Ebreus 11 - Portuguese Creole Bible, Guinea-Bissau

Jinti ku tenba fe

1Fe i sertesa di kusas ku no naRom 8.24-25; 2 Kor 4.18 pera; i proba di kil ku no ka oja.

2Suma ku jinti di antigu tenba fe, e ku manda Deus ngaba elis.

3Fe ta pui no ntindi kuma Deus kumpu munduJon 1.1-3; 2 Ped 3.5 ku si palabra. Asin, kil ku ojadu i fasidu di kil ku ka ta ojadu.

4I fe ku pui AbelKum 4.4 da Deus sakrifisiu mas bon di ki kil di Kain. E ku manda Deus ngabal kuma i justu; i kontenti ku si oferta. Pabia di fe, te dipus di mortu, i na papia inda.

5I fe ku pui EnokKum 5.22-24 lebadu pa utru vida sin muri. Ningin ka pudi ojal pabia Deus lebal. Antis di lebadu, i tenba bon tustumuñu kuma Deus kontenti ku el.

6Ningin ka pudi pui Deus kontenti ku el sin fe, pabia kil ku na bai pa el i ten ku fia kuma el i ten, kuma i ta da pagamentu tambi pa kilis ku buskal.

7I fe ku pui Noe, oca Deus avisal di kusas ki ka oja inda, i seta, i kumpu barkuKum 6.13-14,22 pa salba si familia. Pabia di kila, mundu kondenadu, ma Deus oca Noe justu pabia di si fe.

8I fe ku pui AbraonKum 12.1,4 kudi oca Deus comal; i bai pa un lugar ki tenba ku risibi pa yardansa. Oca i sai di si tera, i ka sibiba nunde ki na bai.

9I fe ku pul i sinta suma stranjeru na tera ku Deus fala i na dal. I mora naKum 12.8; 13.3,18; 26.3-4; 28.13-14 tenda, suma Isak, ku Jakó, ku risibi tambi mesmu purmesa ku el,

10pabia Abraon na peraba ki prasaKap 12.22; 13.14; Apok 21.2,10 ku Deus diseña, i kumpu, ku tene bon alisersu.

11I fe ku pui propi SaraKum 17.19; 18.11,14; 21.1-2; Is 51.2; Luk 1.36 pa i risibi puder di preña; i padi oca ki pasaba ja idadi, pabia i oja kuma kil ku fala i na dal fiju i fiel pa fasil.

12Asin, na un omi ku pirdi tudu forsa di nobresa, i nasi multidonKum 22.17; Rom 4.17-20 di jinti suma strelas di seu, suma reia na roda di mar ku ka pudi kontadu.

13Tudu e jinti e muri ku fe sin ciga di yangasa ki kusas ku Deus fala i na da elis, ma e oja elis diJon 8.56 lunju, e fika kontenti ku elis, e konfesa klaru kuma elis i ospriKum 23.4; 1 Kron 29.15; 1 Ped 1.17 strañu na tera.

14Kilis ku ta fala asin e mostra klaru kuma e na buskaKap 13.14 un tera pa elis.

15Si na bardadi se sintidu staba na nunde ke sai, e tenba manera di riba,

16ma e misti un tera minjor di ki kila, ku sedu na seu. E ku manda tambi Deus ka sinti borgoña delis, pa e comal seSai 3.6,15; Fil 3.20 Deus, pabia i ranja elis un prasa.

17I fe ku pui Abraon, oca ki probadu, i pursentaKum 22.1,9; Tia 2.21 Isak. El ku risibi purmesas i staba pruntu pa sakrifika ki uniku fiju,

18kontudu Deus falalba: “I na IsakRom 9.7 ku bu jorson na sai.” Abraon fasi di konta kuma, Deus ten puder te di lantandal di mortu.

19Na un sintidu i di mortu ki risibil.

20I fe ku pui IsakKum 27.27-29,39-40 bensua Jakó ku Esaú; i fala na kusas ku tenba ku kontisi.

