muri na si pekadu, ma N na pidiu konta di si mortu.

9Si bu papia ku ki omi mau, bu avisal pa i konverti, i disa si mau kamiñu, si i kaLuk 12.47 konverti, i na muri na si pekadu, ma abo, bu libra bu kabesa.

10“Fiju di omi, papia ku pobu di Israel, bu lembranta elis de kusa ke ta fala: ‘No maldadis ku no pekadus na pasa riba di nos tok noKap 24.23 magru. Kuma ku no na tene vida?’

11Fala elis kuma SIÑOR Deus jurmenta pa si vida, i fala: ‘N ka ta kontentiKap 18.5-32; 2 Ped 3.9 ku mortu di omi mau, ma N ta misti pa ki algin konverti di si kamiñu pa i bibu. Bo konverti! Bo konverti di bo mau kamiñus! Pobu di Israel, ke ku manda bo misti muri?’

12“Abo, fiju di omi, konta fijus di bu pobu: ‘Bondadi di un omi bon i ka na libral si i bin peka. Tambi maldadi di un omi mau ka na kai riba del si i konverti di si maldadi. Si un omi bon kumsa na peka, i ka pudi disadu bibu son pabia i seduba bon.’

13Si N fala un omi bon kuma i na tene vida, ma el i fiansa na si bondadi, i bai fasi pekadu, tudu ki kusas bon ki fasi ka na lembradu, ma i na muri na ki pekadu ki na fasi.

14Si N fala un omi mau kuma, i ten ku muri, i ten na maina, si i bin konverti di si pekadu, i fasi kusas bon i justu,

15i torna kusa di mpiñu ki tomaba, i paga kilSai 22.1-4; Num 5.6-7 ki furta, i yanda na leisKap 20.11,13,21 ku ta da vida, i ka fasi pekadu, sin duvida i na tene vida, i ka na muri.

16Nin un di si pekadus ki fasi ka na lembradu mas kontra el. Suma ki fasi kusas justu i bon, i na tene vida.

17“Fijus di bu pobu na fala kuma kamiñu di SIÑOR i ka bon, ma i se propi kamiñu ki ka bon.

18Si un omi bon disvia di si bondadi, i fasi mal, i na muri nel,

19ma si un omi mau konvertiJer 18.8 di si maldadi, i fasi kusas bon i justu, i na bibu pabia di kila.

20Abos, pobu di Israel, bo ta fala kuma kamiñu di SIÑOR i ka bon, ma N na julga bos, kada un konformi si kamiñus.”

Noba di kaida di Jerusalen

21Na dia 5 di desimu mis di anu 12 di no katiberasku, un omi ku kapliKap 24.26 di Jerusalen i bin pa mi, i falan: “Prasa2 Re 25.4 kai.”

22Di tardi, antis di ki omi bin pa mi, mon di SIÑOR bin ribaKap 1.3; 3.26-27 di mi, i yabrin boka. Ki algin bin pa mi parmaña, kontra N pudiba ja papia; N ka muduba.

23SIÑOR bin papia ku mi, i falan:

24“Fiju di omi, jinti ku mora na ki kaus ku danadu na tera di Israel e na fala: ‘Abraon i unIs 51.2 son, i dadubaKum 13.15; Mat 3.9; Jon 8.33 e tera. Anos gora no ciu; asin no dadu e tera pa yarda.’

25Pabia di kila, bu ta fala elis kuma asin ku SIÑOR Deus fala: ‘Bo ta kume karni kuKum 9.4 sangi, bo ta pui sintidu na bo idulus,Kap 18.6 bo ta darma sangi. Nta i abos ku tene e tera?

26Bo ta fiansa na bo spada, bo ta fasi kusas nujenti, kada un ta kontamina minjerKap 22.11 di si kumpañer. Bo na pensa inda kuma bo tene e tera?’

27“Fala elis kuma SIÑOR Deus jurmenta pa si vida, i fala kuma, kilis ku sta na prasas danadu e na matadu ku spada. Kilis ku sta na matu, N na ntrega elis pa limarias brabu pa e kume; kilis ku sta na kaus forti ku abrigus, e na muri di duensa.

28N na torna tera suma lalaJer 9.11 meduñu, orgulyu di se forsa na kabadu ku el; montis di Israel na bida lala tok ningin ka pudi pasa la.

29E na sibi kuma N sedu SIÑOR ora ku N torna tera suma lala meduñu, pabia di tudu kusas nujenti ke fasi.

Rusultadus di palabra di anunsiadur

30“Abo, fiju di omi, fijus di bu pobu na papia di bo, lungu di paredis ku portas di kasa; e na fala ŋutru, kada kin ku si ermon: ‘Bo bin no bai obi kal palabra ku bin di SIÑOR.’

31Elis e ta bin pa bo suma ku jinti ta kustuma bin, e sinta bu dianti suma ña pobu; e ta obi buKap 8.1; Is 29.13 palabra, ma e ka ta pul na pratika. E ta papia kusas sabi, ma se korson na buska son lukru.

32Bu sedu pa elis suma algin ku ta kanta kantiga di amor, ku vos bonitu, ku ta toka arpa ben. E ta obi bu palabra, ma e ka ta pulTia 1.22 na pratika.

33Ora ku e kusas bin sedu (suma ki ten ku bin sedu), e na sibi kuma i tenba un anunsiadurKap 2.5; 1 Sam 3.20 na se metadi.”