1SIÑOR bin papia ku mi, i falan:
2“Fiju di omi, bu mora na metadi di un pobu disobdienti, ku tene ujuKap 2.3-8; Is 6.9; 42.20; Jer 5.21 pa jubi, ma e ka ta oja, e tene oreja pa obi, ma e ka ta obi, pabia e sedu un pobu disobdienti.
3“Abo, fiju di omi, ruma bu kusas suma bu na lebadu pa utru tera. Fasil di dia, nkuantu e na jubiu. Pega kamiñu di kau ku bu sta nel, bu munda pa utru ladu. I pudi sedu ke na ntindi, mesmu ke sedu pobu disobdienti.
4Di dia wan, bu na tira bu kusas fora, na se uju, suma kin ku na munda. Di tardi bu na sai, na se uju, suma kin ku na bai pa utru lugar.
5Nkuantu e na jubiu, koba paredi, bu tira bu kusas la.
6Bu na lambu bu kusas se dianti, bu pui na ombra, na fuska-fuska; bu kubri rostu pa ka oja kau ku bu na bai. N na fasiu pa bu sedu sinalKap 4.3 pa pobu di Israel.”
7Suma ki dan ordi pa N fasi, asin ku N fasi. Di dia N tira ña kusas fora suma kin ku na munda. Di tardi N yabri buraku na paredi ku ña mon. Na fuska-fuska N tira elis pa fora, N pui na ombra se dianti, N bai.
8Sol mansi, SIÑOR bin papia ku mi, i puntan:
9“Fiju di omi, ki pobu disobdienti di Israel e ka puntauKap 24.19 ke ku bu na fasi?
10Fala elis kuma SIÑOR Deus fala: ‘Es anunsiu i aserka di fiju di rei na Jerusalen ku tudu pobu di Israel ku sta la.’
11Fala elis kuma bu sedu un sinal pa elis. Suma ku bu fasi, asin ku e na bin fasidu. E na lebadu katibu na utru tera.
12“Fiju di rei ku sta na se metadi i na leba si kusas na ombra; i na bin sai na fuska-fuska. E na yabri un buraku2 Re 25.4-7 na paredi pa tira si kusas. I na kubri rostu pa ka si uju oja kau ki na bai.
13N na distindi ña ridiaKap 17.20 riba del pa i pañadu nel; N na lebal pa Babilonia, tera di kaldeus, ma i ka na ojal; i na bin muri la.
14Tudu si guarda-kostas ku si tropas, N na pajiga elis pa tudu ladu di bentu; N na tira ña spada na baiña se tras.
15“Asin ke na sibi kumaKap 6.7,14; 11.10 ami i SIÑOR, ora ku N pajiga elis na metadi di nasons na manga di tera.
16N na disa un bokadiñu delis pa e kapliKap 6.8-10; 14.22 di spada, fomi ku duensa. Asin, la na metadi di nasons ke na bai, e pudi rapara kuma ki kustumus ke ta fasi i nujenti; e ta sibi kuma ami N sedu SIÑOR.”
17SIÑOR bin papia ku mi, i falan:
18“Fiju di omi, tirmi ora ku bu na kume; pui bu jujus maja ŋutru ku medu ora ku bu na bibi yagu.
19Konta pobu di tera: ‘Asin ku SIÑOR Deus fala aserka di kilis ku mora na Jerusalen na tera di Israel: E na kume se kumida ku medu, e na bibi se yagu ku spantu, pabia tudu rikesas di se tera na robadu, pabia di violensia di tudu jinti ku mora la.
20Prasas nunde ku manga di jinti mora e na fikadu sin ningin; tera na bida sumaSal 107.34; Zak 7.14 lala. E na sibi kuma ami N sedu SIÑOR.’ ”
21SIÑOR bin papia ku mi, i puntan:
22“Fiju di omi, es i kal ditu ku bo tene na tera di Israel ku fala: ‘Dias na pasa; visons na pirdi’?
23Konta elis kuma SIÑOR Deus fala: ‘N na para e ditu; i ka na torna ripitidu na Israel.’ Fala elis: ‘Tempu ciga pa tudu vison kumpridu.
24I ka na ten mas vison falsuKap 13.23 na metadi di pobu di Israel, nin adiviña ku ka sedu bardadi.
25Ami, SIÑOR, N na papia; ki palabraIs 55.11; Dan 9.12; Mat 24.35 ku N fala i na sedu, i ka na tarda. Na bo tempu, abos pobu disobdienti, N na papia un palabra, N na kumpril. Asin ku SIÑOR Deus fala.’ ”
26SIÑOR bin papia mas ku mi, i falan:
27“Fiju di omi, pobu di Israel na fala: ‘Vison ku e omi oja i naIs 5.19 tarda; i ta anunsia aserka di tempus ku sta lunju inda.’
28“Asin bu ta konta elis kuma SIÑOR Deus fala: ‘Nin un di ña palabras ka na tarda mas. Palabra ku N fala i na bin sedu. Asin ku SIÑOR Deus fala.’ ”
Who We AreWhat We EelieveWhat We Do
2025 by iamachristian.org,Inc All rights reserved.
