1Un dia Noemi fala Ruti: “Ña fiju, i ña dever pa N ranjau kasamenti, pa bu pudi sta diritu na bu kau.
2Ki omi Boaz, ku bu staba juntu ku si bajudas, i no parenti tokadu. E di noti i na masa sevada na kau di masa.
3Lanta, bu laba kurpu, bu pui purfumu, bu bisti bu minjor ropa, bu bai pa kau di masa. Ma ka bu disal pa i sibi kuma bu sta la tok i kaba kume i bibi.
4Ora ki dita, bu na nota kau ki dita nel; bu na yentra, bu bai diskubri si pe, bu dita la. I na kontau ke ku bu dibi di fasi.”
5Ruti falal: “N na fasi tudu ku bu falan.”
6Asin i bai pa kau di masa, i fasi tudu konformi ordi ku si sogra dalba.
7Boaz kume i bibi, i fika kontenti, i bai dita pertu di un monti di sevada. Ruti bai ketu, i diskubri si pe, i dita.
8Pertu di me-noti Boaz panta na sonu, i rabida, i oja un minjer dita na si pe.
9I puntal: “Abo i kin?” I ruspundil: “Ami i Ruti, bu kriadu. Distindi ponta di bu mantaEz 16.8 riba di bu kriadu, pabia i abo ku sedu ki algin ku dibi di toma konta di mi.”
10Boaz falal: “SIÑOR ta bensuau, ña fiju. E bon kusa ku bu na fasi gosi i minjor di ki kil ku bu fasi purmeru, pabia bu ka pega tras di nin un de rapasis nobu, nin riku nin koitadi.
11Ka bu ten medu, ña fiju. N na fasi tudu ku bu fala, pabia tudu jinti di ña prasa sibi kuma abo i bon minjer.
12Na bardadi ami N sedu bu parenti tokadu, ma i ten utru ku sedu bu parenti tokadu mas di ki mi.
13Fika li e di noti. Parmaña, si el i sta pruntu pa toma konta di bo, i sta bon, ma si i ka misti, N jurmenta, na nomi di SIÑOR ku sta bibu, kuma N na toma konta di bo. Dita li te parmaña.”
14Asin i dita na si pe te parmaña, i lanta antis di jinti pudi rapara ŋutru, pabia Boaz ka misti pa algin sibi2 Kor 8.21; 1 Tes 5.22 kuma minjer baiba pa kau di masa.
15I fala Ruti: “Tisi ki panu ku bu mara, bu distindil.” I distindil; i midi seis midida di sevada, i kargantal el. Ruti bai pa prasa.
16Oca ki ciga nunde si sogra, kila puntal: “Ña fiju, kuma ku bu pasa?” I kontal tudu kusa ku Boaz fasil.
17I falal: “I dan e seis midida di sevada, pabia i fala kuma N ka pudi riba pa ña sogra mon limpu.”
18Noemi falal: “Ña fiju, pera tok bu sibi kuma ku e kusa na bai, pabia ki omi ka na diskansa tok i ruma e asuntu aos.”
Who We AreWhat We EelieveWhat We Do
2025 by iamachristian.org,Inc All rights reserved.