21I fe ku pui Jakó, oca i pertu muri, i bensuaKum 48.5,16,20 kada un di fijus di José; nkuñadu na si manduku, i adora Deus.

22I fe ku pui José, na fin di si vida, i fala di saida di Israel na Ejitu; i konta elisKum 50.24-25; Sai 13.19 ke ke dibi di fasi ku si os.

23Oca ku MoisésSai 1.16,22; 2.2 padidu, i fe ku pui si papes sukundil tris mis, pabia e oja kuma i seduba mininu bonitu. E ka medi ordi di rei.

24I fe ku pui Moisés, oca ki sedu omi, i nega pa i comadu fiju di fiju femiaSai 2.5-10 di Faraó.

25I kuji pa sufri maltratuSai 2.11-15 juntu ku pobu di Deus, te pa i goza puku tempu di sabura di pekadu.

26I oja kuma, pa i njutidu pabia di MesiasKap 10.35; 13.13 i ten mas balur di ki tudu rikesa di Ejitu, pabia i pui si uju na pagamentu ku na bin bin.

27I fe ku pul i sai na Ejitu, i ka medi raibaSai 10.28-29 di rei. I fika firmi suma kin ku na oja DeusSal 16.8 ku ka ta ojadu.

28I fe ku pul i fasi festival diSai 12.21-23 Paskua; i waga sangi, pa anju di mortu ka toka purmeru fijus di pobu di Israel.

29I fe ku pui israelitas kamba Mar BurmejuSai 14.21-29 suma na tera seku. Tropas di Ejitu mistiba kamba tambi, ma e foga na mar.

30I fe ku pui mura di JerikóJos 6.20 kai, dipus de da volta del seti dia.

31I fe ku pui Raab, ki minjerJos 2.1-7; 6.17,22-25; Tia 2.25 di mau vida, i ka muri juntu ku ki disobdientis, pabia i risibi spions na si kasa ku bon vontadi.

32Ke mas ku N pudi fala? I ta faltan tempu pa N konta diŜef 4.6; 6.11; 11.1; 13.24; 1 Sam 1.20; 16.1,13 Jidion, Barak, Sanson, Jeftá, Davi, Samuel ku anunsiaduris.

33I fe ku pui elisJos 13.6-7; Ŝef 14.5-6; 2 Sam 8.1-14; Dan 6.22 e vensi renus, e fasi kusa justu, e yangasa kil ku Deus fala i na da elis, e fica boka di lions,

34e paga forsaDan 3.25 di fugu, e kapli2 Sam 21.16-17; 2 Re 6.15-17 di mortu di spada; na se frakesa e yangasa forsa; e ngaña forsa na gera, e serka1 Sam 14.13-15; 17.48-51 tropas stranjeru.

35Minjeris torna risibi se mortus1 Re 17.22-23; 2 Re 4.35-37 ku lantandadu.

Utrus kastigaduAt 7.58-60 tok e muri, e nega seta libertason, pa e pudi yangasaFil 3.11 minjor resureison.

36Utrus fasidu trosa, e sutadu; utrus pudu korenti, e ficaduKum 39.20; Jer 20.2; 37.15 na kalabus.

37E dadu1 Re 21.13; 2 Kron 24.21; At 14.19 ku pedra, e seradu na metadi, e matadu ku spada; e yanda bistidu ku kuru di karnel ku kabra; e seduba koitadis ku fadiga ku maltratu.

38Mundu ka mersiba tene elis. E ta yanda-yandaba na matus ku montis; e ta sukundiba1 Re 18.4; 19.9 na kobas ku burakus na con.

39Esis tudu e ngabaduKap 11.2,13 pabia di se fe, ma e ka yangasa kusa ku Deus fala i na da elis,

40pabia Deus, ku pensamentu na nos, i tenba un planu minjor, ku son juntu ku nos e pudi sedu pirfitu.