Saida 39 - Portuguese Creole Bible, Guinea-Bissau

Ropa di saserdotis(Sai 28.1-14)

1Ku lan azul, purpura ku burmejuKap 25.4; 26.1; 35.23 e kumpu ropaKap 31.10; 35.19 bonitu pa tarbaju di kau sagradu. E kumpu tambi ropa sagradu pa Aron, konformi ordi ku SIÑOR da Moisés.

2E kumpu efodi di uru, di lan azul, purpura ku burmeju, ku liñu finu tursidu.

3E bati uru pa i sedu lamina finu, e kortal na fius pa fial na metadi di lan azul, purpura ku burmeju, ku liñu finu. Es i sedu tarbaju di algin ku sibi fasil.

4E kumpu ombreras pa efodi, e junta elis ku si dus ponta pa i pudi maradu.

5Sintu ku tisidu bonitu i kumpudu di mesmu material, ku sedu lan azul, purpura ku burmeju, ku liñu finu tursidu, i fiksadu riba di efodi pa forma un pesa son, konformi ordi ku SIÑOR da Moisés.

6E purpara ki pedras sardonika mitidu na uru, e grava nomis di fijus di Jakó nelis, suma ku algin ta grava karimbu,

7e fiksa elis na ombreras di efodi suma pedras di lembransa di fijus di Israel, konformi ordi ku SIÑOR da Moisés.

Pitural(Sai 28.15-30)

8Un artista kumpu pitural ku material suma di efodi, ku sedu uru, lan azul, purpura ku burmeju, ku liñu finu tursidu.

9I seduba kuadradu, dobradu, di un palmu di kumprimentu ku un palmu di largura.

10E miti kuatru fila di pedras di balur nel. Purmeru fila teneba sardia, topaziu ku karbunkulu.

11Sugundu teneba esmeralda, safira ku diamanti.

12Terseru teneba jasintu, ágata ku ametista.

13Kuartu fila teneba turkesa, sardonika ku jaspi. Elis tudu e mitidu na uru.

14Asin i tenba dozi pedra, un pa kada nomi di fijus di Jakó, kada un gravadu, suma ku karimbu ta gravadu, ku nomi di un di doziApok 21.12 jorson.

15E kumpu pa pitural fius pikininu di uru puru, tursidu suma korda.

16E kumpu dus ornamentu di uru ku dus anilia di uru, e fiksa ki dus anilia na dus ponta di riba di pitural.

17E fiksa ki dus fiu pikininu di uru na dus anilia na dus ponta di pitural.

18E fiksa utru dus ponta di fius pikininu na ki dus ornamentu, e pui elis riba di ombreras di efodi na ladu di frenti.

19E kumpu tambi dus anilia di uru, e fiksa elis na ki utru dus ponta di bas di pitural na si ladu di dentru, ku staba riba di efodi.

20E kumpu mas dus anilia di uru ke fiksa na dus ponta mas bas na frenti di ombreras di efodi, pertu di si juntura, riba di sintu di efodi ku tisidu bonitu.

21E toma korda azul, e mara anilias di pitural ku anilias di efodi, pa pitural pudi sinta riba di sintu di efodi ku tisidu bonitu, pa i pudi fika firmi na si lugar. Es tudu i fasidu konformi ordi ku SIÑOR da Moisés.

Utru ropa di saserdotis(Sai 28.31-43)

22Un tisidur kumpu kamisoti azul ku ta bai juntu ku efodi.

23Abertura na metadi nunde ku kabesa pudi yentra i reforsadu ku un gola tisidu, pa ka i rumpi.

24Na baiña di kamisoti e borda romans di lan azul, purpura ku burmeju, ku fiu tursidu.

25E kumpu tambi sinus pikininu di uru puru, e fiksa elis na metadi di romans na baiña di kamisoti, na roda,

26un sinu pikininu, un roman, utru sinu pikininu ku utru roman, na roda di baiña di kamisoti ku ta bistidu pa tarbaju di Deus, konformi ordi ku SIÑOR da Moisés.

27Tisiduris kumpu kamisotisSir 8.13 di liñu finu pa Aron ku si fijus.

28E kumpu tambi ŝapeuEz 44.18 di liñu finu, ku ŝapeus kumpridu ku kalson di liñu finu tursidu,

29ku sintu ku bordadur kumpu di liñu finu tursidu ku lan azul, purpura ku burmeju, konformi ordi ku SIÑOR da Moisés.

30E kumpu tambi lamina di koroa sagradu, di uru puru, e grava palabras DEDIKADU PA SIÑOR nel, suma ku algin ta grava karimbu.

31E maral ku korda azul na frenti di ŝapeu, konformi ordi ku SIÑOR da Moisés.

32Asin tudu tarbaju di tabernakulu di tenda di juntamentu kaba. Fijus di Israel fasi tudu konformi ordisLei 12.32 ku SIÑOR da Moisés.

Tarbaju kompletadu(Sai 35.10-19)

33Dipus e leba tabernakulu pa Moisés: tenda ku tudu si material, ku sedu ansolis, firkijas, travesas, pes;

34kuberturas di kurus di karnel macu tinjidu di burmeju, ku kurus di baka di yagu, kurtina ku ta kubri kau mas sagradu;

35arka di kontratu ku si varas ku kubertura di miserikordia;

36mesa ku tudu si material, ku pon sagradu;

37kanderu di uru puru ku si fila di lus, ku tudu si pesas, ku azeiti pa pui nel;

38altar di uru, azeiti di unji, nsensu ku ta cera sabi, ku kurtina di entrada di tenda;

39altar di kobri ku si grelias di kobri, ku si varas ku tudu si material; basia ku si pe;

40kurtinas di tapada di kintal ku se firkijas ku se pes, ku kurtina di porta di kintal, kordas ku stakas, ku tudu material di tarbaju na tenda di juntamentu;

41ropa bonitu pa tarbaju na kau sagradu, ropa sagradu di saserdoti Aron, ku ropa di si fijus pa fasi tarbaju di saserdoti.

42Fijus di Israel fasi tudu tarbaju konformi ordis ku SIÑOR da Moisés.

43Moisés jubi tudu tarbaju diritu, i oja kuma e fasil konformi ordisKap 40.16,32; Num 1.54 ku SIÑOR da. Asin Moisés bensuaSir 9.22-23; Num 6.23-27; Jos 22.6; 2 Sam 6.18; 1 Re 8.14; 2 Kron 30.27; Sal 29.11 elis.