2 Samuel 13 - Portuguese Creole Bible, Guinea-Bissau

Amnon ku Tamar

1Absalon, ermon di Davi.

4Es fala Amnon: “Abo i fiju di rei, ma kada dia bu na magru. Pabia di ke? Bu ka na kontan?” Amnon falal: “N misti Tamar, irma di ña ermon Absalon.”

5Jonadab falal: “Dita na kama, bu finji duensi. Ora ku bu pape bin visitau, bu ta falal kuma bu misti pa bu irma Tamar bin dau di kume, pa i purpara kumida bu dianti, pa bu pudi ojal, bu kume na si mon.”

6Asin Amnon dita, i finji duensi. Oca rei bin visital, Amnon falal: “Di fabur, disa ña irma Tamar bin pa purpara dus bulu ña dianti, pa N kume na si mon.”

7Davi manda rekadu pa Tamar, na palasiu, pa falal: “Bai pa kasa di bu ermon Amnon, pa purparal kusa di kume.”

8Asin Tamar bai pa kasa di si ermon Amnon, ku staba ditadu. I toma masa, i masal, i fasi bulus si dianti, i kusña elis,

9i toma panela, i sirbi si dianti, ma i nega kume; i manda pa tudu jinti sai. Asin e sai tudu.

10Amnon fala Tamar: “Tisin kumida li na kama, bu ñukunin el.” Tamar toma ki bulus ki fasi, i leba elis pa si ermon Amnon na kama.

11Oca ki na dal ki bulus pa i kume, Amnon pegal, i falal: “Ña irma, bin dita ku mi.”

12Tamar falal: “Nau, ña ermon, ka bu forsijan, pabia e kusa ka ta fasiduSir 18.9; 20.17 na Israel. Ka bu fasi e tulesa.

13Nunde ku N pudi bai ku ña borgoña? Abo tambi, bu ta sedu suma un di ki tulus di Israel. Di fabur, papia ku rei, pabia i ka na tujin kasa ku bo.”

14Amnon ka seta obi ke ku Tamar fala. Suma i mas el forsa, i forsijal, i dita ku el.

15Dipus, Amnon disgosta del dimas, tok ki disgustu bin mas ki amor ki amalba ku el. Amnon falal: “Lanta, bu bai.”

16Tamar falal: “Bu ka ten roson di dispidin asin, pabia e mal i ta sedu pior di ki ki utru ku bu fasin ja.”

Ma i ka seta obil.

17I coma rapas ku ta sirbil, i falal: “Tira es fora, bu fica porta si tras.”

18Kriadu tiral fora, i fica porta si tras.

Tamar bistiba un bistidu di manga di kor, pabia asin ku fijus femia di rei ku sedu inda bajudas ta bistiba.

19I toma sinsa,1 Sam 4.12 i pul na kabesa, i rumpi ki bistidu di manga di kor ki bistiba, i pui monJer 2.37 na kabesa, i na cora pa bai.

20Si ermon Absalon puntal: “Nta bu ermon Amnon staba ku bo? Keta, ña irma; i bu ermon. Ka bu pui es na sintidu.” Asin Tamar fika tristi na kasa di si ermon Absalon.

21Rei Davi obi tudu ki kusas, i paña raiba ciu.

22Absalon ka fala Amnon nada, nin po nin pedra, pabia i odial,Sir 19.17-18 manera ki forsija si irma Tamar.

Absalon mata Amnon

23I pasa dus anu ntidu. Absalon teneba jinti ku na tiskia karnel na Baal-Azor, pertu di Efrain. Absalon kumbida tudu fijus di rei.

24I bai pa rei i falal: “Ali bu servu tene tiskiaduris; N misti kumbida rei ku si ŝefis pa e bai ku mi.”

25Rei fala Absalon: “Nau, ña fiju, no ka na bai tudu, pa ka no sedu kargu pa bo.” Absalon ngodal, ma i nega bai; i dal son benson.

26Absalon falal: “Si bu ka na bai, disa ña ermon Amnon bai ku nos.” Rei puntal: “Ke ki na bai ku bo pa el?”

27Absalon ngodal; i disa Amnon bai ku el, ku tudu fijus di rei.

28Absalon da ordi pa si rapasis, i fala elis: “Bo sta ku atenson! Ora ku Amnon caskia ja ku biñu, si N da bos ordi, bo ta matal. Ka bo ten medu. Nta i ka ami ku da ordi? Bo mara koraẑen, bo sedu omis!”

29Rapasis di Absalon mata Amnon suma ku Absalon da elis ordi. Asin tudu fijus di rei lanta, e bai se kamiñu, kada kin montadu na si buru.

30Oca ke staba inda na kamiñu, notisia ciga nunde Davi kuma Absalon mata tudu fijus di rei; nin un son delis ka sobra.

31Rei lanta, i rumpi si ropa, i mborka na con. Si servus tudu e firma tambi lungu del ku ropa rumpidu.

32Jonadab, fiju di Simeia, ermon di Davi, fala: “Ñu Rei ka dibi di kuda kuma e mata tudu ki jovens, fijus di rei, pabia son Amnon ku muri. I pudi notadu na rostu di Absalon kuma i pui sintidu pa mata Amnon disna di ki dia ki forsija si irma Tamar.

33Ka Ñu Rei fia na palabra ku fala kuma tudu fijus di rei muri, pabia i son Amnon ku muri.”

34Absalon kuri i bai. Rapas ku staba na sirvis di guarda i yalsa uju, i oja manga di jinti na bin na kamiñu na ladu di monti.

35Jonadab fala rei: “Ala fijus di rei na bin; suma ku bu servu fala, asin ki sedu.”

36Oca ki kaba papia son, fijus di rei ciga, e yalsa se fála, e cora. Tambi rei ku tudu si servus cora ku forsa.

37-38Absalon kuri, i bai pa Talmai, fiju di Amiur, rei di Jesur; i fika la tris anu. Davi fika i na cora si fiju kada dia.

39Oca ki konsola di mortu di Amnon, i sinti saudadis di Absalon.