Isaias 53 - Portuguese Creole Bible, Guinea-Bissau

1Kin ku fiaJon 12.38; Rom 10.16 na no rekadu?

O kin ku SIÑOR mostra forsa di si mon?

2Servu di SIÑOR na kirsi si dianti

suma planta ku kumsa na nasi,

ku tene raisKap 11.1 na con seku.

I ka teneba bonitasku nin parsensa di rei.

Oca ku no jubil, no ka oja nada bonitu

ku pudi punu pa no mistil.

3ISal 22.6; Mar 9.12; Jon 1.10-11 disprezaduba; omis negal.

Tambi i omi di dur ku ta sufriba ciu.

Jinti ka ta dalba rostu, e disprezal.

Anos no ka ta mportaba ku el.

4Na bardadi, i toma no duensasMat 8.17 na si kurpu,

i karga no duris.

Anos no pensaba kuma i Deus ku kastigal,

i pul na ki sufrimentu ku foronta.

5Ma i fura-furadu pabia di noRom 4.25; 1 Kor 15.3; 2 Kor 5.21; Eb 9.28; 1 Ped 2.24; 3.18 kulpas,

i molostadu pabia di no pekadus.

Kastigu ku tisinu pas staba riba del;

no tene saudi pabia di si pustema.

6Anos tudu no yandaba saklatadu suma1 Ped 2.25 karnel;

kada kin ta disviaba pa si ladu,

ma SIÑOR pui pa pekadu di nos tudu kai riba del.

7I maltratadu,

ma i ka yabriMar 14.61; 15.5; Luk 23.9; Jon 19.9; 1 Ped 2.23 si boka.

I lebadu suma karnelsiñu pa matadur.

Manera ku karnelJer 11.19; At 8.32-33 ta mudu dianti di kil ku na tiskial,

asin ki fika kaladu.

8I prindidu, i julgadu; dipus i lebadu.

Kin ku mporta ku si vida?

Si vida kortaduDan 9.26 na tera;

i golpiadu pabia di mal ku ña pobu fasi.

9I dadu koba di nteru ku jinti malvadu;

un algin rikuMat 27.57-60 mati si mortu.

Nunka i ka fasi kabalindadi,

nin nganu1 Ped 2.22; 1 Jon 3.5 ka obidu na si boka.

10I SIÑOR ku mistiba molostal,

pa fasil pa i sufri;

si vida dadu pa purdon di pekadu,

ma si vida na kumpridu,

i na oja si jorson.

Pabia di si tarbaju, planu di SIÑOR

na fasidu diritu.

11Dipus di sufrimentu ki pasa na si vida,

i na oja lus, i na fika kontenti.

Ña servu justu na justifika manga di jinti ku kunsil,

pabia i na leba se pekadu riba del.

12E ku manda N na dal kiñon

na metadi di garandis;

i na rapati ku jinti di forsa

kusas ku tomadu na mon di inimigu,

pabia i darma si vida na mortu,

i kontadu na grupu di jinti ku kebra lei.

I karga pekadu di manga di jinti,

i ora pa kilis ku kebra lei.